أضف سؤال أو موضوع جديد          

قصه طريفه في عام1429هـ كان عام سيول غزيره وذهبنا كشته خفسنا

up 11 down 8
امير الاصيل 1674
قبل 4 سنه و 3 شهر



اخواني السلام عليكم ورحمة الله وبركاته
اذكر لكم قصه طريفه نوعا ما

في عام 1429 هـ كان عام سيول غزيره اذا تذكرون
وكانت البحيرات والخباري في كل مكان والبط وطيور الماء شاهدنا في انواعها
المهم نحن من اهالي القصيم
وذكرو لنا احد الاصدقاء عن خبرة كبيره جدا موجوده في اوثيلان ، قبل ساجرب12 ك
يعني من بلدتنا قرابة 90 ك
وتشجعت ان اذهب إليها واتصل على احد الاصدقاء وامره واتصل على الثاني وترد عليه امه قالت نايم طبعا العصر وحاولنا الكثير حتى استيقظ وركب معنا على دادسن 2005 غماره ههااااي
ونحمل بعض من العزبه ونشد الرحال وقبل المغرب ونحن هناك يعني الشمس غابت ،،،،
طبعا كان احد اللي معي دليل لأنه اتى للمكان قبل ذالك
قال سوف ادلك على مكان نجلس فيه وايضا نصطاد فيه السمك
السمك بطلي ، حتى مايوكل ولاكن الشفاحه

قال رفيقنا امش قدام ارجع ورى
لإن السمك يجي على الخطوط وقفنا باحد الامااكن ثم قال رفيقنا امش هناك
مشيت وكانت السياره تدور كفراتها بدون ماتمشي نزلنا وكان لم تخفس ولاكن يدور الكفر بمكانه
ذهبت انا والدليل لجلب بعض من الرمث لوضعه تحت الكفرات وعندما جمعنا والتفت واذا بالصديق العزيز يحاول ان يخرجها فركضت إليه لإيقافه حتى لاتخفس السياره وعندماا اتيت وجت الكفرات قد انخفس نصفها
قلت ابشرك انك بتمرح عندها

المهم اتصلنا ع الدفاع المدني
وردو علينا انهم مشغولين
بعد ماتأكدو من عدم وجود عوائل وسلاامة الارواح
وقال احد الاصدقاء ان احد الشباب ذهب لطلب النجده واختفى في هذي البحيره والحفر المملوءه بالمياه الغزيره
فقال مشكوورر اتيناكم بسرعه

وعندما اتو بسرعه سحبو سيارتنا ولاكن لسوء الحظ
خفست سيارتهم وكانت جيب باترول باب واحد
ثم حاولنا اخرج سيارتهم بالقوه حتى خرجت
ثم قالو اركبو معنا إلى ساجر لجلب ونش
وفعلا ذهبنا معهم وتعشينا في مطعم بخاري الدسم يطفح فوق الرز ومن شدة الجوع اكلنا

وجدنا اماام المطعم السيء ونش 77 اتصلنا علىيه طلع سواداني اتونا لا اعلم هل هم اثنين ام ثلاثه
وركبنا معهم وعندما وصلنا نزول قال السوداني ااااااااااااااااااااااي لا انا داير منزل
ورفض الاقتراب من الموتر طبعا السياره كانت في طين شبه ناشف
ونزلنا كلنا رجليه مسافة 1 كيلووووو معهم عدة كريكات

وحفر ودفن حتى الساعه 2 في منتصف الليل وقالو نحن تعبنا وسوف ناتيكم في الصباح الباكر طبعا تصريفه ورجعووو وعطيتهم المقسوم عن تعبهم
المهم نزلنا الفررشه لننام وكان الجووووو شديد البرود لان الارض مرتويه من المياه وايضا نحن عند بحيره كبيره جدا
وكل واحد منا رفض ينام في السياره
طبعا تعرفون مرجله كلن يبي خويه ينام
احد الاصدقاء نام
وانا ورفيقي نمنا على الفرشه وكان الجو بارد واصوات البط والمسك والحشرات وايضا يوجد الكثيير من الاعشاب الطويله والحشائش سبحان الله كانك تتابع فلم في الجزيره الوثائقيه ،،،
ونحن نايمين قلت لرفيقي تعرف كيف جا السمك
قال نعم من البيض اللي يلتصق في ريش البط
قلت اذا ممكن يجينا تمساح استرالي ،، مثل السمك
وخاف هههاااااي
طولت عليكم السافه
في الصبااح الباكر الفجر اشتد البرد
ونسمع باب الدادسن يفتح طبعا رفيقنا اللي نايم بالدفاء نزل ،،،،
وعندما نزل ونركض إلى الددسن انا واللي معي وننام فيها بلا مرجله بلا خرابيط
يوم جاء ويلقى كل واحد عند باب نووم
قال خاينين بعد غفوة بسيطه
صحيت مع طلعت الصبح واجي رفيقي واحصله نايم على الفرشه بالبرد واحذف عليه الشماسيه وشماغ حصلته خلف المرتبه وبعض من الكراتين
يقول يوم صحيت احسبني نايم في محرقه ،،، ههاي

