سؤال الله يعطيكم العافيه .....

يعني من 40و45 الى 50 الف تقريبا ...لكن خذلك لفه بالموقع ولا المعارض تلقى رخيص ارخص من موقع حراج..موووفق

كثر خيرك يا الغالي ما قصرت

                     وياك يارب

والله مااقدر اعطيك سعر بالظبط لكن اذا ممشاها قليل بتكون غاليه بالحيل تاصل قيمة ال2014
شف سعر الغمار2014 بحدود52الف وقارن 
يعني ممكن تحصل 2010طالب فيها49او حتى 45ماتسوى زود وفك جديده
ولايضحكون عليك ياباني ومكسيكي وسمعت ان الغماره 2014تجميع جنوب افريقيا لكن كلها تصنيع ياباني الفرق تجميع
اكثر مايقول هالكلام شريطي ماخلص الابتدائي ليلي 
وجاي يلعب خلق الله بالله ددسن وش يبي يفرق الياباني عن المكسيكي ولا الجنوب افريقي
الموتر مافيه حساسات وكهرب زياده اذا تقدر على الجديد افضل لك

الجديد ما بأخذوه بريال قيره محشور دفرنسه صغير وصناعته ملخبطه . مشكور ع المرور.

مشكور ومقبوله وجهة نظرك يا الغالي .

انت حر شكل فلوسك زايده هههههه
طيب خذ الرأي مني فك وكاله وغير الدفرنس لحق موديل 2009اوحق2004
وش رايك بالرأي راح تستفيد مكينه وكاله وبدي بس دفرنس وفيها انواع الكارونه
بعضه محشور وبعضه لا فيها ارقام تدل على رقم الكارونه اسأل ناس فاهمه بشغلت الكارونه
شغل مخك مثل مالشريطيه مشغلين مخهم

عطاك زبدة الكلام اخوي السيد المحترم كلام سليم 100%100 

خربو سوق الونيت هل الدرباويه

صار الواحد لاجاء يدور ونيت مستعمل بالمعارض صارو يخوفون

يغيرون الحوض بحوض من التشليح ويرقعون الموتر عضلاته واذرع كلها تجاري

ويقولك استخدام شايب ولادكتور

الا على طاري الشايب والدكتور بااستخدام السيارات اشغلونا

كل مااعلن احد بالموقع قال استخدام شايب ناقص بس يقول يصلي الضحى كم ركعه

طيب الفحص هو اللي بيبين الموتر نظيف ولاماهو نظيف كلام البايع لايهم بشيء

فيه احد بهل الدنيا يبيع شيء ويقولك لاوالله مخيس لاتشتري مستحيل

عليك بالفحص ولاتستعجل

والله يرزقك بالموتر المناسب

موفق يالغالي