هل تهتم بأنظمة السلامة عند شرائك للسيارة ؟

الامان اولا وثانيا المواصفات 
الامان مهم لانه لو قدر الله وصار شي خلي السيارة تروح تالف بس اهم شي انا اطلع سليم 
وكل شي بامر الله 

وانا اخوك بدور عن الشكل والمواصفات مع الامان والسلامه كلها الحين اغلب السيارات فيها ادوات السلامه كلها يعني مهنى خوف باذن الله بس يخوك السلامه والامان بيد الله سبحانه وتعالى 

اتوقع الاغلب يهتم بالشكل لانه السيارات الشبه معدومة وسائل السلامة الاكثر انتشارا في المقابل السيارات الأوروبية الي مواصفات السلامة الأساسية عالية جدا محد يطالع فيها 

الله يحفظ الجميع ويبعد عنا شر الحوادث

بس السؤال هل بيفيدك الشكل والمواصفات لاصار لك حادث وانشليت شلل رباعي الله لا يقوله ؟ عموما اتفق مع اخوي تواوت الامان اول ، والله يوفق الجميع

اكيد الامان مهم 

لكن اغلب الناس اول مايبحث عن سياره يركز على السياره اللي يبغاها ولا يفكر بالامان

لكن لاجت للامان تحديدا السيارات الجديده تتفاوت كثييييييييييير

اركّز ع الامان .. حتى في سيارة الايجار اللتي سأستأجرها :) 
وطبعا ماكنت اعرف مواصفات الامان الا يوم قريت عنها قريب 
وتأكّدت اني في كنت في غفلة ! 

والله مانافع لا ايرباج ولا غيره القدر بيجيك بيجيك.
اللي تقدر تسوية انك ماتلقى نفسك بالتهلكة عشان
مايحاسبك ربك على ذلك. من سرعة وتهور والقيادة وانت نعسان.
هذي اهم مواصفات سلامة..
بعض الناس للاسف يهتم بمواصفات السلامة عشان 
ياخذ راحته بالتهور..

والله اخوي على حسب بعض الناس مايحب الامان يبي موترك يكرفه ولا يتكشخ فيه 

 بعضهم يبحث عن امان ورساوه والخط والعزل يحب سياره اكثر موصفات وامان  

 اخبر لك شخص اشترا لكزس من مزدات 2013 جي اس مصدومه وطالعه اربقات  اشترها وصلح صدمه واربقات اللغاها  وكرفها خطوط تشوف وجهيه كلها مرممه عنده من كثر خطوط موتر جديد ماشي 20 الف ومشاه 60 الف من خطوط ويمكن اكثر لكن اربقات مافيه طالعه  بس موتر جديد وباقي فيه حيل 


 بعضهم يركز على الامان وتسارع وعزل وموصفات وراحه ورفاهيه  زي سيارات اوربيه عندك فولفو 8 اربقات ورساوه ماتحصلها بسيارات عايديه وامان وموصفات وثبات  امشي فيها 240 كاني امشي 100 

  الناس اجناس على قوولتهم وكلن مايمملي عينه الى الي يعشقه زي حقين بعض سيارات يبانيه زي جيوب وشاصات بعضهم ماتجي الى ارباق واحد بس ايش انها سياره حقت بر 

ليش مااخذ سياره اوربيه زي جيب مرسيدس وغيرها  كلن على قد فلوسه ومقتدرته مادريه وعلى حسب هواه 

صحيح لاجاك القدر محد يقدر يمنعه لكن لازم نفعل بالاسباب

انا اهم شي عندي الامان ثم المكينه ثم الشكل

المشكله مو بالناس المشكله بحرامية الوكالات شوف السيارات بامريكا كم ايرباق وشوف اللي عندنا كم وبتعرف ان الطاسه ضايعه

الله يحمانا وياكم من شر الحوادث

بالنسبة لي ادور سيارة اعتمادية في جميع المواصفات واهمها الامان

افعل الاسباب والقدر ماحد يرده عن احد لكن مثل ما قلت لك افعل بالاسباب والامان بالله سبحانه

افعل الاسباب وطبعا راح اهتم فيها ك ايرباج وك مانع انزلاق 

لا قدر الله خطم  احد امسك بريك صح ... او لا تهور واحد وصار 

حادث لا قدر الله .. انا صار لي حادث والحمدلله جت سليمه 

وسياره الوالد راحت تالف .. رقدت بالعنايه والحمد لله 

انا بصحه وعافيه بفضل من الله ثم الايرباج . 

علما ان الغلط ع الطرف الثاني ٧٥٪ . 

شيء اساسي بنظري الحديد بداله حديد 

لكن الروح لا راحت تروح .. 

أركز على الجودة لان السيارة اذا كانت جودتها سيئة بتجيب المرض في الصناعية و لا عاد بينفعني امانها
لكن شي حلو  اذا اجتمعت الجودة مع الامان و الشكل

نتكلم عن وسائل الأمان ..


وننسى الوسيلة الأقدم .. والأهم وهي : ربط حزام الأمان !!




نربطه ثم نبحث عن سيارة بكامل مواصفات الأمان خاصة الـ ABS 

كلام سليم للاخ صاحب الرد اللي قبلي هايبر 

الحزام اهم شيء ولو تلاحظون الونيتات قديما واغلبها مع كبار السن 


ماشاء الله معمره السيارات والبعض منها حوادث بسيطه 


لاكن المشكله الثانيه اذا الوكيل مايوفر وساىل امان عاليه 


للساىق علشان يطلع عليه الموتر بسعر رخيص ويبيع 

بسعر غالي لاكن للامانه اغلبنا نشتري سياره جديده ولانفكر باالامان 

يا إخوان اللي يدور على الأمان ويحسب ان خلاص ركب مرسي دس ولا بي ام 
ولا فولفوا او غيره ولا ٨ أرباقس ولا ربط الحزام 
ترى جميع السيارات تقيس الأمان  على سرعات ماتزيد عن ١٢٠ 
يعني لا قدر الله وصار الحادث على ١٨٠ - ٢٠٠ على بالكم ان بتفيد مواصفات الأمان 
مستحيل الا اذا الله كتب لك تعيش 
وبالنسبة لأفضل السيارات أمانا الفولفو بلا منازع 
لكن مع الأخذ بالأسباب يعني ربط الحزام ودعاء الركوب 
كم واحد منا الشعب السعودي يربط حزامه قليل ما يتعددون٢٠ بالميه منا 
وكم واحد منا يزعل اذا أخذ مخالفة سرعة او تخطيط بين المسارات او قطع إشارة 
وانا بالنسبة لي الشكل يهمني واللون يهمني والارتفاع يهمني ومع الأمان 

ادوات الامان لاتنفع عندنا بسبب السرعة العالية التي نقود بها السيارات وعندما يحصل حادث علي سرعة 200 او 180 هل يعتقد احد ان ادوات الامان تنفع انا عملت في امن الطرق حوالي 17 سنة وباشرت مئات الحوادث لجميع السيارات الفخمة والعادية ومن خلال خبرتي اقول اهم وسيلة من وسائل الامان بعد حفظ الله هي تجنب السرعة وعدم القيادة وانت مجهد او فيك نعاس