بواجي وصفايه

رأي ونصيحتي اترك الخساير اللي مالها لزوووم
مادام الموتر مابه الاالعافيه (حرك تبلش)

2013 و ماشي 35 الف كيلو ماشاء الله ترى لسى بدرررري على البواجي والصفاية اللي هي فلتر البنزين

اذا فيك حرص زايد غيرها على 60 الف كيلو مو الحين 

لانها لسى جديدة وفيها عمر 

الموتر يا الغالي توه جديد مرررة ، اصبر


وثانيا ما مشى شي وهاذي خسارة كبيرة عليك ولا تعتقد انه بالطريقة هاذي انه بيعيش اكثر


اهم ماعليك حافظ على سوائله اول بأول غيرها وعطه حقه من التحمية بنسبة بسيطة ولا تدعس للموتر بشكل زايد وبيعيش سنين


اما القطع الاستهلاكية فعمرها شبه طويل ولها اثار قبل بداية التلف


اصبر لين 80 الف ثمن غير

ارجع لكتيب السيارة تحصله موجود ويوضح متى تغير القطع الاستهلاكية بعدد الكيلومترات

خساير عالفاضي .............

شوف يالغالي انا معي ددسن 10 غماره وكاله من اول ماطلعتها غيرت 
صفاية بنزين حول 30 الف بـ 50 ريال تقريبا
وفلتر هواء حول 70 الف بـ 140ريال 
وغيرت البواجي 100الف وعند تغيير البواجي ما كانت سيئة مررره لكن الافضل تغيرها 
لان بواجي الوكاله تغير كل 40 الف وانا مطنشهم وغيرت معها اسلاك البواجي مررره وحده لان الاسلاك
لازم تتغير كل 100الف مع غطا الرديتر والسيور والفحمات اذا فيها صوت 

على فكره سعر السيور كلها 120ريال والفحمات 140ريال والغطاء بـ 40ريال واسلاك البواجي 140ريال
وغيرت معهم ماء الرديتر بريستون لون العلبه اصفر مخلوط جاهز الجالون الواحد بـ 45ريال واخذت 2 وغيرت
وماشاء الله باقي نص علبه والموية ممتااااااااااااازه يستحمل 240الف كيلو او 5سنوات اللي يسبق الثاني 

اهم شيء الموتر لاتسخنه اكثر من 3دقايق بعد الدقيقه الثالثه امش على مهلك الين ترتفع الحراره هذا الصحيح ومذكور
في دفتر الوكاله .
والزيت انتبه تستخدم زيت ثقيل 50-20   دفتر الوكاله كاتبين 30-5 والاقرب له 30-10 
وانا اغير اول ما اخذت الموتر زيت كلسترول 30-1

عفوا 30-10 وزيت تعبان صراحه تسمع طقطقه بداية التشغيل فقط 
وبعدها حولت زيت موتر كرافت 30-10 ممتاااااااااااااااااز راحت الطقطقه نهائيا والزيت نص تخليقي
واخر تصنيف sn والعلبه بـ 15ريال من محلات الجمله

على فكره اخوي جميع الاسعار والقطع في الرد اللي فوق كلها من الوكااااااله 
وانتبه تاخذ القطع من غير الوكاله اضمن لك ولاتنسى الفاتوره تضمن حقك 
وكل من شاف ردي اتمنى الدعاء لي فقط لاغير

دام السالفة وصلت للبنزيم اجل غير الصفاية والبواجي وان حصل تغير السيور يكون افضل -_-

على فكرة القطع اللي تجي في السيارة من بلدها اكثر جودة من القطع اللي في السوق السعودي بالذات حتى قطع الغيار بالخليج احسن من اللي عندنا يعني لا تستعجل

عبدالله 711. بيض الله وجهك تعبت نفسك كتبت واجد ع العموم الله يوفقك ويعطيك اللي تمناه..بالنسبه للزيت اغير بترومين واشوفه مناسب 

لاتعب ولاشيء انا حاضر ياخوي 
طيب يالغالي بترومين وش لزوجته ؟؟؟؟

عبدالله 711..مالي علم فيه الشايب عنده بنشر ويقول احسن الزيوت بترومين قلت يالله ومواترنا كلها بترومين

اعذرني في تاخري بالرد 
بسبب الضروف ✋

اذا تغير بترومين ٣٠-١٠ فتراه زيت مكرر وتصنيفه 
قديم SL فالافضل جعل عمرك طويل زيت موتر كرافت 
٣٠-١٠ نصف تخليقي واخر تصنيف SN ويكفي انه امريكي
الصنع والعلبه بـ١٥ الى ٢٠ ريال والزيت ممتااااااااز جداً

واعذرني مره ثانيه على التأخير