النافارا أتعبتني بالمناقز .. أبي حل لتخفيف هالمشكلة
7
5
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
كل عام وأنتم بخير
سيارتي نافارا 2014 توها جديدة ما مشت 300 كيلو
انصدمت من مناقزها واهتزازها مع الحفر والمطبات
أحس فيها رجة وتنتفض بقوة مع الحفر الصغيرة
شريتها بعد تفكير لمدة شهرين وكنت محتار بينها وبين الددسن
لكن الله يسامحهم رابطة ملاك النافارا في مكشات مدحوها وقالوا إنها مثل السيدان وراسية ولا تناقز مثل الهلكس والددسن
لكن اللي أشوفه إن الددسن والهلكس أرحم منها وألين مطب
بحكم ركوبي مع زملائي اللي يملكونهن بمختلف الموديلات .
أبي حل لاهنتم ..
هل أشيل حبة من السست .. وأي وحدة ؟
هل أشيل المساعدات ؟
هل أنسم للكفرات واحط الهواء 20 ؟
مع العلم إن كفراتها شد البلد برجستون وخسارة أرميهن واغيرهن لأنهن جدد .
ياليت تتكرمون بأي حل تتوقعون يخفف مناقزها ومطامرها اللي ما يختلف عن الشاص
والرجاء من الأعضاء المحترمين ما يعطوني ديسلايك بدون سبب
مع الشكر الجزيل لكل من قرأ وشارك بالموضوع .
إبلاغ
قبل 8 سنه و 7 شهر