استقسار بخصوص زيت القير العادي

لايعدم قير ولا شي كان معي جيب بتروال 2003 ربع ماشي 300 الف ولا قدر فكت زيت القير  غيرته  ولا صار شي بسياره 

 حتى غيرته يوم غيرت فحمه ودسك والصحن قلت اغير زيت معها ولا صار بسياره شي  بعكس صار عزمها اقوى 

 لكن مشكله استخدم زيت عيار مناسب لقير سيارتك لن بعض زيوت قير  مقاسات زي 140 وارقام ثانيه  فيه ثقيل وفيه احجام اختر شي مناسب 

 او اقرى  كتيب كتلوج  عن تغير  زيت   القير   اليدوي  وكم مسافه   عند تغيره وزيت مناسب له  زيت العادي   مافيه مشكله مو زي قير تماتيك حساس 

يعطيكم العافيه ابو عادل وسكودر

خالد ماش منت مظبوط


ههههههههههه

اذا نقص زيت القير العادي والدفرنس تزوده ؟ 
ممكن الدفرنس ينقص لان فيه بلف تبخير ؟ لكن القير العادي وشلون ينقص ؟ 
عموماً نصيحه غيره مع مراعاة اللزوجة المناسبه للقير بالرجوع الى الكتالوج 
وراجع موضوعي عن تغير زيت القير العادي ..
لان بعد فتره بيبدأ القير مايعشق بسهوله وسلاسه 

موفق

يالغالي موتر ددسن 10 غماره ودفتر الوكاله وااااااحد

ومكتوب فيه عند الاستخدام القاسي يتم تغييره عند 100الف بزيت
لزوجة 85-75   GL4   طبعا دوووورت له مالقيت نفس اللزوجه 
حتى في الوكاله مافيه لقيت عندهم الا زيت بالبيد 90 و 140 ههههههههههه

لكن اقرب لزوجه له هو زيت تويوتا 90-75   GL4  دورت له في قطع غيار تويوتا 
مالقيت ورحت الوكاله ومايبيعون الا جركل كبير مثل حق البوية وبـ 850 !!!

واكلم يمني في الصيانه وقال بعطيك جالون واحد بـ 200ريال قلت توكل على الله 
واجيب علبة جالون واحد فاضية واخلية يعبي من السطل اللي عندهم في الصيانه ......

وبغيره قريب ان شاء الله عند 150الف لان سواقتي ماهي كرف وملعنه بالعكس رااكد 

وسبب الحرص على التغيير اولا مكتوب في دفتر الوكاله وثانيا تجربة ولد خالي بتغيير زيت القير
في البداية غير بزيت لزوجة 90 ومشكلته والموتر بارد القيرصعب مررره في التعشيق وبعدها غير
بزيت تويوتا لزوجة 90-75 وماشاء الله ضبط معه القير وتعشيقاته سهله بدون تدقير 
والله يوفقك
-----

عندي سؤال وين موقع بلف الحراره في الددسن بالضبط ؟؟
لاني ناوي بنفسي افكه واركب واحد غيره واغير موية الرديتر....ما ادري وش رايكم ؟؟؟...؟؟؟

ابوعادل فيه اللي من الرديتر فوق وواصل للمكينه 
فكيته ولا لقيت له بلف مرره وارجعه .........

اتمنى توضح اكثر لاني ناوي بنفسي اغير البلف وبعده على طول ماء الرديتر
وافتك من الورش وغثاها 
بانتظار ردك يامال العافية

ياجماعه عندي داتسون 2005 واذا بردت مايعشق القير بسهوله والان بالشتاء خصوصا

بالليل ولو كانت تمشي ساعات مايعشق القير بسهوله بعد !

احد عنده علم يالربع ويش المشكلة ؟