ددسن 2014 كم

اهم شي اول 1000 ميل يعني بالظبط 1600 كيلو لا تشد عليها مررة ولا تخلي النمرة تطول يعني حاول تغير على 2000 لفة وتجنب الدعسات المفاجأة

انا اخذت ددسن 2014 وقال لي واحد لا تشغل المكيف ولا تتعدا 100 ولا تشد على السياره غير بعد صيانه ال5000
 فارجوكم فيدوني هذا الكلام صحيح عشان ذبحني الحررر

افادك الاخ ابراهيم
اخوي نواف وانت صدقت والله الي قالك ضحك عليك المشكله اعتقادات ناس خاظئه جدا ولا في أمل تتصحح

مبروك والله يعطيك خيرها ويكفيك شرها
شف مقطع لحسن كتبي عن تمرين السياره وراح تستفيد من كلامه بأذن الله

يعطيك العافيه ابو طارق صراحه انا ماكنت مقتنع بالفكره بس قلت السياره جديده وخف والله من كلامه بس 

الله يبارك فيك يالسيد المحترم 

السيارة كلها حديد كيف يحتاج لها تمرين ؟ انا معاك في البداية مشيها خفيف حتى تتعدى الـ 1000 وبعدها سوق براحتك 
اذا مشيت 1000 بهداوة احس انها اختبار للسيارة فقط، ولا الحديد ما يتمرن (وجهة نظر)

الله يجزاكم خير طيب وش الزيت الي اغيرة ولا اوديها الوكاله

1600 كيلو ولا تتعدا سرعة100 وخل مشاويرك فالليل

ثم بعد ماتخلص اسرع تدريجيا كل يوم زود 10

حتى تعتاد المكينه على الحركه مهو بشكل فجائي طيران

ولا تطلع طلعات ولا تشد مقاومات هذا اللي نعرفه

والله يبارك لك فحلالك

الله يعطيكم العافيه صراحه انكم ماقصرتو وشكرا على الموضوع جاء بالتوقيت المناسب 

يا الاخ نواف اللي قالك لا تشغل المكيف هاذا يلعب عليك لأن ماله علاقة اصلن الموتر وش اللي ما تشغل المكيف الحين حتى الموضب تشغل مكيفه عادي شغله ولا عليك الا العافية والوكالة اصلن بعضهم اذا جيت تستلم الموتر تحصلهم مشغلينه ومشغلين المكيف عادي جدا


اهم شي مثل اللي وصيناك عليه لا تشد على الموتر مرره

الله يعطيك خيرها ويكفيك شرها
في البدايه لاتشد عليها مره ويكون التسارع بالتدريج
ثانيا المكيف ماعندك اي مشكله انك تشغله ماله دخل مثل مكيف البيت اول ماتشتريه بتقعد تشغله وتطفيع عشان يتمرن؟؟ اكد انك بتشغلع بالساعات
بالنسبه زيت 5000كيلو غيره اما بالنسبه لنوعيته الشباب يفيدونك

اخوي الله يحفظك حاول انك ماتتعدى سرعة 100 كم لمدة لاتقل عن 1000 كيلو متر وحاول تكون التبديلات خفيفه وناعمه ولا تخليها تطول في النمره باختصار حاول ما يتعدى ضغط المكينة 3 وانت اصبر الله يعينك وبعد ما تمشي 1000 كيلو متر امغط امها مغط ههههههههههه الله يعطيك خيرها ويكفيك شرها وانا ناوي على وحده ان شاء الله ..

تبغى الكلام الصح 
انا مطلع ددسن 2005 اصفار على ايامها للوالد من جده المهم طلعت من المعرض وافلل بنزين
وعلى خط الساحل اول 2كيلو مشيي قريب من صفر وصلت للنقطه التفتيش من اخر مطب قفلت القزاز
وفتحت مكيف ومشيت فيها ال140 طبعا شوي شوي من فضل الله وصلت 290الف ماغيرنا غير قماشات
فقط مرتين وبواجي مره وعزمها ماشاء الله ونصيحه الوكاله لاتمرها الى اذا ببلاش 

يعني صيانه مجانيه لاني وديتها عند الحمراني قال700 وهذيك اخر مره رحت له

اخوي السامي
الله يعطيك خير موترك ويكفيك شره 

هذا رابط لي انا في موقع مكشات بيفيدك في كل شيء بأذن الله 

http://cutt.us/zXr2

الله يوفقك