تجربتي لنيسان صني 2013
16
3
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته كيف حالكم ياشباب ان شاء الله طيبين
الزبدة بكتب لكم تجربتي في نيسان صني 2013 طبعا إيجار من ذيب
استئجرتها من أبها 8 أيام اليومية تقريبا ب 85 ريال
السياره اللي اخذتها كانت ماشيه 72 ألف
طبعاً الصني الي جربتها كانت نص فل وكانت قير اوتو والقزاز الامامي كهرب والخلفي هندل
طاسات , ومسكات البيبان نيكل , وبدون كشافات
طبعا العزم مقارنة بفئاتها من السيارات يعتبر جيد جدا في نظري
الرساوة صراحة ما جربتها في السرعات العالية تعرفون ساهر منتشر في ابها والخميس
يعني على 120 تعتبر رساوتها ممتازة
بالنسبة للراحة المراتب قاسية جدا وغير مريحة
المساحة الداخلية وسيعة جدا يعني اللي في الخلف مرتاحين
في شيء ما عجبني فيها اللي هو مافيها تكاية اماميه ومكان الأكواب غلط حاطينه بعد القير
والمكيف ماشاء الله تبارك الله ثلج وكمان الجو يساعد
والسيارة اقتصادية جدا في البنزين تعرفون 4 سلندر ماتصرف شيء
وللأسف مافيه انمبير للحرارة في الطبلون
واللي أعجبني فيها ان فيها ايرباقين أمامية للسائق والراكب
والفرامل ممتازة وفيها نظام ABS
والشنطه وسيعه جدا ماكنت متوقعها كذا
يعني انا أشوف أن السيارة تصلح استخدام داخل مدينة فقط وحقت مشاوير وكرف
و أي استفسار انا حاضر وسلامتكم .
إبلاغ
الردود
سيارات اعتماديه من الدرجه الاولى
صرفيتها ممتازه
وحجمها ممتاز لداخل المدينه في الزحمه تتمنى لو معك وحده من هالسيارات الصغيره
وماتطلب الا زيت مكينه وزيت قير اوتو وفلاتر وبنزين وكفرات
8
0
ان مكان الأكواب بعد القير
مااقدر احط فيها شي
والمشكلة المكان اللي قبل القير فاضي
3
0
استاجرتها كانت زيرو بجدة
فعلا كمساحة داخلية اعتقد هي الاكبر بفئتها و مكيفها رائع بامتياز و بالليل ما تتحمله
اغلب السيارات بهذه الفئة ما تجي مع تكاية بالوسط و لا اعلم ما الحكمة
تستاهل احلى لايك لنقل التجربة و الطرح
دمت برعاية الله و حفظه
2
0
http://haraj.com.sa/users/moh8866
يبيع قطعة تصوير وتسجيل صوت ب250
وحولته يوم الثلاثاء وقال يومين وهي عندك
والى اليوم ماشفت شي بالاضافه انه عطاني بلوك فالواتساب
وكلمته من رقم ثاني ورد بعدين عطاني بلوك
حسبي الله عليه
3
1
0
0
2
0
انت محول لة على البنك يعني اكيد الأسم عندك
كلمة باي رقم عندك على الواتساب وأعطة إسمة كامل ورقم عملية التحويل وعطة رقم حسابك وقولة معك 24 ساعة
إذا ما رجعك الفلوس كاملة الوعد فقسم الشرطة .. وإذا ما رجعها لك أرفع شكوى فالشرطة وخلك متابع فالقضية
هو أخذ منك 250 بس زي ما اخذ منك بياخذ من غيرك إنت خلك ذيب ووقفة عن حدة والله يكون بعونك ويقويك علية
1
0
السياره وسيعه اوسع من الاكسنت واليارس
المكيف اثلج من الثللللج لدرجه اني احاول اوزعه للرجل الله يكرمكم في عز الظهر بس اذا شغلت المكيف تطلع صوت طقه في الكمبراسر
العزم ميه ميه وخفيييفه
العزل حليو لابأس به بس الرساوه رايحه فيها
ما اقدر امشي فيها يادوب 100 الا وانا ماسك الدركسون بيدين واتحاشا انه تمر من جنبي اي سياره السياره خفيفه مره ورساوتها معدومه مررره
مافيها تكايه في النص
الطبلون والديكور الداخلي فاشل نفس تصميم الاكسنت القديمه 2008 / 2009
3
0
1
0
قبل 9 سنه و 8 شهر