استفسار عن هذه السيارة

والله ياخي انا ما اعرفه ولا قيد جربته
ولكن مع الاسف اشوفه منتشر بسيارات ساهر ويوقف تحت الشمس ومكيف وكل يوم يجي عند شارع بيتنا
حسبي الله فيهم هههههههههه

المقصد انه منتشر وهذا دليل على عمليته

دامك تحب البر وتطلع كثير للبر مايعجبك الموتر لانه 4 سلندر وهو من فئه جمس اكاديا والفور ايدج

منتشر اكثر في دول الخليج مثل الامارات في سيارات الشرطه +1 لايك للجميع

احد الزملاء بالكليه معاه وحده وبصراحه والله مايمدحها واذا تبغا رقمه ارسله لك ع الخاص ..

مشكورين جميعاً لاهنتوا على الرد بيض الله وجيهكم كل باسمه 

و يا فنان المشكلة وين الجيب اللي على قد الفلوس الدداسن تماتيك نادر
هو اهون الموجود على ما اظن 

التركي المعذرة بحط لايك لكن داخل من الجوال وحدة جت لايك و الثاني بالغلط ديسلايك 

٤ سلندر كم قوتها و دامه بدبل زين 

الاسعار ما احد يشطف المعارض دايم و يخبر اسعارها ؟

يارجال اذا تبي بر مالك الا اثنين ﻻندكروزر قديم 
او باترول 97 

اخوي ماودي احطمك..20 الف ماتجيب سيارة تنفع للبر وتصلح للبلد..
تجيب لك سيارة تصلح للغنم..نعم..لكن ماتنفع للبلد نهائيا.
خلك على التكوس وضحي بالبر او العكس...
ونصيحة ابعد عن النيسان الرخيص خاصة الجيوب وماشابه.
تاكد مارخص الا عشان الصيانة والورش بهذلت راعيه اللي قبلك..

وين ذا الباترول ابو 20 يا (
i6rb ) اذا شديته ب 30 احمد ربك ، الحين الباترول 97 اسعاره متعديه 2003 تصفق 40 اذا كان نظيف الباترولات الموديل هاذا ضربت اسعارها لأن كثير ياخذها ويسقط عليها مكينة فقط يا ls1 او ls2 وقيره ودفرنسه يتحمل المكينة يعني مايحتاج يرهم وبديه خفيف عشان كذا ياخذونه وضارب سعره

وحتى اللاندكروزر الموديلات القديمة غالي بعد تلقاه ب 25 ولا ب27 مكسر ومنهبل

وبالنسبة لك ياصاحب الموضوع والله ما اقدر افيدك بموتر على قد فلوسك لأنها قليلة وتعرف الجيوب ضاربه اسعارها

فيه الشروكي لكن ممكن انه مايناسبك لأنه غثيث حرارته ترتفع بسرعة مع المراقى حتى لو تطبق له مراوح ورديتر رصتين ، بس انه اطرب من الباترول على الطعس بمكينة الشد بلد

وانا اخوك هالقيمه ماتجيب لك جيب واذا حصلت بتلقاها خرده 

عندك الفوردات تراهي ممتازه وحقت كرف واذا طلعاتك للبر قريبه ترا تقوم بالمهمه

موفق

اخوي شوف التيريوس من ديهاتسو.
تحصل موديل 2007-2009 بالقيمة اللي معك..

وعليك السلام ورحمة الله وبركاته
يا حي الله أخوي :)
من زمان عنك ومواضيعك وردودك.
بخصوص الموتر، فيه خيارات كثيرة بهالمبلغ.
ايش رأيك بسوزوكي جيمني موديل ٢٠٠٧ أو ٢٠٠٨ ؟!
وأببحث لك عن غيره.
http://haraj.com.sa/115285186/جيب_سزوكي_جمني_2007دبل/

حياك ربي ي الغالي 

شرفتني بمرورك الجميل و الله انشغلت و مع كثرة مشاكل المنتدى تركته

السوزوكي و الله زين لكن انا عندي اعاقة باليد اليمنى لذلك ما اقدر اسوق الا اوتوماتيك 

لو كانت على العادي كان فيه جيوب كثيرة بلقاها بالقيمة هذي بس المشكلة اتوماتيك و جيب نادر تلقاها بسعر ٢٠ الا هالجيب اللي سألت عنه

ربما اصرف النظر عن بيع السيارة حالياً إلى وقت لاحق لعل الله يحدث أمر خير ان شاء الله