أضف سؤال أو موضوع جديد          

كفرات البالون بالنفود

up 0 down 2
بــــنــــدر 318
قبل 6 سنه و 9 شهر



السلام عليكم ورحمه الله وبركاته 

يالربع انا معي فتك 4 بيبان المهم اني طقيت له كفرات بالون مكسس
المهم الكفرات حليوة ميب شينه بس عيبها بالنفود
طلعت اجربها وماش ماجازتلي وقف الموتر كم مرة موب مثل كفرات الوكاله ماشاء الله مايرده شي السؤال كم اخلي هواها النفود كم ابي من اهل الخبرة وبالاخص راعين الباترولات 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي انا بالددسن دبل اخليها 10 كلها ومقاس كفراتي 255 / 15 / 70 لكن البلون فيه ناس تمدح

وفيه تاس تسب لكن لو تركب مقاس عريضه كان يمشي معك مثل الحلاوه


up 0 down 0
ابو ابراهيم2021 351
قبل 6 سنه و 9 شهر



جزاك الله خير يالغالي 
انا ركبت بالون وخلصت انا ابي من الشباب طريقه استخدامها بالنفد


up 0 down 0
بــــنــــدر 318
قبل 6 سنه و 9 شهر



طيب انت كم نسمت ؟ جربت 10 ولا ؟


up 0 down 0
ابو ابراهيم2021 351
قبل 6 سنه و 9 شهر



وين وش عشرة يالغالي كفرات الوكاله ماخليها عشرة جربت به حول 15 مدري 18 نسيت بس انه الكفر نزل مرة بخا يتقطع نسمته كذا يوم غرز وماشاء الله طلع على طول بس ماتصلح نازله مرة 


up 0 down 0
بــــنــــدر 318
قبل 6 سنه و 9 شهر



وعليكم السلام
اخوي بندر
كفرات البالون ليست مخصصه للنفود بتتا,, ولو هي للنفود كان شفت اصحاب التطعيس والمرهات يركبونها ولذالك تحصل اصحاب التطعيس اما ان يركب كفر جراف او كفر خشن
هي مخصصه للارض الحجريه فقط , يعني با الحجر تحط الهواء بالارض الحجريه من 18 الى 20  وبكذا لو تضرب الوعر ضرب على يرعتك ما راح تبنشر ان شاء الله , ولو تحط الهواء في الارض الحجريه مثلا 30 توقع انك تبنشر في اي لحظه,يعني با النفود خلها 15 اذا قيادتك عاديه اما انك تبغى تلعب وتسييف خلها 20 من شان ما يفسخ الكفر ,وبالخطوط 35 ,, كلامي هذا من واقع 20 سنه ما استخدم اللى بالون 


up 3 down 0
ابونادر4647 285
قبل 6 سنه و 9 شهر



يرعتك= سرعتك 
وهي متعبه بالخطوط لا كن تكمن ميزتها لراعي القنص والصيد وتريح السائق والسياره من التفكك بالارض الحجريه بشرط ان الهواء يكون نازل


up 1 down 0
ابونادر4647 285
قبل 6 سنه و 9 شهر



على الرغم إن الموضوع قديم, بس أبرد,

كفرات البالون إذا تبغاها للوعر, فمثل ما قال اللي قبلي. بس للنفوذ عن تجربه, لابد تنزل الهواء كثير, ممكن توصل لحد 5 او 3. والسبب إن كفر البالون سميك بالحيل. ولاينزل زي الكفر العادي. لو تحاول تثني جداره الجانبي ما تقدر, اما الكفر العادي فممكن.

طبعا لانزلته إلين 4, تمشي بالنفوذ كانك تمشي على الإزفلت وسيف النفذ يسير كأنه مطب. والموتر يكون مرتاح وكذلك الركاب. بس لابد يكون معك ماطور هواء قوي ولايسخن علشان ترجع الهواء ل15 بعد ما تطلع من النفوذ. لان كفر البالون ياخذ هواء كثير.


up 1 down 0
patrol89 1
قبل 2 سنه و 6 شهر