تعديل واحد يسمع بتعديل السيارات

عادي ..

واحد جيبه يخر قروش وحاب يسوي شي غريب في حياته !!

يمكن يبغا يدخل موسوعه جينسس ههههه .. شكرا على الموضوع .

وش جوه ذا

هو صحيح تعديل ماله داعي ... لكن شغل احترافي .. يعكس ان صاحبه مبدع

ياخي تنفع للمقالب اللي بيشوفها بيقول يسوقها جني بس لو يترك الطاره مكانها قدام والسياره علی ماهي عليه بيصير رعب  

من جد تعديل غبي ويجيب الهم

من يوم ما شفت الي يسوق صدره طايح وله نهود مثل البنات وانا غاسل يدي منه

لويشتريه شريطي عندنا تحصله يحلف بعياله انه شد بلد

صراحة هو تعديل متعوب عليه لكن خسارة ع قل سنع ابي فائدة وحدة بس
أتخيل شكله وعنده ركاب قدام كيف يتصرف في اللفات وهو الروية عنده مؤ
كاملة ولا واضحة 

سبحان الله قد حلمت اني اسوق هالسيارة واللي راكبين قدامي دببه مغطين علي الطريق 

يااخوان الدعوه ذوق اولآ .. ثم ثانيآ احترافيه بالعكس انا اشوفه ابدااع واكيد مهوب حق استخدام لكن تجارب
وافكار ، والشغله مهيب ذيك الصعوبه بس يبي لها عقل مفتح الشغله كلها توصيلات

هو لوكملها وحط الماكينه ورى هههههههههههههههههههه كان كملت هو كعمل ابداع لكن وش الفايده منه حتى استخدام ممنوع تستخدمها في الطرقات عندنا والله من اول تفتيشها غير يحملها للك على السطحه

تعديل متعوب عليه ويكفي انه ناقل السائق الى مكان مختلف

اللي قالوا تعديل غبي ورونا ابداعتكم يالله 

ولا حيلكم بالذم و الاستنقاص 
من شافكم يقول انكم مزعتو العالم بالاختراعات
حتى قدر الضغط مصنوع بالخارج هههههههههههه

اما تنافسه بشي يستاهل الاشاده او اتركه

هذا شغل خاص بورشه بالامارات يبين قدرتهم ع التعديل
الداخلي 
وهو تعديل 180 درجه 

اجل فل هوائيات و كت باك تسميه تعديل

هذا يصلح للي متزوج ثنتين
وكلهن يبن يركبن قدام هههههههههه

تعديل خاطي جدا
ويمكن يسبب حوادث كثير بهالطريقة

التعديل هذا افضل حل عشان مشكلة سواقة الحريم .وتعليمهن السواقه في الزحمه وخصوصا في السفر اذا كان الزوج تعبان تساعده الزوجه في السواقه.وكمان حل لمشكلة اللي متزوج ثنتين ويتهاوشوا علي السواقه بدل ما كل شوي ينزل ويركب الثانيه مكان السواق لا يطشهن عند الطاره وهن يتصرفن بس الله يستر .