أضف سؤال أو موضوع جديد          

تامين المركبه بعد الحادث

up 1 down 4
ابو عبد العزيز 305 417
قبل 8 سنه و 4 شهر



السلام عليكم ورحمه الله وبركاته. اخواني اليوم الساعه ١ فاليل قدر الله وصار علي حادث والحمد لله يوم سلمنا انا واخوياي. كان قدامي تحويله ومطب صناعي وهديت عند المطب وجاني واحد كويتي يمشي ١٨٠ الله يهديه تقول مايشوف التحويله والمطاب التحذيريه وصدمني من الخلف وانعدم موتره المسكين شاله صطحه وانا موتر تاثر بس يمشي حمد لله ووصلني الرياض  ولا كان بلشت في ديره اسمها الارطاويه حقت الدوشان المهم الرجال نزل معصب وقال ليش ما زحفت يمين ولا تليت موترك يوم سمعت الفرامل (شين وقوي عين ) جا الاسعاف وتطمن علينا وعليهم جزاهم الله خير  الرجال حطو المرور الخطا عليه ١٠٠-١٠٠ وحذف بوجهيي تامين وكال في امان الله صراحه انصدمت المشكله يا اخوان والسوال كيف اخذ حقي من التامين وكيف الطريقه تامين التعاونيه وهل لازم اراجعهم في الرياض ولا ارسلهم الاوراق انا في شقراء علما ان موتري بيكلف من ٤٠٠٠ وحوله حسب التوقعات وجزاكم الله خير الجزا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المرور يعطيك ورقة تروح لثلاث ورش وتسعر الموتر وقطع الغيار واذا كان مكلف يخلونك تروح لشيخ المعارض ويسعرها قبل الحادث وبعده ويكتب الفرق في ورقة ويحطها بظرف توديه المرور المرور يطبع لك برنت تقرير الحادث ويرفق معاها الظرف ويرسلك لشركة التأمين وأهم شي لازم تسويه هو تصور السيارة بعد الحادث وتصور مكان الصدمة كاملة عشان مايشغلونك تروح للتأمين وتعطيهم الأوراق وبعد 14 يوم تجيهم تستلم الشيك

للأمانه التعاونية الكل يمدحهم ولاعندهم مرمطة


up 1 down 1
أبو ناصــر 1282
قبل 8 سنه و 4 شهر



زين الحمد لله اني مصور السياره وقت الحادث طيب اذا كان المبلغ من ٤٠٠٠ الا ٥٠٠٠ اويقل اويكثر بشوي يمشي ولا يروحوني شيخ معارض


up 0 down 0
ابو عبد العزيز 305 417
قبل 8 سنه و 4 شهر



ابو حاتم موترك كورلا ابيض لني شفت تحويله عند الي توديك حاير كورلا ضارب في صبات حقت تحويله  بنسبه لتامين الله يعينك بتتعب في بدايه لكن راح تحصل لك شي بالاخير 


up 1 down 1
سكودر 14931
قبل 8 سنه و 4 شهر



لا يالغالي موتري ددسن غمارتين والحادث اولا الساعه حول ١ قبل الارطاويه فيه تحويله مع الخط السريع بين ام الجماجم والارطاويه


up 1 down 0
ابو عبد العزيز 305 417
قبل 8 سنه و 4 شهر



علا طريق الكويت السريع


up 0 down 0
ابو عبد العزيز 305 417
قبل 8 سنه و 4 شهر



الورش تقدر يابو حاتم لأن اذا صارت الضربه بالشاصيه يمتنعون عن تسعيرها ويقولون مكلفه لازم تروح لشيخ المعارض لأن هالسالفه صارت لي وانتبه من شيخ المعارض احشرة زين لأنه ظلمني لابارك الله فيه


up 1 down 1
أبو ناصــر 1282
قبل 8 سنه و 4 شهر



المشكله موتري جديد والله اني شاريه الخميس الفايت  قبل اسبوع وانعدم صدامه وباب الصندوق وطرف الرفرف الخلفي والاصطب والشاص جاه عفط خفيف جدا


up 0 down 0
ابو عبد العزيز 305 417
قبل 8 سنه و 4 شهر



لا الشاص سليم خفيف جدا مايذكر يمكن ٥ صانتي


up 0 down 0
ابو عبد العزيز 305 417
قبل 8 سنه و 4 شهر



الحمد الله على سلامه ياابو حاتم بنسبه لتامين اذا شاص انضرب وارباق طلع تالفه يعطونك جديده بدلها هذا الي اعرفه بتامين 


up 1 down 0
سكودر 14931
قبل 8 سنه و 4 شهر



اذا الموتر موديل السنه تصليح
وكاله طرقن عن خشومهم يسونه
وجعلها اخر المصايب


up 0 down 0
ابوسعيد الاحمري 1017
قبل 8 سنه و 4 شهر



عفط الشاصي احتمال تسويلك مسحيه
في الكفرات


up 0 down 0
ابوسعيد الاحمري 1017
قبل 8 سنه و 4 شهر



عفط الشاص خلفي والموتر مهو جديد بس بودي وكاله ماكد رش ولا سمكر ابد ابد ٢٠٠٢


up 0 down 1
ابو عبد العزيز 305 417
قبل 8 سنه و 4 شهر



جزاكم الله خير يا اخوان علا الدعوات


up 0 down 1
ابو عبد العزيز 305 417
قبل 8 سنه و 4 شهر



وعليكم السلام ورحمة الله وبركاته والحمدلله على السلامه وماتشوف شر ،

ثم عندي تعليق على الي يقول كلمة ( برنت ) ترى معناها طباعه فما يحتاج تذكرها مرتين 




up 0 down 3
almjrm 72
قبل 8 سنه و 4 شهر



هههههههههههههههههههه ^ تحقيط 


up 2 down 1
سآآآل 318
قبل 8 سنه و 4 شهر



حمدلله عالسلامة ابو حاتم :) ؛

وشركات التأمين ملزمه تعوضك ١٤  يوم ؛ او ترفع شكوى بمؤسسة النقد ( اتصال ) ؛ ويغرمونهم . 


up 1 down 2
سآآآل 318
قبل 8 سنه و 4 شهر



المهم الحمد لله على سلامتكم


up 1 down 0
ابن الـوادي 96
قبل 8 سنه و 4 شهر