أضف سؤال أو موضوع جديد          

فشل الفحص الدوري بسبب وزن الكربون

up 3 down 1
alasfi 79
قبل 7 سنه و 5 شهر



السلام عليكم ورحمة الله وبركاته

صبحكم / مساكم الله بالخير جميع

ياشباب رحت فحصت سيارتي بالفحص الدوري عشان تجديد الإستماره، نيسان صني 2011 الشكل القديم،
السياره ماشيه 52 الف وحاجه 
فشل الفحص بسبب فحص الكربون وتنسيم بالشكمان ومستغرب كيف كربون والسياره لسا مامشت كثير

اللي عنده أفكار وشرح لسبب هذي المشكله يتفضل.

والله يوفق الجميع..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طبيعي اخوي . فيه عندك طريقة وكان المفروض سويتها وانت هناك ( جنب الفحص وانت رايح ما شفت الورش الي على اليمين او اليسار والناس تناديك وتاشر لك كانك صاحب سمو ) ههههههههه . المهم هناك تروح لواحد مهم تقولة سيارتي فشلت بالكربون وابيك توزنه لي وهو يضبطها لك يعدل الكربون بالجهاز . و الحل الثاني تسوي تنضيف بخاخات وبواجي و فلاتر الهوا وتنضف الدبة الوسطية بس شغلته شغله الافضل تضبطها عند محلات الورش ( وانت رايح لهم حاول انك تشد على السيارة بالخط على 160 140 وهيك


up 3 down 0
خ ا ل د ا ل ز ه ر ا ن ي 225
قبل 7 سنه و 5 شهر



أخي خالد أنا مابي شغله مؤقته، أنا ما أمشي كثير بالسياره عشان كذا أتوقع الكربون مو موزنون، أنا اتكلم عن حل دائم.


up 3 down 0
alasfi 79
قبل 7 سنه و 5 شهر



والله بيني وبينك عندي سالة ودي أذكرها عن الفحص الدوري 
أذكر قبل سنة ونص فحصت سيارة "يارس" تويوتا .. دخلتها المسار رقم 3 قالي فشلت الفرامل... رحت أقرب ورشه يضبطها لي 

جلست ساعة ونص عشان يصلحها ... بعد ماخلصها قالي لا تدخل نفس المسار ـــ بس جلست أعابط ودخلت نفس المسار رقم 3 

وبرضوا نفس الفشل ــ ورجعت له قلت فشلت (لأني دفعت 100 وقال ااذا فشلت ارجع لي) ورجع يعدل فيها .. المهم قلت بغير المسار 

ولا كان ودي ادخل نفس المسار عشان اتأكد ... لكن نجحت المسار رقم 6 .. مع إن الصيانة الثانية للفك وتربيط فقط للفرامل لا أكثر .. 


الخلاصة: إن الفحص مساراته لك عليها .. لكن لا أعلم اذا إستمرت مشكلة المسارات ... وبخصوص الشكمان غريبة ما مشت كثير نالسيارة وهذا اللي قهرني .. أتمنى الإخوة يفيدونك فيها 


up 2 down 0
محمد عبدالله عمر 635
قبل 7 سنه و 5 شهر



إن شاء الله اللي عنده خلفيه يقدر يفيدني، وبخصوص الفحص أصلاً فحصهم أبو كلب ياما سيارات تقول مستحيل تجتاز الفحص وتجتازه وسيارات العكس..


up 1 down 0
alasfi 79
قبل 7 سنه و 5 شهر



على طاري الفحص الدوري بقولكم سالفة بس بيني وبينكم هههههههههه .
المهم كان معي همر قبل مدة قصيرة المهم عرضتها وجاني سعر طيب بعد مدة من الاستخدام والرجال يقولي اليوم يبيها وحولي العربون وكل شي . المهم والفحص منتهي . واروح انزل بالقراج . المهم المساعدات مضروبة كلها مهربه زيت كلها وتهريبات من تحت زيوت . وارفع السيارة يا طويل العمر وافرك بالمساعدات كل مساعد اخذ معي ربع ساعه فرك فرك فرك لين ما رجع جديد يبرق برق ونضفت العكوس و الاذرعه من الزيوت خليتها تبرق برق . وادخل على القماشات وانضفها بهوا بالمحطه واشد الجلنط ( القماشات منتهيه حدها ) . والقزاز الامامي كان مشطوب واحط استكرات خخخخخخخخخ . من الجبيل الى الفحص الدوري ماشي 170 عشان اطلع الكربون كامل الي ببطنها وصلت هناك الى واطلع ناجح ناجح بكلها هههههههههههههههه بس كان يوم عجيب مع العلم اني قبلها بكم يوم دخلتها


