أضف سؤال أو موضوع جديد          

مشكله في مكيف الددسن بخاخ

up 1 down 3
fasoly 124
قبل 4 سنه و 10 شهر



السلام عليكم ورحمة الله وبركاته 

عندي مشكله في مكيف الددسن بخاخ 

المكيف اول ما تشغله يبرد تمام يجلس تقريبا ربع ساعه وبعدين يفصل يطلع هوا حار 

لازم ادعس بنزين واوصل عداد الضغط تقريبا 5 عشان يشبك الكمبرسر 

المهم مالكم بالطويله فحصت المكيف عند اكثر من مختص وقالولي مغناطيس الكمبرسر خربان وفيه فضاوه في الكمبرسر 

اللحين سؤالي وين احصل مغناطيس كمبرسر جديد اصلي ؟؟؟ ماحصلت في قطع الغيار 

وكم سعره مستعمل نظيف اذا ما فيه جديد 

وكم سعر كمبرسر الددسن نظيف ؟؟

 والله يعطيكم العافيه ولا يهينكم ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلا بالغالي اول شي شف لك مهندس تكييف ممتاز خل يفضي الفريون ويفك الثلاجة اللي خلف الدرج حق الراكب ويوديها المغسله 100 % متسكرة من الغبار والترسبات وبعدها ينفخ المواصير بهوى ويعبي الكمبروسر زيت اصلي مقدار نصف بيالة وينظف لك المروحة ويركب كل شي واهم شي يعبي فريون اصلي امريكي كل الشغله تكلف 150 ريال لان الواضح عندك الثلاجة متسكرة من الوصخ اعزك الله او الكمبروسر ناقص زيته اللي قالك مغناطيس مايفهم شي الكمبروسر عبارة عن كلتشات خارجية اللي عليها المكرة والسير والباقي اللي داخل مثل مكينه السيارة بساتم تضغط الهوى والفريون ويمشيها الزيت اذا الكلتشات فيها خلل مع كل فصله تسمع طقه قوية ونسيت اقولك يتاكد من بلف الثلاجة وموجود فيها عليه شمع واعطاله قليله


up 1 down 0
بريق الرياض 265
قبل 4 سنه و 10 شهر



مشكله مكيفك انه يكتم ويفصل وماعاد يشتغل الا بعد فترة سو اللي قلتلك وبيرجع مثل الوكاله


up 0 down 0
بريق الرياض 265
قبل 4 سنه و 10 شهر



انا مع اخوي بريق الرياض 

واذا ربي زينها معك وضبط مكيفك رد لنا خبر
بدون سيفووون 


up 0 down 0
عبدالله 711 775
قبل 4 سنه و 10 شهر



اخوي كنت اعاني مثلك  وريحت نفسي فكيت الكمبروسور وفحصته وطلع تمام ونظفت الثلاجة  وغيرت العلبه الفريون والحساس اللي بالثلاجة غيرته وعبيت فريون اصلي وضبط معاي بس العلبة الفريون غاليه حول 350  بس الاجمالي كلفني 950


up 0 down 0
موووت احبك 1623
قبل 4 سنه و 10 شهر



ونظفت المواصير كلها بس بالاول افحص الكمبروسور زين   لن الجديد غالي  حول 2300  والمستعمل النظيف مابين 600 الى 900 


up 0 down 0
موووت احبك 1623
قبل 4 سنه و 10 شهر



الله يعطيكم العافيه ولا يهينكم يعني البلا ماهو من المغناطيس ؟

انظف الثلاجه والمواصير واعبي فريون وانتهينا ؟


up 0 down 0
fasoly 124
قبل 4 سنه و 10 شهر



والله يكتب لكم الاجر جميعا ويجزاكم خير .


up 0 down 0
fasoly 124
قبل 4 سنه و 10 شهر



ياخوي وده واحد مختص في الكمبوسرات وعنده جهاز فحص وريح راسك 
من كذب الصنايعيه الي كل واحد يفتيلك من راسه 


up 0 down 0
hamad13
قبل 3 سنه و 5 شهر



الكمبرسرات تعتمد على الاصلي والغير الاصلي زي الدداسن من ٢٠١٠
كلها مكسيكي حاول تدور ياباني نظيف من ٢٠٠٠ الى ٢٠٠٧ 
افضل لاصوت ولا طقه الياباني ياباني والمكسيكي تجاري وتبريده خايس
بعد استخدام سنه


up 0 down 0
hamad13
قبل 3 سنه و 5 شهر



بشر ياخوي كيف المكيف ؟!


up 0 down 0
عبدالله 711 775
قبل 2 سنه و 6 شهر



عندى نفس المشكله ووديته ورشه ممتازه وقالوا لي لازم تغير الكمبروسر لأنه أصبح فيه ضعف
وقيمته جديد 2300 وأنا جاري البحث عن مستخدم

اللي عنده خبر وين احصل مستخدم وعليه ضمان يرد لي خبر لاهنتم

على جوال 0565502858


up 0 down 0
سنايفر
قبل 2 سنه و 6 شهر



انا بعد ابحث عن مستخدم نظيف ياباني الي يخبرلي شي ياليت يردلي ٠٥٣٩٢٢٢٠٠٥


up 0 down 0
علي 62
قبل 2 سنه و 6 شهر



يالغالي صارت لي نفس المشكلة تقريبا
, طلعت المشكلة من الدينمو , يا انه غير مشدود او الشداد فيه مشكلة او فيه فضاوة و تاكد من السيور بعد


up 0 down 0
kalasnikov
قبل 2 سنه



انا عندي نفس المشكله وقالوا لي غير تمتيك المكيف واحد قال اخرط الكلتش المكيف


up 0 down 0
sami282890
قبل سنه و 8 شهر