احد عنده طريقه
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
سلام انا خلاص والله مابقي شي وانتحر اشنق نفسي خلاص احس من التفكير راسي بينفجر والله احاول اجمع فلوس حق سيارة ماقدرت السيارة جديده علي 100الف وفوق يعني لو بجمع يبي لي عشر سنوات والله بجن اقسم بربي لو احد جا قال خذ هرب حبوب واخذ لك لنفذ اسوي اي شي بس احصل سيارة لو اسرق انا خلاص ربي كاتب كذا الناس معها سيارات وانا لا وربي قهر بعرف الان لو كل سعودي حول لي ريال بس بينقص شي بالعكس لا يااخي احسب معي 100الف شخص يحول خلاص يكفي انا والله اصلي واستغفر وكل شي بس مافرجت انتم ماتحسون باللي داخل صدري احس نار احس شريان قلبي بينفرج شف انا لو ابي الحرام قسم زمان جمعت ملاين وسيارات اجار منتهي بالتمليك حرام يقولوا اللي مثل حالتي وش يسوي شباب تكفون هاتوا حل وذي ابيات الان كاتبها واسف علي الاطالة واعرف الشكوي لغير الله مذلة
ضاقت عليه الدنيا ولابها عند البشر حل
والحل عند سبحانه اللي يمشي وبل السحايب
انا الذي من حياته دايم الدوم طفشان مع مل
والحظ ضده ودنياه شاف منها الذل والعجايب
دمعي من الأعيان علي الخد من القهر هل
في وقت الكل عن وقفة المكسور سايب
لأني مزيون ولا قد ملكت جيوب مع أبل
هذا زمان ماينفعك به لا أهلك ولا القرايب
والله علي جمس بثالث التعشيق يتل تل
في شروته لأشك ناوي فوق صندوقه الخرايب
أما حياة تعزك وتبعد عنك الفقر والذل
واللي مماتن ولا اجلس في دنيتي عايب
يقولها جهني من صغر سنه في تعاسه وتغربل
حاول يعدل الوضع لين اصبح اليوم شايب
وسلامتكم
![إبلاغ](https://montada.haraj.com.sa/images/alert.gif)
الردود
احمد ربك ع العافيه روح بكره العصر وزور قسم التنويم باقرب مستشفى وشوف المرضى كيف
طبعا اخوي صبر ولله الحمد هذا هو ساكن في عماره ،،،، ملك قبل شهرين
من صبر ظفر ،،،،،،،،،،،،،،،،،،،،،،
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
ومثل ماقال الاخ الفاضل عبدالمحسن ابو سعود ،
لو انك متزوج تعرف لله حق
انا متزوج ومعي اكسنت وكان معي جيب وبعته لضروف ابي أمن ارض ووو وغيره
وانا اللحين معي اكسنت تخيل من جيب إلا اكسنت لان الحياه لها مطالب ولازم نساير الامور
والسياره ماهي هم
اهم شي سياره تمشي الحال
وساكن في غرفتين مالها ثالث ولا لها صاله كماااااااااااااااااااااان وصابرين ياحبيبي
اخوي والله العضيم معه دادسن مديلها بالتسعينات قديمه وابو عائله وبزوره
ينكت ويقول ماعمري ركبت سياره مديلها فوق 2000
لان السياره ماهي هم
**********
تعوذ من الشيطان الرجيم
وقوم على حيلك واحمد الله عز وجل واشتغل يعني لو تشتغل كاشير في بنده او العثيم او اي مووول وياكثرهم
وراتبك اشتر فيه سياره مثلا اكسنت رخيصه والوقت اللي تكون فيه فاضي اشتغل بالاجره وكد اذا كان مكانك فيه شغل اجره او اي عمل ثاني
وهكذا والحياه كفاح
اما جاي وتقول ابي سياره ب100 الف سلامات
واذا شفت حاالتك النفسيه تدهورت راجع فورا عياده نفسيه موفق
قبل 10 سنه