تجربي مع بطارية السيارة .. ac delco

8 7

لايمكنك التصويت حتى الحصول على 20 نقطة على الأقل
إضغط هنا للإخفاء

max_9ms 2356
قبل 9 سنه و 10 شهر

السلام عليكم ورحمة الله وبركاته


ادخل مباشره بالموضوع وبدون مقدمات

طبعا الموضوع ابطرحه لتعم الفايده للجميع ولاني ماشفت مواضيع كثير بخصوص البطاريات مع انها مهمه 

عموما .. انا بطاريتي كانت أي سي ديلكو 

تم تركيبها بتاريخ 10/4/2012 

اي انها خدمت معي مايقارب سنتين وشهرين

وهذا ممتاز جدا بالنسبه للعمر الافتراضي للبطاريات 

اولا .. السعر 

تم تركيبها قبل سنتين ب 210 ريال مع اخذ الرجيع


خلال هالسنتين ماكنت من النوع المحافظ على البطارية يعني اشغل المسجل وبعض الأنوار بالسياره بدون تشغيل المحرك 

مشيت بالكيلو متر خلال هالفتره ( 40 الف كيلو ) ماشاء الله 

وهو معدل طبيعي ومناسب



* كيف عرفت بعطل البطارية .؟

طبعا صار لي حادث قبل اسبوع وكانت الصدمه بالمقدمة 

ومع وهلة الموقف ماطفيت الموتر وطلب بعض الموجودين اطفي السيارة وافصل البطارية بس ما انتبهت لهم لاني قاعد ع الرصيف وبي الصيحه ههههههههههههه

توي مطلع الموتر من الورشه صيانه بالفين وشوي وصار الحادث

المهم فصل البطارية احد الموجودين وقت الحادث وجبنا سطحه ووديناه الورشه

بعد الإصلاح الموتر تغير من عدة أشياء .. ابرزها

1 - صعوبه في التشغيل للمحرك 

2 - صوت زي الالتماس عند البطارية ( زززززززز ) 

3 - اضائة الأنوار الداخليه والطبلون ضعيفه 

4 - بعد التشغيل ولما احط المفتاح بوضعية on المسجل والمكيف يشتغلن ويطفن من نفسهن 

والظاهر البطارية جاها التماس لان قبل الحادث ماشيه تمام حتى وهي قديمة


بعد التركيب .. 

انا صراحة كنت خايف الموتر به تهريب كهرباء او التماس 

قلت بغير البطاريه واشيك بعدين ع الكهرباء والدينمو 

غيرتها اليوم المغرب .. 

الغريب ان ابو يمن من دخلت عنده قلت ابي اي سي ديلكو لكن قعد يقنعني ببطاريات انواع وأشكال يقول فيه أمريكي وكوري وصيني 

قلت ياخي ركب لي اي سي ديلكو وبس ماجيت اشاورك انا ههههههه

وراح جابها وركبها وتكلفتها كانت 200 ريال + الرجيع 


بعد التركيب .. 

1 - سلاسة وسهولة ب التشغيل 

2 - اختفاء الصوت اللي كان مخوفني وكنت اتوقعه التماس

3 - ذهبت مشكلة اشتغال المسجل والمكيف بمجرد وضع المفتاح بوضعية on


لكن حصلت لي مشكله بسيطه وهي ان النور الواطي والعالي ماعاد يشتغل .. والظاهر انه فيوز او مشكله بسيطه بكرا اشيك عليه وابلغكم باذن الله


البطاريه اعتماديه وممتازه وتدوم وتدوم وتدوم ههههههههههههه

اذا بطارية سيارتك ماتطول عندك وتجلس حدود سنه فقط فاعلم انه توجد لديك مشكله بسيارتك اما تهريب كهرباء او مشكله ب الدينمو

هذا والله اعلم 

حاولت ارفق صور لكن رفض مدري ليش ..



ملاحظة .. عند الشراء لاتنسى طلب كرت الضمان وارفاقه مع الفاتورة ولو سجلت التاريخ يكون افضل 


إعداد اخوكم max 

وشكرا .. 




#  .. لاتنسو صلاة الوتر فأجرها عظيم كما اتمنى ان لاتنسو والدي من الدعاء فهو يرقد على السرير الابيض .. وجميع مرضى المسلمين

إبلاغ

الردود