مارايكم في نيسان التيما 2014

سيارة ممتازة وعملية .
ال 4 سلندر عزمها قوي من واقع تجربة الموديلات السابقة. 
فاذا عندك امكانية تاخذ 6 سلندر أفضل بكثير .

مبروك مقدما . الله يعطيك خيرها ويكفيك شرها .

اذا ماعندك مشكله مع قير cvt توكل على الله

ياخي cvt كويس وممتاز وافضل قير اشوفه لاي سيارة دفع امامي صراحه 
وبعدين بعضكم يحسبه مايبدل ودايم عداد الضغط مرتفع ومع الخط تحتر هذي المعلومة غلط
هذا بس بقومة السياره واذا مريح السياره تبدل طبيعي 
انا كنت امشي بالالتيما 6 سلندر 120 عداد الضغط 1ونص 
Cvt على مكينة 6 سلندر والله يطربك افضل من العادي بالف مره وفيه 7 تبديلات
السياره مواصفات وقوة وعزل اكثر من رائعه 
لكن لعلمك الالتيما الجديده وتحديدا 2013 الكل يشتكي من عيوبها المصنعيه وانا كنت اولهم .. 
والوكاله ماتعرف حلها وتصرفنا لين بعتها 
نصيحه خذ قيادة تجريبيه لموديل 14 عند العيسى فرع الملز عندهم 4 و6 سلندر للتجريب
وشوف اذا عجبتك وشفتها ممتازه توكل على الله 

al_orainy بماانك مجرب لهذا النوع من السيارات بعد تجربتك لو فرضا جاك شخص عزيز عليك مره  بتنصه يشتري هذي السياره 
وانت قبل سنه بايعها علشان ماحد عرف يصلحها حتى الوكاله 

الي شايل هم القير حق اللتيما 2014 ترا طوروه صار نسبه احتكاك فيه 40 بميه ومبردين قير  وصيانته سهله  

بنسبه لي جربت الالتيما 2009 وممتازه  الالتيما بصفه عامه  كويسه لكن فيها خفه وتعاكس معك مع استخدام الشاق 

حسوف .. 
للاسف مابنصحه يشتريها 
ربما كانت المشاكل بسبب دفعة او فقط الموديل هذا 
لكن واجب علي احذره ..
وعنده بدائل كثيره 

مانصحك تشتريها الحين لان الدفعات الاولى فيها عيوب مصنعيه واكثر من شخص من ملاك السيارة واجهتم مشاكل انتظر الى 2015 

مانصحك تشتريها الان 

ادخل على موقع نيسان العربيه وبتعرف كل شيء عنها 

انا قريت مواضيع كثيرة عنها وكلها مشاااااااااكل 

انتظر موديل 2015 لعلهم تلافو العيوب 

2013 ممكن فيه عيوب بسيارات بسيطه وليس كل الدفعه 

بس 2014 خلاص تفادو عيوبهم ومشاكلهم انا اقول توكل على الله

موتر كفو اتعب وانا اقول موتر كفو

خط تطربك مدينه مريحه وعزله حلو  عزم جباااار 

حتى 2014 مازالت فيه مشكلة القير 
قرأت بعض الشكاوي في منتدى نيسان 
و للعلم المشكلة موجودة حتى في أمريكا و الوكلاء مالقولها حل 
المشكلة الأساس من شركة نيسان نفسها حطوا قير CVT و توهقوا فيه

طيب حتى سوزوكي وهوندا ومستيبوشي ايضا اصبحت تستخدم قير  CVT  ليه ياابو راشد  احتذوا بنيسان مادام توهقت فيه ..بصراحه انا عندي مكسيما قير CVT

والسياره ممتازه من دون اي مشاكل  

تجربتي مع التيما 2008 4 سلندر فل كامل كانت ممتازه جدا

مواصفات كثيره وعزم خورافي وقيرها cvt مريح وقطع غيار السياره الأستهلاكيه رخيصه اكر غير كرسي مساعد وكان سعره 75 ريال

العيبوب:
1- زيت المكينه كان ينقص.
2-ارتفعت علي الحراره وصيخت الرديتر
3- غيرت زيت القير من يمني وشكله حط لها زيت عادي مش مخصص ل cvt  وضربت علي حساسات القير وصلحتها بمبلغ وقدره
4- السياره واطيه جدا عشان تصميمها سبورت فكانت مبهذلتني كل شوي تحك في المطبات
المشاكل هي طلعت بعد سنتين من الاستخدام والسياره كانت ماشيه 120 الف

انصحك بالهوندا اكورد

اكر غير=اذكر غيرت

ما انصحك فيها نهائيا معي ٢٠١٤ ورحت للوكاله كثييير ما ضبطوا لي مشكله القير .. للمعلوميه انا انسان محافظ واحن على الموتر 

انا ناوي اشتري وحده بس خايف من القير اخاف انه يصخن مثل الموديلات السابقه 
انا كان معي التيما 2010 كلن مشكلتها يصخن القير وترجع السرعه لين 120  اللي عنده خبره خل ال2014 مثلها ولا حسنوها

املك موديل 2013

مخبط علي القير مرتين

هذا السي في تي وعمايله

انحش عن نيسان والله لتندم زي ما انا ندمان

اخذتها ب 110 الف والحين لوابيعها كم بتجيب واشتري ايش بهالمبلغ

يعني بظطر اغير السيارة بسبب القير

قناعتي الشخصية غير مازدا وهوندا ماراح اشوف اي خيار ثاني

كرهت نيسان وان شاءالله حقنا مايضيع