التيما 2006 اربعة سلندر

والله حاول فيه لو نزلك يكون افضل

لان يبي لها صيانه شوي

بخصوص الكراسي ولاندري كم سعر كراسيه

يمكن تكون مكلفه نوع ما مع شغل اليد

شوف لوعطاك اياها ب 15 زين

وتوكل على الله

اهم شيء الموتر بديه طيب ولاجته ضربات بالشاص

وحرارته كويسه

والف مبروك مقدما

بس حاول تنزل بالسعر علشان توفر حق صيانتها

موفق يالغالي

والله الموتر حلو جدا ، بس جاه رفرف يسار ولا وصل للشاص ولا شي ،بسيط ومغير جديد 
وهو صامل مره علئ ١٦ ، وانا معه دق جواله وسام ب ١٧ والرجال قال الموتر انباع ، خذ كلم الي شرا يمكن يبيعك  وانا طبعا قلتله لا 

هههههههه

هذي حركات شريطيه علشان تزيد السومه

ويدري انه لو قالك كلم الشاري بتقول لا خلاص الله يرزقه

وهو نصاب

الزبده اسحب عليه

اذا مادق عليك هو بعد اسبوع وقالك كنسل الشاري ابو 17 وحاب ابيعك

اسحب عليه قله شريت موتر ثاني

خله لايطقطق عليك ويمشيك بمزاجه

والله يرزقك باللي احسن منها

لا يابن الحلال ، الرجال صادق وحنا اتفقنا قبل هذاك يدق ، واصلا بالموقع هنا مسيوم ب ١٧ مرتين 

نصيحه نصيحه نصيحه  

اذا انت رجال على قد حالك . لا تقرب السياره هذي .. نصيحه 

اخبر خويي اشتر السياره هذي بعام 2008 . با 30 الف .    باعه بعد سنتين . 7 الف . بلش فيها يغير شي يجيه شي . 

16  لو اخذ لي ددسسن ولا اخذ التيماء 

انا قد استخدمت مكسيما الي اخس منها ، ومشت معي حلاوه ، انا عارف بالنيسان واغلب سياراتي نيسان ، بس انا اسال عن السعر فهمتني يالغالي 

اها فهمت غلط احسبه باع لغيرك ب 17

يعني زاد عليك وباغ عليه

على العموم انت مقتنع فيه

اسئل عن قطع غياره الاستهلاكيه

وشف مناسبه لك او لا اسعاره علشان لاتبلش فيه بعدين

وبيني وبينك الموتر ماهو بكثره بالشوارع نادر مااشوفها بالرياض ولالها شعبيه

احسها تخوف شوي السياره

لاكن شف محلات قطع الغيار وشوف الاشياء الاستهلاكيه قادر عليها ولا

والجواب بالاول والاخير لك

انا عن نفسي احب اكون مع الشعب بالسيارات

ادور الشي الدارج زي كورلا يارس اكسنت سوناتا اشياء متعارف عليها بحياتنا اليوميه

وانت ورايك

استخر وشوف قطع غيارها

والله يكتب اللي لك فيه الخير

انا عاجبتني الكورلا ، بس ياخوي حسسونا انها رنج اسعارها طايره ، وترا انا اخترت التيما لاني بداوم بالخبر وارجع الرياض كل ويك اند ، وانت عارف الالتيما قويه بالخط وراسيه وعزلها ممتاز عكس تويوتا مايمديك تسمي بالله الا مفكك الصدام ، وصوت المرايات يصدعك ، اذا انت عندك اقتراح بنفس السعر وكويس عطنيه يالغالي ولاخلا ولا عدم من كل الي ردوا 

سيارة حلوه مايحتاج قيمتها حلوه اذا مافيها الا رفرف الله يكتب لك الصالح استخر 

انا اشوف ان الموتر يبي له شغلات وبيطلع فوق العشرين وثانيا تقول فيها رشوش متفرقة


يعني المفروض اقل من 16 وثانيا انها 4 سلندر و 2006

يعني انصحك تكلمه قله نزل لي اقل شي ب 14 ولا تشتريها لأن بتخسر فيها مبلغ وبقيمة ذا الخساير وال 16 تاخذ وحدة احسن منها و 6 سلندر بعد

السياره مبالغ في سعرها و من ناحية انها جابت له اكثر و ما باع هذي حركة شريطيه علشان تقتنع بسعرها و ما تتراجع و ما تسأل كم قيمتها في السوق تراه شريطي بيلعب عليك و الالتيما معروف جربكسها يخبط  بسرعه  كلام اكيد  و انا وضحت بعض الاشياء و انت فكر 

اخوي انا كان عندي ٢٠٠٥ والله قطعها غالية 
انا سواقتي ودعستي حارة عالسيارة ماكملت سنة خلتني اسبوعيا بالصناعية 
حتا صارو حقين الورش صحابي 
السيارة شكلها حلو بس اذا سواقتك ودعستك قوية ابعد عنها لانها رحح تتعبك 
وعموما الله يكتبلك الخير 

سبحان الله ، كنت مكمل المبلغ ، وفجاه جاني ضرف ونقصت الفلوس ٢٠٠٠ ، دق علي وقلت له الضرف وتفهم ، والله يرزقه ويرزقني ، سبحان الله يمكن خيره من الله 

الالتيما كوريه ولا يبانيه

الالتيما أمريكية الصنع
بس 16 على 4 سلندر غالية !
وكمان عايزة قطع استهلاكية !
راس مالها النظيف 4 سلندر في بحر ال13 !

خيره لك .... لان موديل 2006 قديم ومتعب والسياره يبغاله صيانه وب 16 غاليه كثير

خذ لك النترا او كورلا افضل 100 مره

+1 لايك للجميع

في السوق لقيت 2010 ب 25 الف و ب 40 الف
الشغلة تعتمد علي النظافة والسيارة مكروفة ولا محترمة ماتعتمد علي الموديل وعدد السلندر
وتعتمد علي الحوادث والرش