سؤال عن أفضل شركة للتقسيط وهل ستقبل بوضعي المالي ؟

وعليكم السلام ؛ تقسيط لا ادري ؛ 

لكن تاجير منتهي بالتميلك ممكن ؛ وراح يطلبون منك دفعة اولى حول ١٩٪ من قيمه السيارة ؛ 

فرفر عالمعارض اللي عندهم ممثلين البنوك والشركات وشوف ؛ واذا لك رغبه ف التقسيط اسأل عنه ؛

انت رح شف واسأل بعض شركات التأجير ماتقبل اذا عليك التزامات مادية

بعضهم ينظر لمتوسط راتبك اهم شي ان التزاماتك ماتتعدا 60% من الراتب

والبعض ماينظر لأي شي من هالاشياء يحسب لك حسبة بسيطة ويفيدك كم اكثر مبلغ ممكن يعطيك اياه يعني الدعوة متلخبطة ومعقدة


لكن نصيحتي لك مر على اقرب بنك عنده اقل نسبة وطلع من عنده قرض احسن لك اولا الموتر بأسمك وثانيا اقل نسبة ربح من التأجير وان بغيت بكره ولا بعده تبيع الموتر بأسمك وفيه بعد موضوع ذا التأجير اللي يقولون انه مشكوك فيه انا والله ما اقدر افتي فيه ناس حللت وناس حرمت لكن مانقول الا الله لايحدنا عليه ... تقبل مروري

طبعا انا قلت ١٩٪ لان هذا حسب ظروفي وحسبة البنك الاهلي لي ؛

طبعا انا مثلك قرض ٣٣٪ من الراتب ؛ بس السيارة اللي سألت عنها كانت ب ١٦٨ الف ؛ ف انت احتمال تطلع معك نسبة الدفعه الاولئ اقل بكثير ؛

ودام الاهلي قبل ؛ غيره بيقبل ؛ واذا مرا انحديت خذلك افالون ستاندر من ابو لطفي يقبل بالجميع اكبر داعم للمواطن السعودي دون الرجوع ل سمه  ؛ 

انا قبل كنت باخذ سياره وسألت .... اهم شي يصفالك بعد الاقصاد ثلث الراتب ... يعني اذا راتبك 12 .. مافيه مشكله بس بشرط ينزل بحسابك من راتبك الثلث يعني 4 الاف

البنوك تاخذ ثلث الراتب 
بعض الشركات تاخذ الى 70%
مثل اليسر 

عبد اللطيف جميل لو عليك ميتين قرض ما ردك بس يصلخك صلخ  وينقز عيونك بالسعر

نفس البنك حقك يعطيك 
معظم الشركات تعطيك و مو شرط دفعه اولى مثل شركة تاجير و عبداللطيف جميل
ياخذون 60% من راتبك
12 الف >>>>>> 7200 ريال _ 4000 ريال = 3200 ريال
يعطونك الى قسط 3200 ريال 
اما اذا تبغى كاش او سيارة باسمك شوف شركة النايفات او اي شريطي يقسط عليك
و يشترطون كفيل غارم 

انا علي قسطين بقيمة 3527
رحت لبنك الامارات وقالي تقدر تاخذ سياره قسطها حد اعلى 3500

قلتله ابي سياره قسطها صغير وبنفس الوقت بشرط يكون عندكم امكانيه للتنازل او ارجاعها لاني بستخدمها كم سنه وبتنازل عنها
قدمت اوراقي وخلصت كل شي
بس لاتدفع اقل شي 10 بالمئه من قية السياره + رسوم ادارية 3000 النسبه 7 وربع

وذا قيمة السياره اكثر من 100 الف النسبه تقل عن 7 وربع مدي كم بس تصير قليله

هذا رقم مندوب بنك الامارات اسمه محمد الكثيري 
0506198062

الله يبيض وجيهكم يالنشامى
بالنسبة لي كنت متحاشي حكاية التأجير وأبي التقسيط وتكون السيارة باسمي
 لكن شكلنا محدودين عليه