تجربتي في شراء سياره مستعمله
11
1
إضغط هنا للإخفاء
السلام عليكم
انا ياخوان بعت موتري قبل اسبوع وكنت متفق مع واحد اشتري موتره
ورحت وفحصته وطلعت به مشاكل متوسطه ولا صلحوه مثل بواجي واذرعه والمكيف مايبرد
المهم قلت اني ابشتري بس خلون ابيع موتري
بعت موتري ولكن استخرت ومارتحت للموتر اللي مواعد راعيه
كلمته وقلت الله يرزقك انا مالي خاطر بالموتر
المهم بدأت رحلة البحث عن موتر هههههه
وانزل الحراج القى مواتر برخص التراب بس تاخذ الموتر وتنقله باسمك مافيه فحص ولا غيره
انا رفضت رفض قاطع ههههههههههههه قلت سلامات تبوني اتدبس بكسره وابلش بعدين ب التصليح
المهم وانا ابحث لقيت سوناتا 11 نص فل
واكلم راعيه واتفق معه قال تعال لعندي وشف الموتر
قلت ابشر بس وش وضعه
قال البدي ماعلم عنه شي
والباقي شرط
قلت على خير بكرا اجيك
المهم مم بكرا اروح لمه واضرب مشوار لانه كان بقريه صغيره 4×4 ههههههههههههه
اشارتين و3 سيارات
المهم ضربت مشوار 100 كيلو ورحت له وكلمته وجاء لمي
من وقف عندي وانا اشوف اصوات بالموتر واللمبات الخلفيه طافيه
حتى البيبان مدري وش بهن عجزت افتحهن على طول
المهم قلت وش جايه البدي قال ماعلم عنه شي وواضح انه مرتبك وبه الخوف
المهم وأولع الكشاف واقرب والقى الصدامات كاهن مغيرات بنوع صيني ردي لو تلمسه نزل عن مكانه
والوجهيه مهب مضبوطه شمعه طايحه وشمعه فوق والصدام متفكك وورا الصدام انواع الاسلاك المتقطعه
واناظر الرفارف والقى بهن معجون ولمبه الايرباق والعه
اعتقد واضحه ! ههههههههههههه
ركبت الموتر وكان الموتر به صوت خفيف بالمكينه وواضح يبي له شغل بواجي و و و !
ومن ركبنا وراعي الموتر يقول ابد انا اشرط لكم كل شي
ويوم مشيت 80 والموتر به حذفه وانواع الاصوات بالكفرات صوت رماان واضح
وحساس البريك خربان .. تخيلو جيت اعشق ريوس عجزت خربان الحساس ههههه
واخونا بالله يحلف من اول ماركب ان الموتر شرط وكاله
المهم مشبنا من عنده وانا نادم كل الندم على ضرب المشوار لاني تركت اشغالي وجيت واخرته اتفاجئ بكسره رايحه وطي
من بكرا نزلت المعارض وكلش غالي ومابه النظيف
وانزل الحراج القى مواتر حلوه
حصلت النترا 2014 مع باكستاني
فل الفل بصمه شاشه جلد
قلت كيف وضع سياره قال كلو شي شرط
قلت بدي ايش فيه مشكل قال مايعرف شي بدي انا يشتري بدون فحص
نفس كلام راعي السوناتا هههههه وهم نصابين
المهم وافتح كبوته والقى الرفارف مغيره
والباب لونه متغير اكيد مرشوش
ورفرف ورا مسمكر
جايه سمكره مع كل مكان
قلت طيب مهب مشكله انا بستخدم مايهم بدي
ركبت ابجربه وانواع الاصوات بالكفرات اصوات رمان وطقطقه
واضح ان اكل رصيف ابو بكس
قلت بجربه بالدايري قال لا لا لا لا لا ارجع انا فيه شغل الحين لازم روح
قلت بكيفك اجل وخل سيارتك لك
وقعد ينافخ علي ههههههههههههه يقول اي نفر شيل من حراج سوي شراء بدون فحص
قلت سلامات هههه خل موترك لك ويالله مع السلامه
هذي قصتين مختصرات وغيرهن كثير
الزبده قلت مالي الا استخدام واحد اعرفه عشان اعرف وش بالموتر بكل امانه وصدق لان الغش والنصب صار عاده للاسف
واكلم واحد من العيال معه مكسيما 10 ورددده ماشاء الله
شرى لكزس ويبي يبيع المكس
انا زدت فلوسي طبعا ..
واواعده بالمعارض اليوم واشري الموتر
ماشاء الله لا اصوات ولا شي وموتر من احسن مايكون رساوه وعزل ومواصفات
وافتكيت من نصب هالعالم اللي صارت ماتخاف من الله
طبعا راعي السوناتا فوق ههههه رحت لموضوعه وكتب عيوب موتره عشان ماينغش غيري بالموتر وراح خذف ردي وارسل بالخاص كلام زي وجهه
الزبده اي واحد يقول البدي ما اعلم عنه اعرف ان موتره رايحن وطي وماهو معلمك وش به
انتبهو والله يكفينا واياكم شرهم
إبلاغ
الردود
انا مثلك اكثر من مرتين اسافر لمدينة غير المدينة اللي انا فيها عشان اشوف وافحص سيارات شفتها بموقع حراج اصحابها معلنين عنها انا شرط
ويوم اوصل واشوف السيارة تطلع منتهية بعضها مبوشه وهو كاتب ان المكينة نظيفة وعلى الشرط
من بعدها قررت ما اسافر لاي مدينة غير مدينتي وما ادور سيارة الا. بمدينتي واقابل صاحبها مع ان اغلب السيارات اللي قابلت اصحابها ومعلنين عنها بموقع حراج طلعت تعبانه
1
0
ويرضى بالحرام ..
لاهنت
قبل 9 سنه و 7 شهر