أضف سؤال أو موضوع جديد          

الفرق بين الموتر اللي يمسك قيمته والموتر اللي تطيح قيمته

up 7 down 10
أبو ناصر 60
قبل 7 سنه و 4 شهر



السلام عليكم ورحمة الله وبركاتة 


اخواني حبيت افيد واستفيد منكم بخصوص اسعار السيارات المستخدمة 

دايم نسمع من الناس جملة ( انا ابستخدم ماتهمني قيمة الموتر لو طاحت ) 

طيب انا سمعت هالجملة وطبقتها وصراحة ندمت نوعآ ما انا كنت محتار بين الكامري والالتيما موديلات ٢٠١٠ 

وسويت مقارنه بسيطه بينهن طبعا كل السيارتين ستاندر كان السعر متقارب الفرق ١٠٠٠ ريال الظاهر ناسي كم كانت قيمة الكامري اما الالتيما كانت ب ٧٩٩٠٠ المهم الفرق ديكور الكامري ماعجبني ( طبعا هذي النقطه ترجع لذوق الشخص ) 
المسجل كان كاسيت بالكامري اما الالتيما سي دي وشكل المسجل راكب مع الديكور 
حجم السيارتين متقارب 
كل السيارتين فيها abs 
الالتيما فيها تراكشن والكامري مافيها 
حجم مكينة الالتيما اكبر من الكامري واقوى 
( سعر الالتيما يطيح بعكس الكامري ماسكه قيمتها ) 

طيب ياعزيزي خل نفرض ان معك سيارة موديل ٢٠٠٠ وقيمتها بالسوق ٨٠٠٠ وانا معي سيارة موديل ٢٠٠٠ نفس فئة سيارتك لكنها مرغوبة وقيمتها بالسوق ٢٥٠٠٠ 
السيارتين كلهن احتاجن صيانه بحكم الموديل وكلهن تقريبآ يكلفن ٨٠٠٠ معقول انك تحط هالمبلغ بالموتر اللي ماسك سعره اما اللي مايسوى حرام تحط فيه هالمبلغ تبيعه وتحط المبلغ على قيمته تاخذ نفسه وانظف منه بكثيييير 

يعني الموتر اللي يمسك قيمته يعيش معي اكثر وان كان مواصفاته سيئه 

سعر الالتيما بالسوق نفس اللي معي ماتتعدى ٢٨ والكامري اللي كنت باخذ اللي بنفس حالة سيارتي تسوى ٤٠ 

وياليت تفيدوننا بتجاربكم وارائكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فرق 12 ألف هذي تشتري فيها راحتك لك 4 سنوات تخدم معك

افترض على كل سنه على حسابك 3000 ريال

لانك قلت موترك 28 و الكامري 40

تحسبها بالشهر تطلع تقريباً 250 ريال

انا عن نفسي أدفع 250 ريال فرق كل شهر لكن اركب مةتر أرغب فيه و ارتاح فيه

ما أدري فهمتوا حسبتي او لا


up 18 down 3
لكل ساقط لاقط -57
قبل 7 سنه و 4 شهر



انت تكلمت عن السعر وانا اقولك هالشي صحيح وحتى لو تساوى سعر الكامري مع سعر الالتيما بعد الاستخدام
لاتنسى ان الكامري تلقى زباينها مثل الذر ولا تتعب في بيعتها
سريع سريع تلقى من يشتريها
اما النيسان دورلك احد يشتريه الا اذا كان راغبه يعني بتتعب في بيعته عكس التويوتا 

قبل شهر خويي كان عنده فورشنر 4 سلندر ماخذه وكاله 2008 فحدود ال90
مشى 300 الف والحين نزل الحراج الشريطيه والزباين التفوا حوله وكلن يبي يشتي
باعه ب45 الف
احسب عاد استخدام 6 سنوات وممشى 300 الف

على سبيل المثال
كراون فيكتوريا
وتورس

انزل فيهم الحراج وحتى لو تساوت الاسعار لكن شوف مين اللي ينباع اسرع

اكيد الفيتكوريا لان رغبتها اطثر

ايضا احسب حساب تور القطع وهذي الامور تعرفها بعد الاستخدام وانت ماتكلمت عنها فالموضوع
التويوتا وين ماتروح تلقى قطع غياره
حتى برا السعوديه لاتخاف منه ابد كصيانه وقطع فكل مكان ماتشيل همهم

