ترهيم البترول

سبحاان الله وبحمده سبحاان الله العظيم 

كلها تركب على قير الوكالة ويسون تحويلة بين القير والمكينة وتكلفة مكينة اللكزس بحدود 18 وهي حلوة للاستخدام اليومي وصراحة مكينة مافي امل تخرب ﻻن ولد عمي  مركبها ماشاء الله مافيه شعيب وﻻ طعس وﻻ شارع اﻻ تقاوم فيه وﻻ طعس وهي حلوة ماتشرب بنزين وقليلة الخرابات وتعطيك ممشاء لكن مشكلتها في التورك حقها ضعيف يعني في مراقا الطعوس يطيح عزمها شوي اوالكابرس غنية عن التعريف قوية لكن اقل اعتمادية من اللكزس وتركيبها ب23-25 تقريبا لكن خذها قوة في الطعوس وﻻ المقاومات واكثر المرهمات يركبونها ﻻنها تقبل التعديل وتتحمل ورخيصه قطع تعديلها 

وترا مكينة اللكزس تجي يابانية يعني مكينة مجددة في اليابان 

وعليكم السلام 

بخصوص الترهيم هل يركب على قير الباترول ؟  نعم يركب لكن لكن تحتاج لتحويله حتى تتطابق مع المكينه والقير

وأفضلها التحويله الأستراليه وسعرها بحدود 3000 

وفيه تحويله إماراتيه وسعوديه سعرها لايتعدى الــ 2000 ريال

والمكاين فيه عدة خيارات مكينة لكزز LS400 من موديل 90 إلى 200 وهي أقل مشاكل وأعطال وعزمها جيد وإقتصاديه بالوقود

 وعندك مكينة الكابرس LS1 

وتجي أفضلهن وأقواهن مكينة الجمس الدينالي أو الأسكاليد 6.2 لتر 

نجي للأسعار مكينة اللكزز مع الكمبيوتر في بحر الـ 4000 أو أقل 

والمحركات الثانيه ماني متأكد منها 

ولكل ورشه ومهندس سعر يختلف عن الثاني بعض الورش يقول المكينه والتركيب والقطع علي بسعر 14 ألف 

وبعضهم أغلى ... وبالتوفيق

طبعا مكينة اللكزز يوم أقولك سعرها 4000 آلاف بدون التركيب 

مع التركيب بتكلفك أكثر لأن فيه تجليس ولحام للكراسي وكهرباء للطرمبة البنزين وغيره الكثير

والأخ ابو ابراهيم ksa ماشاء الله عليه عنده معلومات أكثر مني .. مساء الخير يابو ابراهيم

يبي لك تركبها من واحد فاهم مكينه ls1  يبي لها قير مطابق لها وكمبيوتر مطابق لها بعد علشان تزبط معك وعزمها اقوى من لكزس هذا واحد من عيال مركبها وقعدت سنيتن معه وكرفها كرف على بترول 92 

اذا تبي الموتر ريس ومراقا وقومات عليك بـ LS1 
بس الاهم الميكانيكي الجيد

عدل على نفس المكينه

ركب لها فلاتر وهوائيات و بواجي واسلاك بواجي رياضيه

يمكن ما تكلفك 5 الاف ووفر هالفلوس والتعب

او اشتر لك باترول مرهم وجاهز احسن لك

السلام عليكم...اذا ودك ترهم اطلع الامارات،،سعر مكينة اللكزس ٣٤٠ ...٢٠٠٠ درهم...وسعر مكينة لكزس ٤٠٠. ،،،١٥٠٠ درهم،.والورش اللي ترهم ياكثرها،،وشغلها ١٠٠٪ يعني ماراح تكلفك الشغله كلها ٦٠٠٠ الاف درهم،،

مساء النور والسرور بالعكس ان  شاء الله ان فيك الخير والبركة يا ابو سند صراحة كثيرين مايمدحون شغل الامارات ﻻن يجلس المكينة على كراسي الوكالة وﻻ دروا انك سعودي ما اشتغلوا لك زين والفرق ما يستاهل المخاطرة ونصيحة اذا انت مالك في الترهيم وﻻ الميكانيكا وﻻ معك ناس لهم خبرة بينضحك عليك بصراحة وتكون فريسة سهلة لضعاف النفوس  وﻻتتعب نفسك ترا بتتعب لين ينشد موترك صح وكل كراج يختلف عن الثاني والكراج ترا يختلف الشغل من زبون لزبون ثاني وترا موترك يطلع من باب الورشة معد يعرفك راعيه الكراج ﻻن الشغلة كلها تعديل في تعديل لكن عليك باللي سمعته كويسة نصيحة اخوية ان كان خبرتك في الترهيم مو ذاك الزود عليك في الموتر الجاهز خذلك واحد مستعمل جاهز وخاصة ان قطعه رخيصة وانا افضل اللكزس مكينتها في الرياض ب3000  وقير الفتك بدبله بحدود 5000   

الشباب ماشاء الله افادوك ما اضيف على كلامهم شي الدفرنس ايضا يتحمل المكينة وهاذي زينة الباترول واللي يخلي الشباب يعدلون عليه ولانه ريشة بديه خفيف


بالنسبة للمكينة تبي تركب مكينة lS كابرس من 2002 وحتى 2006 وهي الافضل من ناحية القوة وكل شي او تبي حقت اللكزس القديم لكن اقترح الكابرس او الخيار لك


لكن اهم شي ابعد عن مكينة الدينالي لأنها الكترونية وغثاها واجد


ولاتنسى تكمل باقي المستلزمات من رديتر رصتين ومروحتين تبريد سوبارو وغيره ، الله يوفقك وانتبه لعمرك من الطعوس

عفوا تعديل * و لأان بديه ريشه بمعنى هاذي ميزة فيه

جزاكم الله خير ومشكورين