up 3 down 0
خ ا ل د ا ل ز ه ر ا ن ي 225
قبل 7 سنه و 5 شهر



ي بن الحلال الفحص ماعندهم سالفة  سيارتي مشيت عليها والكفر اللي ورا 
مرتخيه صواميله وخرب علي العكس وصار يطلع له صووت وبعرعر رحت الفحص الدوري 
واجتازت الفحص !! والحين كل سييارتي اسجلهم ببدون فحص بطريف (:


up 2 down 0
w.asa 2027
قبل 7 سنه و 5 شهر



وعليكم السلام والرحمة

الفحص الدوري شغلته شغله 

انت اشوى مشكلتك بسيطه جدا 

بجنب الفحص ورش  يسونه لك باقل من 80 وخذ فاتوه لان لو قدر الله فشلت ترجع لمه 

انا ولله الحمد سقطت 8 مرات بسبه فرامل الهليكس   < الله لايعيده هههههههه


up 3 down 0
fawaz__11 534
قبل 7 سنه و 5 شهر



انا بفيدك من تجربه بالنسبة للكربون قبل ما توصل للفحص امسك فيها خط وشد على الموتر من 140 الى 160 ورحلهم وبتمشي امورك وهذي الحركة دايم اسويها بسياراتي كلها وبالنسبة للشكمان لازم تسوي التنسيم 
وبالتوفيق


up 1 down 0
ابوخلوودي1 5070
قبل 7 سنه و 5 شهر



أنا مابي الورش اللي جنب الفحص يسوونها لآن شغلهم حلول مؤقته،
واللي فهمته منكم أنه مو لازم أسوي تنظيف بخاخات وأشياء زي كذا، أمسك فيها خط ويكفي لكن ساهر مايخلي احد فحاله ههههههههههههههه،

تم إعطاء لايك للجميع..


up 1 down 0
alasfi 79
قبل 7 سنه و 5 شهر



الكربون حله ابسط شي

تمسك طريق على 120 لمدة نص ساعة الى تصفى الشكمان والمكينة كان معي سيارة

ةمسكت طريق الشرقية رايح جاي الى التفتيش بسرعة 120 واعادت الاختبار ونجحت


up 0 down 0
البارون الاحمر 83
قبل 7 سنه و 5 شهر



وعليكم السلام ورحمه الله
الله يعينك وييسر لك الأمر

اخوي وزن الكربون عادي المفروض سويته عندهم 5 دقايق ورجعت ثاني مره للفحص وخلصت وارتحت
عموماً الكربون من طول الوقوف وعدم استخدام السيارة بشكل دائم يا انك تمشي السيارة هاليومين مو شرط تطير 100-120 كلم 
بس الغرض السيارة تتحرك او توزنه في الورشات اللي حول الفحص ويفضل عندهم عشان لو رسب ترجع له ثاني مره من قريب
بالتوفيق


up 0 down 0
abo kayan-55 652
قبل 7 سنه و 5 شهر



عبي منظف البخاخات أبو 15 على ثلاثين لتر بنزين أحمر وأمسك خط راح يختفي معك بنسبة 100%


up 1 down 0
مدمن-شاهي 280
قبل 7 سنه و 5 شهر



السبب انك تغير زيت المكينة متاخر


up 0 down 0
kutre 399
قبل 7 سنه و 5 شهر



كل 5000 أغيرها ومواظب على الصيانه، لكن السياره ما أمشي فيها كثير،
بالأسبوع يومين أمشي فيها بالويكند وباقي الأيام مسافر من ثلاث سنين ماشيه 52 ألف بس،
ومستغرب من وزن الكربون ذا..


up 0 down 0
alasfi 79
قبل 7 سنه و 5 شهر



انا ثلاث سنين ما امشي فيها بعد 55 ألف ورسبت بالفرامل وكسر بالإسطب ولمبة الســّكن طافية 
وش جاب المشكلة في كربون موترك ؟ عندكم رطوبة؟ 

على أجواء الرياض تجربتي 


up 0 down 0
محمد عبدالله عمر 635
قبل 7 سنه و 5 شهر



أنا في جده، بس ما أتوقع أن الرطوبه لها تأثير..


up 1 down 0
alasfi 79
قبل 7 سنه و 5 شهر



الى w asa  ههههههههههههههههه منايسة ههههههههههههههههههههههههههه سبيكة انت مت عليك من ضحك من تهاوش واحد هنا منتدى  ايش صار على سياراتك السوري ضحك عليك ههههههههههه اظهار شاف كلامك قال هذه مجنون هههههههههههههه رويلي  انت  صح الحبوب لعب فيكم لعب


up 0 down 4
www67 -42
قبل 7 سنه و 5 شهر



الصافي بالنسبة للزيت ؛ يتغير بالكيلومترات ويتغير اذا طالت الوقفه ؛ وفعلا لازم تمشي سيارتك ؛ من وقت ل وقت ؛ السيارة صنعت لكي تمشي ؛ 


up 0 down 0
سآآآل 318
قبل 7 سنه و 5 شهر