بعض السيارات ماتحصل قطع الا عند الوكيل وبعض الوكلاء ملخبطين ويطلعونك فترات طويله لتوفير القطع

ايضا مسئلة الكرف
ترجع من صالح تويوتا لقلة التقنيه فيها عكس باقي السيارات 


^^^
لاتنسى ان اللي بيستخدم ومايفكر فالبيع لابد يرجع يحسب حساب الوكيل وتوفر القطع وكرف السياره 


حسبتك مفهومه ولكن الكامري موديل ٢٠٠٠ ماتنزل عن ٢٥ بالنسبة للقراندي 

اما المكسيما زين اذا جابت ١٢ كذا اكون دفعت حق راحتي على حسب حسبتك وخسرت السيارة قبل ينتهي عمرها لاني مااقدر اصينها بمبلغ عالي اما الكامري ماعندي مشكلة لانها غالية مااخسر علي شي ما يسوى 


اخوي شاقح شاكر لردك وكلامك الجميل وشرفني مروركم +١ 


up 3 down 1
أبو ناصر 60
قبل 7 سنه و 4 شهر



مثلاماقل الاخ شاقح السياره الي تمسك سعره مهمه اذا كان استخدمه له قصير ام اللي بيكرفه اللين تخبط ان شاء معليه ذاك الخوف الغبنه انك تشتري سياره وماتمر سنه الل طايح من سعر اكثر من 30 بي المئه


up 1 down 1
نايف مجول القحطاني 376
قبل 7 سنه و 4 شهر



وفيه شيئ مهم اللي هو ان السيارة الفخمه الاماني والشركات الاوربيه وبعض الشركات الامركيه كدلك يطيح سعره لانه مب مرغوبه في السوق ومب شريه الا اللي حالته فوق المتوسط والمطنوخ بيشتري الجديد وعندك حتى مثل الجيب اللكزز لانه فخم الممش مهم وعشان كذا نشوف اغلب اللي عنده سيارة فخمه تلق ممشه قليل والموديل مهم اكيد   


up 1 down 1
نايف مجول القحطاني 376
قبل 7 سنه و 4 شهر



واحد من الاصدقاء شراء باترول مثل الورده موديل 91 اخذه 21الف وكده11 سنه لعن ابوه
ماطلب شي يذكر ومااذكر كشته بعيد الا على موتره باعه قبل شهرين جاب24 النيسان اللي يطيح سعره الالتيما 
والمكسيما ولاتنسى النيسان يكد كد الحمار


up 3 down 0
السيدالمحترم 547
قبل 7 سنه و 4 شهر



لكل ساقط لاقط!!

ليش احس انك ابراهيم التركي احيانا , مدري اسلوبك قريب منه.


up 0 down 5
m11013 923
قبل 7 سنه و 4 شهر



والله نيسان مظلومة بجانب تيوتا لكن شخصيا ً أفضلها على شركات واجد 


up 4 down 1
alswuilem1mohammed 14
قبل 7 سنه و 4 شهر



يا الغالي هي مهيب قصة يعيش ولا مايعيش الكلام اولا وأخراً على الاستخدام صحيح ان فيه سيارات تعتبر اقل جودة من السيارات الثانية لنفس فئتها ومن ضمنها الالتيما مع احترامي لها اشوف انها ماتتقارن كجودة بالكامري لكن هنا عند ربعنا مثل لايمكن يخلونه اللي هو ان حبتك عيني ماضامك الدهر اول كان الهونداي سعره نازل يعني السوناتات اول كانت مثلن 2006 او 2005 ب 32 شبه وكالة وفل كامل الحين شف اسعارها في السوق اذا كانت فل وخصوصا 6 سلندر تجيب بعض الاحيان فوق الاربعين تلقاها مسيومه ب 38 او 39 عندك برضوا الازيرا 2008 او 2009 صافقه فوق الخمسين خصوصا اذا جت ليمتيد 3.8 والسبب ان الناس حبوها وبدوا يشترونها وعارفين جودتها فأرتفع سعرها واعتزت مع الناس وكذلك تويوتا وكذلك الاكورد كلها نفس الموال بينما مثلن عندك الكدلك وش تبي بس مهب فيه افضل المواصفات فيه اشكال مايحتاج قيادة مايحتاج تقول امريكي امريكي مهب يصنع في بلد ثاني ورغم كذا شف كم اسعاره هاذا غير زبونه اللي يعلك على مايجي وهو موتر ماعليه كلام بس الناس تهابه لغلاوة قطعه وصعوبة صيانته وبالعربي ماهضموه العالم فيذا يبي موتر يجلده جلد ولا يحافظ على زيوته ولا شي وبعد 5 سنين يكرش واشتر جديد اجار منتهي بالتمليك وعلى هالموال ... تقبلوا مروري


