أضف سؤال أو موضوع جديد          

قد اشتغلت كداد من قبل ؟؟

up 42 down 13
ابو سعود629 4705
قبل 7 سنه



السلام عليكم ورحمة الله وبركاته ’ اسعد الله مساء الجميــع بكل خير , والله يبلغنا واياكم رمضان بالصحة والعافية ...



طبعا اغلب الشباب جرب يشتغل كداد بسيارته الخصوصية وخاصة وقت الطفرة .. وانا واحد جربت هالشغلة اول ماتخرجت من الثانوي عاطل باطل قلت وشنباتي في وجهي عيب اطلب الوالد ههههههههههههه   , رغم انه مايقصر لكن انا واحد احب اعتمد على نفسي 



المهم جاتني فترة اكد على سيارتي ويوميا اطلع لي 60 اقل شيء .. طبعا كنت اطلع الصبحية على الساعة 8 تقريبا اعبي بنزين فل واروح اقرب بوفية افطر واجلس افرفر عند الاماكن المعروفة واللي فيها زحمة .. 



اغلب اللي كانوا يركبون معي سعوديين شباب , واحيانا اذا شدت الطفرة اركب ابو هنود ههههههههههههههه 



ومن المواقف اللي اذكرها حصلت لي مرة شفت هنود ثنين مرتين من عندهم 3 مرات تقريبا وكل ماوقف لهم تاكسي مشى وتركهم , وقفت لهم قلت وين ؟؟ قالوا سيكو قلت 10 ريال طبعا المفروض اخليهم يدفعون 15 لكن هذاك اليوم الطفرة لاعبة فيني لعععب ههههههههههههههههه



قالوا لا كل واحد فينا بيدفع 3 ريال يعني المجموع 6 ريال , انا اعطيته النظرة الانقلعية بس تعوذت من ابليس وقلت يارجال انت مطفر تراها نعمة 6 ريال حق بنزين قلت له اركب يلا , قام ناظر فيني وقال لا خلاص عاد وقتها كنت لابس طاقية ربع ومنكسها على جبهتي الهندي بلع العافية قال دامه وافق ب 6 ريال اكيد بيفلم فينا في الطريق ههههههههههههه


وقتها ودي مسكته من رقبته وركبته غصب اجل موقفني له دقيقتين بهالحر واخر شيء يقول لا مايبغى يتدلع مع وجهه بعد ههههههههههههههههههه



ومره من المرات ركبت لي مصري ووديته للراكة ب 20 ريال وفي الرجعة قال ابتصل بك الظهر تجي تاخذني ؟؟ 



قلت له تم , المهم اتصل بي وقال تعال خويكم شاد حيله ويضيع المخرج ههههههههههههههههههه والمصري جالس ينتظر بالحر وكل شوي يتصل بي 




وانا كل ماتصل بي قلت له انا عند الاشارة زحمة وانا جالس ادور المخرج اللي دخلت منه عفست ابو الدنيا ههههههههههههههههههه


المهم المصري هذاك اليوم قال لي مافيه تكاسي لان منطقة عمله بعيدة عن التكاسي ونادر يجون تكاسي لعنده قال وينك يااااااخي حسيته شوي ويطلع لي من السماعة قال انا تعبت من الوقفة هههههههههههههههههه



بعد نص ساعة تقريبا وصلت له ولقيته واقف في حالة يرثى لها ههههههههههههههههههههه فرق بين وجهه الصبح يوم اوديه وفرق يوم اجي اخذه الظهر هههههههههههههههههههههههههههه



ومرة ركب معي باكستاني قال لي مخطط 8 المهم اتفقت معه على 10 ريال واول ماركب وبرد على نفسه بالمكيف قال لي انا اعطيك 5 اللحين و 5 ريال بعدين لان انا اللحين مافيه فلوس ينسى في سكن , واعطيها احلى بريك ووقفت قلت له انزل بدون ما اتفاهم معه حاول فيني يمين يسار قلت انزل انا مشغول .. ماني بفاضي لك مغبون وطفران وناوي تزرفني بعد هههههههههههههههههههه



طبعا فيه مواقف كثيرة حصلت معي لكن هذي الخفايف اللي اتذكرها لاني ماطولت كثير فترة بسيطة وتركتها والحمدلله درست وتعدلت اوضاعي والله من علي بكرمه .. لكن تبقى ايام حلوة الواحد يتذكرها وفرصة يعتمد على نفسه ... 



** اللي قد اشتغلها يذكر لنا المواقف اللي حصلت معه سواء بخصوصي او تاكسي .. 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله المستعان . مره كنت أتكس معي كرسيدا 80 حمراء عند الحرم ووقتها كان جوالي الدمعة أول ما نزل ووقفني واحد سعودي عند دار التوحيد وقالي مضيع أهله عند باب الصفا نروح ناخذهم ووأصله العوالي وأتفقنا 100 كان وقتها في شهر الحج ولما وصلنا الغزة عند الصفا قالي عطني جوالك بكلم أهلي جوالي مخلص الشحن قلتله تفضل وأخذ الجوال ونزل من السياره وسط الزحمة وراح الحرم وأنا أنتظر وزحمة والعسكري قروشني وأخذت جوال واحد واتصل على جوالي إلا وهو مقفل الله يعوض علي ويشهد الله عليّ أني مسامحه دنيا وآخره . 


up 8 down 0
aliyy-2010 242
قبل 6 سنه و 12 شهر



كان معي ونيت حوض غمارة  يسمى دباب عند اهل الطايف وتبوك والقى هذاك السعودي اللي يعرج عمره فالثلاثينات احترت فيه ماادري مسكين او حق حبوب المهم  يسولف ويضحك قال وقف عند البقالة ووقفت قال لي ابغى دخان وسمالي دخانه احتراما لعمره نزلت ايامها كان عمري 16 سنة  المهم نزلت اجيب له الدخان طلعت مالقيته لاهو ولا الونيت حسبي الله عليه    المهم بعدها صرت واقف ائشر ادور لي تاكسي يوديني للقسم وقدمت شكوى هههههههه وبعدها دورت لي تاكسي مره ثانية وداني للبيت   نص الفلوس اللي كسبتها فالمكده اعطيتها الكدادين اللي وصلوني  الله لايوفقه :( 


up 4 down 0
بن مشعان الرسلاني -26
قبل 6 سنه و 3 شهر