شريت الموتر جزاكم الله خير

***للمعلوميه الصرفية هذي داخل المدينة يعني في خط وش بيسوي وللمعلوميه سواقتي به راكدة 

اول شيء  الله يبارك لك في الموتر  واسأل الله يعطيك خيره و يكفيك شره  - من ناحية الصرفيه اول شي تأكد من التانكي يمكن ملعوب فيه و بعده تأكد من عداد البنزين واذا ما طلع الخراب منها انصحك تفحص كمبيوتر و الله يوفقك 

مبروك الموتر وان شاء الله مابه خلاف تأكد فعلا ان العداد صحيح اذا فيه تانكيين عبيه فل وخله لين يوقف شوف كم يمشي 

هذا رد للاخ سوبر فتك بمنتدى مكشات لعضو نفس مشكلتك :-
هل مريت على ورشة التركي تخصص نيسان ؟؟؟
بالصناعية القديمة
هل انت مركب هدرز بدال قزوز البلد ؟
هل عزم الموتر زين ؟
جرب عب بنزين 95 ؟ و لاحظ الصرفية
ان ماخاب ظني يوجد حساسات اوكسجين لقياس كمية الكربون
من اجل تقليل الصرفية
الفتك يمشي بالتانكيين حول 600كيلو
نضف فلتر الهواء + البواجي + صفاي البنزين
التاكد من حساسات اللهاة
حساس و منظم الهواء له دخل بالصرفية لانه يقيس كمية الهواء الداخلة
و يقوم بمعادلتها بنفس الكمية من البنزين
اذا كانت قراءة الحساس خاطئة الموتر يصرف بنزين

الله يطعمك خيره ويكفيك شره بس انتبه لزيت والكتاوتات ليش لانهم يسمون السفاري ابو التخبيط الابغيته يستمر معك اتبع نصحيتي

جزاكم الله خير وما قصرتوا 

أنا أمس نضفت حساس الشكمان واليوم بعد الفجر عبيتة لين الخط اللي قبل الفل ومشيت علية بالدائري تقريبا ٥٨ كيلو بسرعه ١٢٠ ١٣٠ 
ونزل البنزين عن الخط شوي عين يجنب الخط كيف كويس 

تم تقييم الجميع. +١

وبخصوص اخوي ابو تركي فلتر الهواء جديد مركبه قبل يومين والبواجي كذالك وصفائها البنزين بعد 

تاكد من عداد البنزين يمكن البلا منه

كيف أتأكد من عداد البنزين أتمنى التوضيح 

يقصد انه عداد البنزين يعطيك قراءه خطأ

اخوي ايه تاكد من عداد البنزين مو معقولة تغير كل ذا  ولايصير شيء 

رح عند كهربائي وخله يشوف العداد او انك تخاطر وتمشي والعداد على e وتشوف ترا السياره تطفي ولا لا 

أخوي بندر أنا أبي أتكلم من واقع تجربه وليس كلام 

معي فتك قير توب ترونيك مشيت مسافة 160 كلم بسرعة 140 والمكيفين كلهم شغالين

أكل بنزين بقيمة 11 ريال طبعا البنزين 91 

أشوفها صرفيه طبيعيه مع ثقل الموتر والمسافه 

ماأدري عن نوع البنزين اللي تستخدم لكن لو بتحسب البنزين أول شي عب التانكي فل وإبدأ بتصفير العداد وإمش عليه مسافه محدده

مثل 200 كيلو وبعدها مر محطه وعبي فل وشوف كم أكلت من مال أو لتر من البنزين

ونوع الكفرات له دور ودعسة البنزين من شخص لشخص لها دور في زيادة الصرف أو التوفير 

اتوقع المشكله من الديلكو 90% يبغى وزن