أضف سؤال أو موضوع جديد          

مسمارالثلاجه

up 5 down 2
faisal2002 892
قبل 7 سنه



السلام عليكم ورحمة الله وبركاته بختصار شديد اليوم بعرض لكم صورة مسمار الثلاجه تبع جيب باترول 2014 بعد ماالغيناه طبعن فيه ناس تسمع فيه بس ماشافته انا حبية اوضحه لكم بصور وبحط لكم كرت الورشه الي اشتغلها وكم كلف طبعن الورشه يشتغل فقط في الباترول سعودي من القصيم وماشاءالله اهل القصيم دايم مبدعين في كل شي ياحبي لهم يعتمدون على انفسهم ولله ماني قصيمي عشان مايقولون يمدح هههههههه اتركم مع الصور
هاذي صورة مسمار الثلاجه بعد فكه
والصوره الثانيه والثالثه كرت الورشه فيه الوصف وارقم 
نجي لسعر فك المسمار 150 ريال
الوقت ياخذ حدود ساعه 
وعلى كلام المهندس مايضر وااله اعلم 
ولله مالي مصلحه في الورشه لا من قريب ولا بعيد ولا اعرف صاحبها حبيت اوضح والي يبي يفكه يستفسرقبل يسوي شي










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مسامير هذي خطيره اذا طاحت في غرفه الاحتراق كوويس انك شلتها 


up 1 down 1
سكودر 14927
قبل 7 سنه



موضوع مفيد والكثير يتجاهله
واشكرك على طرح الموضوع 
وبخصوص ممار الثلاجه ف تطمن من بعد الله سبحانه ان ماله اضراض 
بس بيصير كتمه مثلا مخلي الموتر بالثالث وفكيت رجلك من البنزيم ورجعت تطعس راح يصير كتمه
فققط ماله ضرر في المكينه 
واعرف ناس فاكينه ولهم فوق السنه ولله الحمد مافيه فرق 

واشكرك على طرح الموضوع  والتوضيح 


up 1 down 1
bou_walid 51
قبل 7 سنه



مشكورين سكودر و loode99 على الردود


up 0 down 0
faisal2002 892
قبل 7 سنه



وشالموضوع 
يعني وش اضرار مسمار الثلاجة 



up 1 down 0
متميز جدا 227
قبل 7 سنه



^ هذي الي فوق مايسمى للـهاث بوابة الهواء ومع الدعس تفتح وتقفل حسب قوة الدعسة
منها يدخل الهواء الي جاي من فلتر الهواء الي غرفة الاحتراق عن طريق البلوف خط الهواء داخل المكينة ،
مع الاستخدام ينحل المسمار لانه مو مثبت بشكل محكم عيب تصنيعي ، وع قلوبهم زي العسل
وياويلك لو قلت عيب في الباترول ( ينحروك ) خخخخخ
هذا المسمار يدخل ويسير فوق البستم وهو طالع نازل وهنا يسير خربوط كبير في المحرك


* بس السؤال لصاحب الموضوع كيف الموتر معك بدون اللـهاث !! طبيعي معقول

لان الصح في مثل هذي الحالة اذا كان في عيب

(الحام) للـهاث افضل من تثبيته مرة ثانية او من الغاءه ؟


up 1 down 0
aziz..747.. 2421
قبل 7 سنه



توني فاكه ماصرشي نشوف مع الوقت الله يستر


up 0 down 0
faisal2002 892
قبل 7 سنه



هذي مع التفتفه للسياره تطيح دخل المكينه واذا طلعة مع الشكمان حلو بس بقة داخل المكينه يلضرب البستم وكذا راح تخبط
وياكثر السيارات الجديده توضبة بسبب المسمار هذا مسمار الثلاجه وجوده ما له أهميه
الشركات تتفا أنه يطيح داخل المكينه وأغلب السيارات الحين ما تتفتف الا ببرمجه


up 1 down 0
sa7ab 44
قبل 7 سنه



اكيد القصمان. مبدعين وحبيبين ووسيعين صدر وراعين سواليف وتطعيس. الزبده القصمان. فله. <<<<<تراه قصمنجي. ههههههههههه


up 1 down 0
مراجل2 95
قبل 7 سنه



هههههههههههههههههههههه على العين واراس يا مراجل


up 0 down 0
faisal2002 892
قبل 7 سنه



يعني ماله ضرر اذا فكيته صح والا لا ...؟


up 0 down 0
ابوووصاالح
قبل 5 سنه و 12 شهر