اهداء مني إلي جيب النيسان
10
11
إضغط هنا للإخفاء
السلام عليكم ورحمة الله وبركاته
اول شئ جمعة مباركة وكل عام وانتم بخير
حبيت اكتب لكم قصديتي حقت جيب النيسان
للترفيه فقط واسئل الله العلي العظيم ان يحسن خاتمتنا
والسلام ختام
ياناس يالي تعشقون المشاوير
نصيحتي جيب(ن) جديد(ن) خدومي
من دولة اليابان جاء بالتقارير
وتقرير من عندي يضد الخصومي
وارد من اليابان عداد تصفير
اصفار توه مابدا بالرقومي
موديل سته بعد الالفين تصدير
قرن الغزال اللي عليه العلومي
فل(ن) مكمل كامل الفل تطوير
اللون بحري من يشوفه يقومي
يعطيه من قلبه تحيه وتقدير
من زود حبه لو يصير امحرومي
في اكس ار اثنين منوة جماهير
والله والله مايجي بالحلومي
اجنوط المينيوم سوات القصادير
وطارة هوا هيدروليكيه تحومي
وهزاز دفرنس(ن)يقص المسامير
من قوته وقت المواقف جزومي
والكاميرا بالخلف زينه وتصوير
وكاشف ضباب ايزيل كل الغيومي
مصباح امامي نوع زينون تدمير
كم شخص من نوره يصير امهزومي
وفرامل (اي بي سي )وقت المحادير
تفتح وتقفل عند وقت اللزومي
ياسعد عين اللي نوى تلة القير
من فزته تقول قرم(ن) عزومي
ماياخذه غير الرجال الهوامير
اللي تبيع وتشتري فالسهومي
يازين سجه والصحاري مخاضير
والجو روعه والسحايب ردومي
والقوس بادي سبعة الوان تبشير
ابشارة(ن) تزيل كل الهمومي
وطاح الربيع وجاك وقت المظاهير
والجيب مثل الذيب وسط الحزومي
وياماحلا المجلاس حول المباهير
والكيف بن وهيل شرب القرومي
والنار شبت لرجال المناعير
تقدح شرار(ن) مثل رمي النجومي
والقلب صافي مايجي فيه تكدير
ومن الفرح خطير شق الهدومي
اقولها والله ولي التدابير
والرزق من عنده موزع قسومي
ارزاق من عنده تجي دون توفير
مثل الجبال العاليات الرجومي
ياجامع اموالك على غير تبصير
لاتحسب انك في حياتك تدومي
اسمع كلام اللي يقول التعابير
وادع الولي لعل حظه يقومي
إبلاغ
الردود
2
0
فكسار ولا نيسان يامسلم!! ولا انا فهمت غلط
2
1
0
1
0
0
قبل 10 سنه