up 3 down 1
a.ibrahem 3167
قبل 7 سنه و 4 شهر



مقارنتك بحالة السيارتين نفس السعر
طيب اذا الالتيما اقل

قريبي معاه التيما 2009 شراها ب 66 الف ووقتها كانت الكامري 2009 ب 76 ومواصفات اقل

قول الان الكامري تجيب 40 والالتيما 28
فرق 12 الف في البيع لصالح الكامري
وفي للشرائ 10 لصالح الالتيما يعني بشكل عام ماهو فرق مقارنة بمواصفات السياراتين

اذا انت تشتري السيارة عشان تبيع اشتري لك شي يمسك سعره

اما بالنسبة لي ما يهمني لاني ابسوق سيارة انبسط في استخدامها

واذا مهتم مرة بالسعر. طق اكسنت او يارس كلها ب 40 الف 


up 7 down 0
albroker99 742
قبل 7 سنه و 4 شهر



بالنسبه لي
اخذ السياره الي قطع غيارها متوفره وسعرها منطقي والورش تفهم بصيانتها
سواء كانت مرغوبه بالبيع او غير مرغوبه

يهمني سياره تعجبني وما تبهذلني وقت الصيانه فقط


up 4 down 0
sc_est 717
قبل 7 سنه و 4 شهر



انا احترم وجهة نضركم لاكن برضوا لازم الا تاخده تكون مقتنع فيه مثلا لو اني ما احب الكامري و الالتيمة عاجبتني مستحيل اخد الكامري و لو ان سعرها يمسك ووكيلها افضل و قطعها متوفرة اكثر 
لاني اعرف لو اني اخذ شيء مو عاجبني راح اندم و اقول ليتني و ليتني
يعني اذا تعجبني و فيها تمسك سعر ممتاز اذا ما تعجبني ما راح اخدها مهما كان

و احترامي للجميع



up 3 down 0
الرهيب العجيب 134
قبل 7 سنه و 4 شهر



البلوكر الله يعافيك الالتيما موديل ٢٠٠٩ كان عليها عرض ويمكن يذكرونه بعض الاخوان حتى بالتقسيط كان قسطها ٩٩٩

اما ٢٠١٠ لأنه صار غيها تغييرات ارتفع سعرها وكذلك ال ١٢ طاحت قيمتها وال ١٣ اول مانزلت مانت الاستاندر ب ٧٨ اما الان نزلت اسعارهن 


up 0 down 2
أبو ناصر 60
قبل 7 سنه و 4 شهر



ياخي ترجع لك اذا تفكر تبيع خذ سياره تمسك سعرها اما اذا تفكر تستخدم وتبغاها تعيش خذ اللي عاجبك اكثر
وبالنسبه للي بقول انا افكر لمابعد الاستخدام عشان ابيع ياخي السياره وجدت للكرف 


up 1 down 0
mohammed8989 243
قبل 7 سنه و 4 شهر



اخوي كلها نفس الشي على فكرة تابوتها خايسة اما الالتيما  شكلها احلى بس انت السيارة ما بتخلا معك وخصوصا في السعودية. حر وقوف وحفر ومطبات يعني تخلص حقها وتبيعها     


up 0 down 0
amer612 -35
قبل 7 سنه و 4 شهر



كلها فرق عشرة او عشرين الف ما تسوا عليك تركب موتر ما تبيه بس عشانه ماسك سعره يعني هالفرق البسيط لا يفقرك و لا يغنيك

الموتر الي كرف معك من ٨ الى ١٠ سنين لو تبيعه ب ١٥٪ من قيمته فأنت كسبان


up 2 down 0
a_aa_ma 1
قبل 7 سنه و 4 شهر