بكم القى ارمادا 2007 وهل تنصحوني فيه

اخوي انا كان عند الوالد ارمادا 2006 والله هو ماشاء الله للعائله كبير ومريح بس والله المشكله فيه تصلح بمكان يطلعلك خراب بمكان ثاني وقطع غيارة ماهي غالية بس نادر ماتلقاه اذا انت بالرياض راح تلقى بس حنى بالشمال مافي قطع واجد وفيه عيب ثاني ان المكينه داخله مره يعني بعيده ونزال ومن الصعب التغيير بها مثل تغيير السير والبواجي واشياء المكينه والزيت بعني فيها صعوبة لان المكينه داخله تحت تحياتي لك وبالتوفيق

والي اقوله شيء ثاني ان صرف البانزين فيها سريع يعني كنا كل يوم نعبي 20 ريال يوميا وبعناه من كثر المشاكل 

اخوي شريناه ب 81 الف وبعناه بعد سنتين 60 الف 

شكراً لكما وننتظر بقية الاخوة

اﻷرمادا ممتاز بالنسبه لسعره 
واعطاله قليله وقطع غياره رخيصه بنصف سعر قطع التويوتا 

مثال :- 
المساعد اﻷمامي ب 340 ريال للحبه
اما الفورشنر ال4 سلندر ب 580 ريال للحبه

اما عيوبه 
هربده واصوات مع الطريق الغير مزفلت

والله انا ما اطلع بر باخذ بدون دبل 
ومدينة وسفرياتي مرة في السنة

مكينة النيسان ال5.6
اللي موجودة بالارمادا و الباترول الجديد
تصرف بنزين اكثر من السيارات المنافسة
مثل اليوكون و التاهو و الاكسبدشن

خويي اشترا واحد نظيف le اعلى فئة وبه رش خفيف بالرفرف ب35 ومديله 2008 وممشاه 240 الف 

سياره ممتازه وبقوه انا معاي qx56انفنتي اخوه بس الاختلاف في الاكسسورات انا سالت عنه قبل لا اشتريه محد مدحه لي كثير لان الي ملاحضه اي سياره تسال عنه الاغلبيه تذم وتمدح الشي الي تملكه او الشركه الي ماخذ منها و توكلت واشتريه وتفاجئة بغير الواقع والي يتكلمون عنه سياره ممتازه جدا والخطوط حلوه وعزمه مشالله جدا قوي استخدامي له 4 سنين والى الان مافكر ابيعه متمسك فيه وقطع غياره جدا رخيصه مقارنه بحجمه وكبره ترى الاغلبيه تحكم من باب انه يقولون او نسمع خذ العلم من مجرب ولا تاخذ من الي يقولو سمعنها عنه كذا وكذا ترى السياره جدا ممتازه بس خذلك نظيف اهم شي وحافظ عليه وبتنبسط منه وبخصوص البنزين استهلاكه زي الجموس والسيارات الكبيره نفس المستوى بحكم انه جيب و8 سلندر

هذي بعض تسعيرات القطع الي اذكرها
مقصات علويه 250
مقصات سفليه 480
اقمشه 250
مساعد امامي 350
مساعد خلفي 300
بكرة شداد 180
مسامير توازن 60 ريال
جلد عامود التوازن 40
الاذرعه الخارجيه 150
اذرعه داخليه 200
جلد عكوس 150
ترى الاسعار جدا حلوه ورخيصه ومعقول تقدر تحافظ على السياره مشدوده من اسعار قطع الغيارالمعقول عكس الي تجي قطعها غاليه ماتغير القطعه ليه خلاص تنتهي
نصيحتي لك توكل وانشالله اكون افدتك وبتوفيق

والله كلامك صح يقولو لي القطع غير متوفرة وطلعت متوفرة بناء على كلامك 
بس عندي سؤال 
هل القطع الاستهلاكية حقت الارمادا نفس قطع الانفنتي ؟

اخي الفاضل سياره قمه في الروعه جباره ولكن انصحك من ٢٠٠٨ وطالع.  انتبه 
ادواتها رخيصه يكفيك جامعه بين ضخامة الامريكي وحرارة الياباني 

لا احد يجي يقول يهربد اعطني سياره ماتهربد   بالذات الاخ تاهو والاكسبدشن 

يا خالد هل تتوقع اني اجيبها بي 40 او 45 2008

والله وانا اخوك السيارة وبكل اختصار سيارة قوية ورائعة بس القطع غالي شوي كانت معي وحده ٢٠٠٨ ال ايه الفل واروح فيها يوميا للارطاوية من الرياض كل يوم ٧٠٠ كيلوا رايح جاي والسيارة نفس ماهي الي الان اللهم المساعدات الامامية فقط 

الحمدلله انا اقتنعت اني اشتريها والسيارة رائعة كسر وقوة واعجبتني جدا 
وهل تنصحني بال 2008 انا معاي 45 الف هل ألقى واحدة نضيفة بالسعر ذا ؟
وسؤال مهم تعبي 91 ولا 95 

تصحيح **** كسر = كسعر

شريت ولا باقي وبشر نذا شريت اعطنا رأيك