بوية السيارة ؟

ما تقدر ترجع لون الوكالة إلا إذا صبعته من جديد

بالنسبة لصبغ السيارة بالكامل يعتمد على ميزانيتك فممكن ترشه بـ 3000 ريال وممكن بـ 7000 ريال

إذا السيارة نظيفة وأنت بتستخدم وما في نية للبيع فنصيحتي لك برشة محترمة لا تقل عن 5000 ريال

مستحيل ترجع بوية الوكالة بعد كل الرش اللي جاه 
لكن زي ما قال الاخ ابو عباده اذا تبغى تستخدم و تبي بويه محترمه و تدوم 
سوي حرق للبويه الاولى و رش من جديد 

تكلفك اذا بتحرق البويه الاولى من 3000 الى 8000 و روح لاكثر ممن محل
و بتحصل الاسعار تتفاوت بينهم و بالتوفيق 

والله وانا اخوك انا شاري الموتر من صديق لي ثقه وكان ممشاه وهو عنده حدود 50 الف  مشاه26 واشتريته انا بحكم نظافه محركاته اما الون ما عجبني وانا احب اشوف النيسان بلونه البلد ومالي بالبيع ابد لانه الموتر صراحه اللي مثل كذا يطرب دق سلف وامش

((مشاه 26)) يعني هو استخدمه 26 كليو يعني يوم اني اشتريه كان ممشاه76

سعر الصبغه يوصل ال8000 الف ! 
يالله سترك وعفوك 

انا نصيحتي لك دامك مشتغل مشتغل رشه رشة محترمة حتى لو يكلفك شوي اقل شي لين رشيته وغسلته وزبطته لينك ما تتحسف على كل ريال دفعته في ويكون شكله رزه بالبوية الجديدة



اما ترشه رشة اي كلام وبكره تكره الموتر او يطلع بشكل غير مطلوب وايضا حتى لو جيت تبيعه وشافوا بويته لك عليها ممكن يصرفون النظر عنه او اغلبهم مايعجبهم شكله بحكم بويته

^^^ نعم يارشه رشه ممتازه او خله على حاله لان رشه الحكومه رش سريعه ورخيصه

وبتعدم البدي كل مره صه ولون مختلف

=1 لايك للجميع

وش الي 5000 اﻻف و8000!!!!!
الرش معروف فرن ب1400

اسعار الرش فرن كامل من 1500 ريال الى 3000 ريال 
انتبه تتعدا ثﻻثة الف ريال 
رشينا ددسن م 87 قبل 5 سنوات ب1200 ريال فرن والى يومك هذا تو البويا جديده 

^^^

يا اخوان إذا تعرفوا أحد يرش فرن بهذه القيمة في الشرقية دلوني عليه

أبغى أرش اليوكون حقي للتجديد فقط والورش يطلبون غالي على رشة الفرن

الي يقولون من ١٢٠٠ الى ٣٠٠٠ هاذا يعدم لكم الموتر ب المعجون يصير جمب الموتر معروج

ياحبيبي دام الموتر بتحرق بويته رشه رشه محترمه حتى لو تدفع فوق ٧ الاف

طيب يا اخوان من 3000 الف الى 4500 الف تعتبر رشه زينه والا تعتبر اي كلام 

طيب يا اخوان من 3000 الف الى 4500 الف تعتبر رشه زينه والا تعتبر اي كلام 

محدد يقدر يحدد على حسب المكان اللي ترش عنده 

يعني ممكن تروح لورشة ويقولك 7000 الاف وهو شغله خايس وممكن تروح لورشة ويقولك 4000 الاف وهوشغلة كويس السعر محدد يحددة 

واذا كنت بالرياض 

في في صنلاعية الشفاء مركز البيان شغلهم مجنون اذكر كان عندهم هوندا لونها عنابي رشوها فيراني ماشاء الله كنها وكاله ماشاء الله 

وفي بصناعية العاصمة مخرج 28 مركز البقاع شغلهم بعد ممتاز انا رشيت عندهم رفرف وباب والله اطلق شريطي مايقول مرشوشة ماشاء الله 

على العموم الله يوفقك ويكتب لك اللي فية الخير اتمنى اني افدتك ولاتنسى الاستخارة