المهم جاء اشايب معه شاص بالصباح الباكر وطلبته يسحبنا
قال ههااااااااااي استحاله سبق ان سحبت واحد واخذت مكانه يومين ،،
وطالني ليش تجون ماتشوفون وتعرفون الشيبان
المهم جونا شباب شرواكم طيبين واخذونا وكشتنا في البراااري وتغدينا وانبسطنا
والعصر اتصلو على رفيقهم وجا معهم باترول قديم 83 باب واحد وسحبنا وطلعنا بستر الله

ولما رجعنا قالو اللي معي والله مانطلع معك برى الديره 1 كيلو
وفعلا من ذالك العام حتى اليوم ماطلعووو معي برى الديره كيلوووووو تابووووووووووووو

استفدت من التجربه
1) عرفت اصدقائي كانو بصراحه كفووو شرواكم وقت الشده صبروووو مع ان بالامكان الاتصال على احد ويجي ياخذاناا ولاكن قالو مانخلي السياره وحدها بالبر
2) الصبر وعدم النزول في الاماكن التي اول مره تجيها خاصه بالليل لانك لاتعلم ماذا تصادف
مع الحذر والانتباه عن السير واخذ الحيطه
3) مساعدة اي احد احصله بالخط او ماشابه مع الانتباه والحذررررررر


اسف على الاطاله ،،،،،،
وانتضر تعلقكم ونصائحكم
وبالحلقه القادمه انقل لكم تجربتي مع واحد وصلني من جنوب جده إلى المطار وكانت رحلة فكاهيه ومضحكه جدا

شكرااااااااااااااا لكم

وفق الله الجميع












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أحلى شئ في القصة إنها لغة عربية فصحى مع عامية


up 1 down 0
خيال الجزيرة 45
قبل 4 سنه و 3 شهر



اجمل شي ب القصة انه كأنك اندنوسي توه مسلم ومتعلم عربي هههههههههه امزح نحن ذهبنا وجلبنا قليل من الرمث لكي نجعله تحت السيارة واذا ان رايت شي غريب حتى قال لي صديقي نحن في ورطة كبيره يا الله ماذا نفعل اغرب عن وجهي هههههههههههه امزح عليك قصة حلوه


up 6 down 0
ســامــر 1055
قبل 4 سنه و 3 شهر



^^^قل اشهدوو :)

ههههههههههههههههههه


up 2 down 1
YASSER505 4154
قبل 4 سنه و 3 شهر



سوفا اقتلكم جميعن هع هع ههههههههههه


up 1 down 0
ســامــر 1055
قبل 4 سنه و 3 شهر



^
سوفا = سوفَ
جميعن= جميعاً


up 1 down 1
shadowz33 1091
قبل 4 سنه و 3 شهر



ههااااااااااااااااااااااااااااي صدقتوووووووووو
اتمنى تعجبكم القصه ونعم ممزوجه لغه فصحى مع اللغه العاميه العريقه

سررني مروركم العطر على الموضوع



up 2 down 0
امير الاصيل 1674
قبل 4 سنه و 3 شهر



قصه جميله + مغامره خطيره + لو فيه صور كان انسجمنا اشوي ههههههههههه  اكيد الحين اخذتو درس وحياه رحله وتجارب 


up 0 down 0
سكودر 14890
قبل 4 سنه و 3 شهر



هلا سكودر اشكرك على مرورك ،، بالنسبه لصور كنا بوضع مزري ،، ماجت فكرت الصووورررر
ونعم لو فيه صور كان افضل ،،،،،،،
والحياه درووووووووووس


up 1 down 0
امير الاصيل 1674
قبل 4 سنه و 3 شهر



حياك. يل غالي.  ياخي يازين. اهل القصيم.   حبيبين. وسوالفهم.  طيبه شرواكم يل اعضاء. وانا. قلت غريبه.  ولا كلمه. قصيميه.   غريبه.  ترا. انا. من اهل القصيم من بريده.     اولاه ولاوه. ههههههههههههه.  كل ماتشوف واحد من اخوياك مهوب قصمي يقولك اولاوه ولاوه.     ههههههههه لاحد يزعل ترا نمزح ونسولف ونطقطق. كله مزح.  واهم شي كلنا اخوان بل اسلام.     والله الصراحه انا ما احب اطلع. بلبر والسيول. الا بسياره دفع رباعي مرتفعه.  مدري ليه. انا شكاك.  اما التطعيس.  فارجح.  الرابتور. وحش الطعوس.  


up 0 down 0
مراجل 198
قبل 4 سنه و 3 شهر



القصه حلوه بس لوخليتها بالعاميه او بالفصحى لاكن انت خلطت بين العاميه والفصحى على العموم الله يعطيك العافيه قصه مفيده


up 0 down 0
abu kaild 77
قبل 4 سنه و 3 شهر



اهلا








عندي تعليق على الارض المرتوية

ادكر لما كنا صغار نلعب في الرمل نحفر مسافه اقل من نصف متر يطلع الماي

الحين يا ساتر غطاس نازل 12 متر حتى تحصل على الماي

كان الاول حياة تشوف انواع الطيور وخاصة البحرية الان كلها انقرضت بعد ما جفت الارض



الله يعين الاجيال القادمه


up 0 down 0
عمر الزمان 669
قبل 4 سنه و 3 شهر