بخصوص الاقساط

ما اعتقد راح يقسطون لك بس دامك بتقسط كل المكافئه ليش ما تجمع على الأقل حول العشره الاف وتشتريلك موتر مو افضلك !

المواتر اللي ب 10 الاف خرد ولافيه نظيف ولو بجمع مبلغ لو 10  الاف بقعد اكثر من سنه وانا احتاجها 

شف احد اقاربك يطلعلك من شركة تقسيط مثل اليسر باسمه 

خذ اكسنت جديده يكون قسطها 720 ريال وانت تدفعها كل شهر عن طريق النت

م فهمت كيف عن طريق النت ؟

انتبه الشيكات صارت قوية لا تتورط فيها ما تدري عن الظروف .
عقوبتها سجن و تشهير و سداد .

اما بالنسبة لطالب ما في شركة تقسطك الا تلقى شخص يعطيك سيارة اقساط من معارفك مثلا و يثق فيك .
او تطلع باسمه . 

السداد يكون عن طريق :-
فرع الشركة
او الصراف
او النت زي ما تفضل الرد السابق ( موقع البنك الالكتروني )

اول مره اسمع ان الشيكات ضمان ، الكمبيالات الضمان اما الشيكات فهي اداة وفاء زيها زي الفلوس
مافيه احد يقدر ياخذ عليك شيك مؤجل ...يعني لو تقسطت سيارة مايقدر ياخذ عليك
كل شهر شيك ضمان لان وزارة التجارة مجرمة هذا العمل ...
الا اذا بتوقع لهم علی بياض وبدون تحديد التاريخ ...
عموما لو تلاقي سيارة مستخدمة افضل بنظام تقسيط  بس يبغالك عن طريق
شخص معرفه 

شوف الوالد او اخوك يطلعها باسمه وانت تسدد 

ويسوي لك تفويض بالقيادة 

لا توقع على شيك وعلى بياض خطيره جداً وراحوا فيها ناس كثيرين وسجنوا 
شوف هالرابط..

http://www.youtube.com/watch?v=Bnt5zgKO9Vk
شوف هالرابط ضروري وهذا تحذير لك ولغيرك ياغالي 
الله يكون بعون الجميع

اذا فيه احد يطلع مقابل توقيعك على شيكات وضامن انك بتلتزم فالسداد
فخذ ووقع على الشيك

الشيكات هذي حتى البنوك والشركات تتعامل فيها
الاكسنت موقعين على كمبيالات بقيمة السياره لو ماسدت يجيبوني فيها

الالنترا موقعيني على نفس الشي بقيمة السياره

فالنهايه انا بسدد مو خايف من هالشيك لاني ضامن السداد

اما اللي ياخذ حقوق الناس يوقع على تعهد ولا يبغى يسدد حقوق يستاهل من يجره بالشيك فاسجن

لا انا بلتزم بالسداد شهريا لكن اخاف لو سددت او ماسددت مسجون مسجون

الشيكات اذا وقعتها وسلمتها للشخص بتاريخ مستقبلي او فاضيه من ناحيه التاريخ ؛

راح يجرموك انت والرجال ؛ يعني انت تتعاقب وهو يتعاقب ؛ هذاالقانون السعودي .

مثل ماذكروا الاخوان الشيك مثل الكاش ؛ اداة وفاة وليست اداة ضمان ؛ 

الكمبيالات مختلفه ؛ تماما ؛ يا شاقح وهي للضمان ؛ وليست مثل الشيك ؛ الكمبياله تسجنك ؛ والشيك يسجنك انت وهو :) 

ويا فهد عندي لك فكرة ؛ بما انك باقي طالب جامعي ؛ اتوقع يمديك تاخذ قرض سيارة ليموزين من عبداللطيف او بنك التسليف ؛ لان اسمك مو مدرج ف التامنيات الاجتماعيه ؛ 

وطق لك اكسنت ليموزين واترزق بها الله وماعليك من احد :) ترا حلوه فكر فيها .