أضف سؤال أو موضوع جديد          

سؤال لأهل الخبرة . مخاب من استشار

up 4 down 5
mazen - 80
قبل 7 سنه و 3 شهر



السلام عليكم ورحمة الله وبركاته .
 اسعد الله صباحكم/مسائكم بكل خير .
الاعضاء الموقرين لعلي اجد الحل عندكم ان شاء الله  وخاصة (ابو سند) ولايهون الجميع
 عندي موتر نيسان باترول فتك 2008  وعند مشكلتين وهي .
1/ عندي دبة الرصاص (التلوث ) مفرغة والدبة الوسطية تجاري واتوقع حتى حساس الشكمان غير موجود  ماني متاكد منه  والصوت شوي مرتفع وجيت ابغى اشتري القطع ولقيتها غالية ...هل يوجد بديل لدبة التلوث   وهل ياثر على عزم السيارة  ... وفيه ناس نصحوني بدبة نوع (مجنا فلو) وغيرها ....

2/ يوجد رجة خفيفة في الدركسون من سرعة 80 الى 100 وتروح قلت يمكن من عامود الدبل وفكيت العامود وجربت السيارة وباقي الرجة وقالو يمكن من ذراع الدركسون لكن المشكلة الذراع ثلاث قطع صحيح ولالا وبعدين اي قطعه اغيرها اذا كان 3 ..
                                               اشكر الجميع  
  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالنسبة للدبة انصحك تركب هدرز كامل اريح للمكينة واقل صرف بنزين واقوى وحط الدبه كاتم احسن لك من الاصوات والازعاج

بالنسبة للدرقسون دبل مساعد الدرقسون ركب مساعدات درقسون جبريال سعر الواحد ب ١١٠ طبعا هو وكالة يجي مساعد واحد والثاني ترهمه يضبطون لك قواعد للثاني مع تركيب المساعدين يكلفك بحدود ١٥٠ شغل يد + ٢٢٠ مساعدين 

طبعا اكتب مساعد درقسون باترول بقوقل وبتحصل انواع المواضيع والشروحات لفكرة ترهيم المساعد


up 1 down 0
أبو ناصر 60
قبل 7 سنه و 3 شهر



بالنسبة للرجه احتمال من الجنوط اذا هي كروم لابد من ترصيص ارضي ولاينفع الترصيص العادي العضيب 150 ريال.
اما بالنسبة للدبه المشكلة بعد فك دبة التلوث تزيد صرفية البنزين وحاول تركب دبة صوتها خفيف وغير مزعج لانهها تطفش مع الوقت


up 1 down 0
الفراعنه 315
قبل 7 سنه و 3 شهر



وعليكم السلام ورحمه الله وبركاته

بالنسبة للصوت ماراح تلاقي بديل للبلد
اي دبه بتركب بيكون فيها صوت اعلى من شد البلد ويختلف على حسب الدبه اللي ركبتها
ركب دبه يوكون تجاري تجي نصف تفريغ صوتها شبه كاتم ولا يبان الا على ار بي ام عالي 
حتى وانت في خط ومثبت دعستك مايبان الصوت سعرها اتذكر حول 150 ريال عند التقوى
بالنسبة لحساس الشكمان مدام لمبة الـ Check Engine ما اشتغلت اكيد مبرمج لإنو الطبيعي لابد تشتغل بعد التفريغ

الرجه اسبابها كثير والباترول اللي ما يرج مهب باترول ههههههههه
بالعاده ذراع الدركسون يرج اذا اخذت مطب وانت مسرع شويات او حفره صغيره او بطناج
تلاحظ الدركسون وده يطلع من مكانه انزل تحت السيارة وشيك عليه يمكن جلد الذراع نفسه او جلد الدوده 
كلها تسبب رجه ودائما ابدأ بالاسهل في مثل الحاجات اللي كذا 
الكفر لو جواه رمل يرج في مثل حالتك من 80 إلى 120 تقريباً تأكد لو قد انفصخ عليك الكفر في نفود وعبيته هوا في مكانه
الجنط التجاري / الرمان مرتخي او تالف / جلد قاعده المساعد تسبب رجه ايضاً / جلد او مسامير عامود التوازن
الكفرات نفسها شيك عليها والجنوط 
والله ييسر لك الامر


up 1 down 0
abo kayan-55 652
قبل 7 سنه و 3 شهر



بيض الله وجيهكم وكثر الله خيركم . 


up 2 down 0
mazen - 80
قبل 7 سنه و 3 شهر



وعليكم السلام أخوي مازن ولاهنت 

بالنسبه للبديل للدبه أكثرهم مثل ماقالوا الأخوان يركبون دبت جمس يوكن 

وبعضهم يركبها كامله مع الهدرز 3 إنش على حسب قولهم أنها تعطي عزم أكثر وتقلل الحراره .. وأنا ماجربتها 

عندي القزوز تعبانه فيه تنسيم وماأدري أركب قزوز وكاله أو هدرز خوفا من صرفية الزيت 

وأما بالنسبه للرجه المذكوره لها عدة أسباب بدأ بالترصيص وعمود الدبل وحتى كرسي القير اللي بالأخير بما يسمى العرموطه

له دور ومن الأسباب تركيب كفرات بالون أو يمكن يكون عندك مساعد الدركسون يحتاج تغيير تلقاه قدام الدفرنس شيك عليه

وشوف عليه زيت مندي أو جلد تالفه ... وحتى فيه رمانات للدفرنس الأمامي توجد خلف الهوبات يكون فيها فضاوه وتحتاج

تغيير لكن أستبعدها لسيارتك لكون السياره جديده ماشاء الله ... الأسباب واجد بس وين المهندس الفاهم اللي يطلع المشكله 

من أول مره بدون خساير وتغييرات مالها دخل بالمشكله ... بالتوفيق أخوي مازن وخبرنا لو حليت المشكله 


up 1 down 0
ابــو ســنــد 10639
قبل 7 سنه و 3 شهر



الف شكر يابو سند وماقصرت واذا حصلت حل بعطيكم لتعم الفائدة الجميع


up 1 down 0
mazen - 80
قبل 7 سنه و 3 شهر