أضف سؤال أو موضوع جديد          

شوفو وش حصلت بسيارتي

up 5 down 3
مالك رجا 605
قبل 6 سنه و 6 شهر



اول شي صباح الخير للجميع 
اسعد الله اوقاتكم جميعا.
الموضوع يااخوان اليوم سحبت مقياس الزيت ولقيت ناقص مره مايطلع زيت على المعيار بالمره على طول اقرب بنشري والمفاجأه ان السياره مافيه الا ن نصف علبه تقريبا وين راح الزيت الله اعلم؟ 
طبعا غيرت الزيت سوبر شل لكن تفاجاأت لما نزلت تحت السياره بالصوره زي ماتشوفون كسر بجرم القير مدري هو هذا جرم القير او غيره وبصراحه خوفني الكسر ماهو بسيط بالمره لذلك افيدوني وش السواة اقدر الحمه لحام بارد والله اغيره وهل يتحصل بالتشليح او قطع الغيار. طبعا السياره مع الملاحظات المذكوره فوق سليمه ولا فيها شي حتى العصر تطارحت انا وراعي اكسنت ومشيت عليها 180 وماشاء الله صاروخ ا..السياره تيدا 2007. واعذروني ع الاخطاء الاملائيه اكتب بالجلكسي اس4 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ابحاول انزل الصور عيت تحمل 


up 1 down 0
مالك رجا 605
قبل 6 سنه و 6 شهر



اذا تغيره احسن 

لان مع المطبات والحفريات الكبيره احتمال يخرب اللحام 


up 1 down 0
fawaz__11 534
قبل 6 سنه و 6 شهر



الله يهديك في احد يقاوم وسيارته تيدا هههههههه ومن زين لطبايع تقاوم اكسنت ياموفتري


up 9 down 1
فهد الرويلى -64
قبل 6 سنه و 6 شهر



انت تشوف . لا وبنص علبة زيت كسرت راسه هو والاكسنت حقته..(. الصور عيت تنزل وش اسوي) 


up 7 down 1
مالك رجا 605
قبل 6 سنه و 6 شهر



لأنك تحاول تنزلها من الجوال وحجمها كبير لازم تصغر حجمها
أفضل حل أرسل الصور لواحد عندك في الواتساب ثم أضفها هنا من مجلد صور الواتساب
عشان يكون حجمها أصغر


up 3 down 2
بياع حراجات 870
قبل 6 سنه و 6 شهر



السبب انك طبيت في مويه خاصة ايام الامطار والسيارة حامية
لان السيارات الجديده كلها تضرب على طول جرم القير والمكينه اسرع من القديمه بسبب المياه 
احذر من الطرطشه في المياه وتسلم
سيارات ورق وقراطيس وبس؟!


up 3 down 1
دليل الخير 69
قبل 6 سنه و 6 شهر



عندي الكابريس مشى عليه اخوي من فوق حجر وكانت اطرافها حاده
وشق الكارتير ورحت للصناعيه قالو الفك لحاله ب600 ريال من غير المخرطه
وبالصدفه لقيت واحد حط عليه غراء خاص ما علمني باسمه وكلفني 200 ريال
والحمد لله ماشي معنا لا نقص ولا تهريب
اذا انت من ابها او خميس مشيط ادلك عليه
والله يعيننا وياك


up 0 down 0
b or not be 1437
قبل 6 سنه و 6 شهر



هالمره جت بالسياره 

انتبه وانا اخوك المره الجايه لاتجي فيك…  يعني هذا تحذير لك…  اترك عنك المطارحات والسرعه مافيها خير .. وسيارتك ماهي حق جكر واستعراض عزم .. مكينتها سلندرين ولو تعديت ال180 كان خرخرت مكينتها من كل مكان 


up 1 down 0
هاوي5000 130
قبل 6 سنه و 6 شهر



لحام ما ادري ينفع او لا 
و حتى اذا ينفع افضل التبديل و ما اتوقع يكون غالي 


up 0 down 0
الرهيب العجيب 134
قبل 6 سنه و 6 شهر



محلات قطع الغيار يوجد عندهم ( سليكون قازكيت ) لراس المكينة وما شابه ذلك 

موترك مو حق مطارح احذر تسلم والظاهر دعوة واحد شطفته 


up 0 down 0
elantra 6639 482
قبل 6 سنه و 6 شهر



أيام كان معي إكسنت اسوي نفسي أطارح العالم وإذا عديتهم أحس إني كنق

بس بعد ما جربت الأكورد  عرفت إن اللي كنت أعديهم أصلا ما أنتبهو إن قصدي أطارحهم


up 1 down 0
ألو مرحبا 1893
قبل 6 سنه و 6 شهر