محذووووووف

اخوي ماكسيما حلوه بس قطعها غالي 

انتبه من السيارات الي مصدومه من قدام على ما اسمع قطعها غاليه شوي

ابعد عن الماكسيما
مع رحيمي وحده عذبته كل شوي خرابات والمشكله قطعها غاليه
لكن لو تلقى كامري 2002 لين 2007 ونظيف خذه ولا تشاور

انا من رأيي ابعد عن الموتر اولا انها مضروبة في الوجهه ولا يهمك راعيها يقول دقة مافيه شي اسمه دقة صدمة الوجهه معروفة الرديتر والجسر وكل شي قدام وحتى الكبوت

ثانيا ان موديلها 2006 ولى عليها الزمن وراح لها 9 سنين الحين وصدقني ماراح تكرف معك مثل سيارات الموديل الحديث المكسيما ياخذ الموديلات الحديثة ولا اقعد بتقعد تغثك وتطلب منك

علمنا كم حدود ونفيدك بالموتر السنع ان شاء الله

لازم تتاكد من الصدمه  وهل تضررت السيارة ام لا

وتاكد من نظافة السيارة 

أخوي عن تجربة كان معي ماكسيما 2006 سيارة من أحسن مايكون عزم ورساوة وتكييف ماشاء الله - بس أهم شي ان السياره اللي انت ناوي تشتريها تكون نظيفه وماهي ملعوب في كهربتها وصحيح الاسبيرات غاليه الأصليه بس بتعيش معك- واذا تبي الرخيص بتحصل التجاري الصيني والتايلندي و..و.. بس ماراح يعمر معك –اكثر خراباتها حساس منظم الهواء اللي بسببه بتطفي السياره عليك وتكرهها ويخرب بسبب الغبار وعدم تنظيف فلتر الهواء
يعني باختصار اي سيارة تهتم فيها بتخدم معك وأسف على الاطاله وبالتوفيق

الله يسعدكم جميع 

ميزانيتي في حدود 22 الف تقريبا ..

الماكسيما سياره مع الاستخدام راح تحبها خدومه و قليلة الاعطال في حال انك اهتميت فيها و قطعها رخيصه ركب و يجيك زهايمر عشان تبدلها مره ثانيه و هالكلام من واقع تجربه ١٣ سنه بس شوية محافظه . اما انك بتاخذها من مستخدم اهم شي تكون كهربتها كويسه و شيك ع حرارتها و فالك الطيب ان شاءالله 

اول شي ياصبي بني شهر الله يباركلك فيها او بغيرها
الشي الثاني انا معي مكس 2007 ماشيه 200 الف
وصارلي فيها حادث ف الزاويه يسار وغيرت قطعها من كبوت وانوار اماميه وصدام ورفرف وشغل وكاله ف ورشه بابها ولها معي5 سنوات واخذتها ماشيه 23 الف تعتبر وكاله والى يومك بسم الله ماشالله ماتشتكي من شي 
ماخليت بها مكان من شروره الى تبوك الى ممه الى الشرقيه الى جبال الحشر ومع عبقة سنان ان كانك تعرفها
واللي يقولك. قطعها غاليه ابشرك انها ارخص من الكامري
الاقمشه الاماميه بـ 170
خلفي بـ 120
رمان خلفي بـ 450
رديتر صيني للقير العايدي بـ 150 افضل من حق الوكاااله
رديتر الوكاله بـ 800
طرمبة بنزين بـ480
واي استفسارات ثانيه انا حاضر
واستخر قبل كل شي
وتأكد قبل كل شي ان الموتر ماهو ملعوب فيه تنزيل وحركات 
وتأكد من حرارتها
وعسا الله يكتبلك اللي فيه الخير.  وسلامتگ. 

اللي يقول قطع غيار غاليه مع احترامي له كذاب ومايعرف المكسيما ولا عمره جربه 

بعض القطع ارخص من الاكسنت 

فحمات امامي 175 مشتريها وكاله وشمعات اماميه نوع تايواني زي الوكاله ب 250 طقم 
شبك تحاري زي الوكاله ب 60 ريال 
والقائمه تطول وغيرها كثير اشياء رخيصه بس ناسيها 

اللي حاب اقوله توكل على الله 
بشرط .. الصدمه ماوصلت للرديتر 
الكهرباء سليمه بالموتر 
الشاص والكمر سليم 

اهم شي حافظ على الزيت والماء وبتعيش السياره عمر طويل ومديد بإذن الله 

يااا سسسسلامي عليكككم حمستووني اشتريها 

بيض الله وجيه من افاااادني ورد

واللي عطاني دس لايك وش سوويت الله يرحم والديك ههههههه كذا حطمتني

عندي ماكسيما 2004 فل كامل بصراحه برغم اني خسرت فيها بسبب الاهمال !! وكنت امشي فيها بدون ماشيك ع الزيوت ولا كن الحين اهتميت فيها والحمدلله زي الحلاوه وماتطلبك قطع اذا انت محافظ وقطعها رخيصه واكثر شي زي ماقال الاخ المحترم يخرب فيها حساس المنظم بسبب عدم تنظيف فلتر الهوا (((اذا السياره نظيفه توكل على الله ومارح تندم راح تعشقها)) واسأل مجرب لو تعبتني كان بعتها من زمان وماراح افرط فيها لانها سياره بمعنى الكلمه واستخير الله والله يوفقنا واياك

ردودكم اعجبتني بقووه 

بس جيت اسال اخووي قال ما هي زينه 
قلت ليش ؟؟

قال ماهي منتشرة ولا تشوفها بكثرة ف الشوارع زي الكامري 
والناس ما تترك شي عبث..

انا م اقتنعت ابداااااا 


هل فيه واحد يعطيني رد سليم علشان اقدر اجاوبه ؟؟؟؟؟

.
.

راسلني خاص. وأبشر بأفيدك عن اي شيء بالمكسيما