كم يسوى الباترول 98 أو 99

ربنا يرزقك ويوفقك يابو عيد 

مأعتقد 15 تجيبلك الموديلات اللي ذكرت موديلات 99 و الـ 98 مرشوش من الـ30 ألف ونازل شوي

حتى موديلات 93 وفوق ماتحصل إلا بالعشرين 

وبالنسبه للترهيم الموديل إلا موديل أحدث تحتاج إلى الأتي

رفرفين
كبوت 
صدامات أماميه وخلفيه 
والأصعب قص الإسطبات الخلفيه تحتاج سمكري ممتاز يقص البدي لأن الأسطبات القديمه صغيره
والديكور الداخلي يختلف لكن مايحتاج تغيره 
وعليك الحساب في القطع ورشها وتركيبها 

وبالتوفيق

لقيت واحد في الحراج نظيف، وزاودت في الحراج لين وصل 21 ألف ووقفت ، وانباع بــ23 ألف ،،
بينما هنا في الموقع لقيتها حول الـــ 45 ألف وتوصل 55 ألف !!

15 ألف ما ظني تجيب لك شيء طيب ، يمكن 24 ألف وحولها تجيب ربع 99 طيب ،،

لقيت واحد في الموقع موديل 99 واتفقت معه على 23 ولا صار نصيب ، ولقيت مثله بس أنظف وسألته بكم قال بـ 43 ألف ،، موديل 2003 ربع ..

فالأسعار متفاوتة ،، ابحث ثم استخر والله يوفقك

تكمله للرد الأول وتحتاج للأنوار الأماميه مع الإشارات والشيك الأمامي

الله يجزيكم خير ماقصرتوا .
لكن يالربع وش رايكم اذا لقيت باترول بالمبلغ الي عندي ولكن المكينة تعبانه أخذه أو لا ؟

شوف أخوي أبو عيد إذا عندك إستعداد توضب المكينه ربي يعينك 

وللمعلوميه توضيبها راح يكلفك بين الـ 7 آلاف والـ8 آلاف للمحرك العادي 4500 سي سي 

ونصيحه إبتعد عنه إذا كان غير نظيف لأن أكثر سيارات الدفع الرباعي تلقى أغلب ملاكها راعين

تطعيس وجور وصيد وإستخدام شاق ..... وبالتوفيق يابو عيد

الله يجزيك خير , كفيت ووفيت