صيانه ددسن 2010 .. استفسار

بإعتقادي انك ذكرت كل القطع المهمه الي تحتاج تغير باستثناء فلتر الهواء وفلتر المكيف

 

أيضاً فلتر البانزين وماء الرديتر

الامور اللي ذكرت هي الزبدة مع كلام الاخوة

الكلفة ما اعرفها 

صفاية النزين ضروري تتغير 

تاكد من الجوزات لانه العاده في الددسن ان الجوزات ما تطول 

^^^

* والجوزات خطيرة لو انفكت وانت تمشي 

الاقمشة والفريون وتصيخ الرديتر وبلف الحرارة والجيوزات زيت الجيربوكس ما انصحك تغيره لان القير العايدي مايتغير ينوزن فقط

اذا طبقت الكلام اللي قلته واضافوه الشباب السيارة بتطلع جديدة وسنتيم ما راح تحط شي عليها

احسن ما الددسن انه متوفر القطع وما يتاج تلف وتدور

والكلف على حسب ما تحتاج من القطع وشغل اليد بيفرق من مكان الى اخر

صفاية البنزين 50 ريال اصلي
اسلاك بواجي 200 ريال الاصلي البواجي 45 ريال السيور الكبير 120 ريال والثاني ب 70 وواحد ب 50 ريال واصلي بعد الفحمات الامامي 130 ريال الاقمشه الخلفية 300 ريال يمكن تزيد ماء الرديتر 100 ريال تويوتا فلتر هوى 40 ريال بلف الحرارة اذا عندك 70 ريال اذا بتغيرة كل اللي ذكرته تقريبي يمكن اقل ويمكن يزيد بالعشرات يالبى الددسن بس

الزيوت ماتحتاج تغيير الا القير والدفرنس انصحك بزيت Gm الاصلي من وكاله بالبيد الحبه 50 ريال افضل مافي السوق والقير تيتان 90

اخوي بريق الرياض 
وش موترك ؟ وقد غيرت زيت دفرنس وقير ؟
ووش لزوجة القير؟ ولزوجة الدفرنس مع معالج احتكاك او بدون ؟

تعرف ناس يقولون لاتغير ....
ودفتر الوكاله تنصح بالتغيير وفيه ناس ينصحون بعد ....

بانتظار ردك +1

هلا اخوي عبدالله 711
معي ددسن 2003 شارية من فترة وقبله ددسن 97 وبعته
وكلها مغير زيت قيورها وزيت الدفرنس بالنسبة للدفرنس اذا تحس انك مستهلك زيته غيرة وخل عنك كلام البنقاليه حقين الورش
لزوجه الزيت اكيد 90 احسن زيت غيرته زيت اي سي دلكو عليه كتابه انجليزي امريكي مع معالج احتكاك 3 علب مع المعالج علبته سوداء والقير زيت تيتان 90 بس نصيحه اول ماتغير الزيوت لا تشد على الموتر ولا على القير بالحنه استعمله يومين 3 وبتلاحظ الفرق
واي استفسار حاظر يالغالي

لاهنت ياخوي وجمل الله حالك

طيب انا معي ددسن 10 غماره ماشي 99الف ... والممشى كله اكثره سفريات ...
 يعني اغير الزيت ولا لا ؟
اخاف يطق الدفرنس ولا تطلع لي ونه وقلق وانا رجال محافظ على الموتر 
تعرف كلام الناس اقلقني واولهم اخوي الكبير نفس فيني ^_^
(( ابي اعرف ليه بعض الناس اذا غير الزيت طلعت له ونه وبعدها يودع الدفرنس واجدين اللي يشتكون !!!!
تتوقع وش السبب ياخوي ))

طيب وش رايك في زيت موتركرافت للدفرنس 70w140
ينصح فيه المشرف اصيل حجازي في موقع مكشات ...يقول لزوجته ممتازه من الخفيف الى الثقيل 

اعذرني على كثر الاسئله واللي مثلك يقدر يامال العافيه 
ومامعي الا الله ثم انت يوجهني لاني ناوي اتوكل على الله واغير

ولك دعوه بظهر الغيب اخوي بريق الرياض +1

جزاك الله خير اخوي عبدالله 711
عادي اسال اللي تبي
موتوكرافت ماجربته والله بس 140 احس ثقيل على الدفرنس واكثرهم يقولون للتريلات بس ددسني الاول كنت حاطة فيه 140 وماشي
بالنسبة للي تطق دفرنساتهم يغيرون من زيوت البناشر او ماعمرة غير زيت الدفرنس وماشي عليه 300 الف عشان تريح بالك غيرت زيت دفرنسي 3 مرات اول ماشريت السيارة عندي تهريب صوفه وغيرته 140 تيتان وكان الزيت محروق مرة خفت بالبداية ثم بعد شهر غيرته بباقي العلبه وفعلا طلع محروق اللي حطيته ثم غيرت زيت GMمع المعالج والحمد لله الامور تمام لي 7 شهور
موترك على يدك وجديد والزيت يغير على 100 الف تبي تريح بالك رح وكاله العيسى وغيرة على حسابك او اشتر الزيت ورح لاي ميكانيكي تثق فيه وغيرة وتوكل على الله وانت تقدر تشوف لزوجه الزيت بفك الصره الخلفيه وتشوف محروق او لا نسيبي شاري ددسن 2011 جديد فك صره الدفرنس ماحصل فيه زيت وهو جديد وكان ماشي 1000 كم وعباه ومشاه 100 الف وباعه

نسيت اقولك اذا انت تتابع دروس اصيل حجازي ترى يقول كل الزيوت تتغير حتى زيوت الطيارات تتغير كيف مايغير زيت الدفرنس والقير
هذي الدروس انسخ والصق
http://www.mekshat.com/vb/showthread.php?t=241612

http://www.mekshat.com/vb/showthread.php?t=231157&page=2

الله يوفقك ويجزاك ربي بكل خير 
بعد كلامك بتوكل على الله واغير زيت الدفرنس والقير ومعهم
مره وحده ماء الرديتر وانا بنفسي في الحوش بشتغلها ان شاء الله اليوم او بكره
بلاعمال بلاسباكين.....

ابشر بالدعاوي الطيبه اخوي بريق الرياض +2

ابي اعطيك لايك يطلع لي
لايمكن تكرار تقييم عضو معين.إضغط للإخفاء 

قلت مافي الا مواضيعك هههه وتمت بكل نجاح ^_*
الله يوفقك يالغالي

وياك يالغالي والله يتقبل منا ومنك صالح الاعمال في الشهر الكريم


واي استفسار ثاني انا حاضر
وتراي انتظرك ترد على وش صار معك وكيف الامور
الله يوفقك ويسهل امورك