قصه حصلت لي قبل 4 ايام
9
11
إضغط هنا للإخفاء
السلام عليكم
كيف حالكم ياشباب
طبعا يوم الجمعه الي راح رحت للمعارض وبعت سيارتي لكن الشاري دفع لي عربون 1000 ريال وقالي الوعد يوم السبت اكمل الدراهم
قلت اوكي رجعت للبيت والساعه 12 في الليل توفى خالي طبعا كبير بسن
رحت يوم السبت وصليت عليه وكلمت الي يشتري سيارتي ان عندي عزاء قلت تأجلها 3 ايام ولا احول عربونك
عصب قالي انت نصاب اكيد احد عطاك مكسب عشان كذا تظحك علي
قلت لو ابي اظحك عليك كان اكلت عربونك وماكلمتك المهم وش تبي الان
قال ابي السياره على وعدنا ولا تراها بذمتك وماحللتك
قلت خلاص تبي السياره تعال بالبيت عندي وشوف العزاء قدامك المهم تبيها بعد 3 ايام ابشر وتبيني احول عربونك ماعندي اي مشكله
قالي لا بيني وبيني وبينك الله
قفلت الخط بوجهه وحطيت الجوال على موجد اكسترا يعطيه مقفل قلت خله اعلمه يبي يسوي عنيد
الرجال يرسل على الوتس وساحب عليه
عاد اليوم لقيته بالوتس كاتب خلاص اصبر 3 ايام ههههههههههههههه
رديت عليه قلت هاه نروح الان للمعارض قالي لا خلها بعد 3 ايام قلت يعني استهبال وايش
قال يعني مافي احد عنده ضروف الا انت
قلت شوف اليوم الاربعا لك الى يوم السبت اذا ماكلمتني يروح عربونك انا الان عطيتك 3 ايام
قالي اقول حولي العربون خلاص طابت النفس من السياره اذا هذا اولها
قلت ابركها من ساعه واحولها له ويرسل في الوتس كلام وسخ مثل وجهه المشكله عمره في 40 لكن مراهق متاخره
قلت ليه ماارسلت قبل لا احولك كان تعرف وش اسوي فيك ههههههههههههههههههه
زبدة الموضوع اذا عطيت احد عربون لاتستعجل عليه يمكن صار له اي ضرف لكن اهم شي يتجاوب معك
الموضوع الثاني
انا الان صرت مدمن تطعيس بحكم معي موتر دبل هههههههههههههه ماتعودت لكن تنسيم الكفرات وش المناسب 20 او 15 انا احطها 20 لكن فيه ناس يحطونها 15 و10 بعد
إبلاغ
الردود
وثاني شي
بالنسبة للي ما قدر وضعك وصدق انك بعزاء بسلامته
وبعدين الحركة اللي سواها انه تكلم بعد ما حولت له هذا دليل عن انه بزر
ولا تشيل بخاطرك شي
ان ربي كاتب ان موترك ينباع راح ينباع اذا موب عن طريقه عن طريق غيره
والله يرزقك البيعة الطيبة
ومرة ثانية احسن الله عزاك يا الطيب
2
1
والسواق له دور كبيرر
2
0
الرجال مبين من اسلوبه بعد مارجعت له العربون انه غثيييث
وحتى لو بعت له تلقاه كل ييوم ناشب بحلقك سيارتك بها وبها
ويكرهك بالبيعه وبالساعة اللي عرفته فيها
وبعدين ماتدري يمكن خيييره انك مابعت له السيارة ويمكن
تبيعها بمربح اكثر من السعر اللي جابته الحين :)
1
0
2
0
بالنسبة لهواء الكفرات اذا انت تطامر لا تنزله واجد اما اذا تتمشى شوي شوي مايضر لو تحطه ١٠ اريح لك
1
0
هذا حق الناس
3
1
1
1
بس المفروض توقف السياره فمعرض وفيه معارض تخلص نقل ملكيه فوري
3
1
اما العصر صعبه اترك عزاء خالي عشان بيعه
مشكورين يااخواني
0
1
اما العصر صعبه اترك عزاء خالي عشان بيعه
مشكورين يااخواني
0
1
بنسبه لتنسيم كفرات انا قد طعست على هايلوكس 2014 مشكلت كفرات وكاله تجي برجستون وقاسيه بطعوس يعني لو تخششها بطعوس وكفر على 35 40 مافيها كلام بتغرز
وحطيته كفر على 20 واحس انها سالكه اشوي ونقصت الى 15 وسلكت معي لن مشكله برجستون قاسي ومصمم للجبليه مناطق جبليه الي كلها صخور لو كفر لين ممكن 20 مناسب له
1
0
فعلنا برجستون ماتصلح الافضل بالرمل هنكوك انا موتري هنكوك مقاس 255 70 15 طبعا نسمت الى 20 ويمشي لكن فيه كم واحد ينصحون الى 15 ومحتار
0
0
0
0
وماقلتلنا وش موترك الي تطعس به
1
0
وبخصوص الشريطي الله يهديه بسس
قول ترا والله اني محترمك عشان كبر سنك والشيب اللي براسك
ولا كان بيننا كلام ثاني
وبخصوص التطعيس ما اعرف فيه شيء مع اني من الرياض ههههههههههه
1
0
1
0
0
0
لاصرت بالسعودية تحمــــــــــــــــــــــــــــــــــــــــــــــــــــــــــــــــــــل
==============
لكن التطعيس كل سواق له وزنيتة
والتطعيس كل يوم تعرف شي جديد .
وفيه ناس سنين تطعس واذا تغيرت عليه السياره بلش
قبل 10 سنه و 3 شهر