اعتقد و انا اخوك عندك بطاقة عمل تقدر تأجر و بالتوفيق لك يارب

عندي بطاقة عمل بس المشكله يقولون اذا كنت جندي مايأجرون لك 

ياجرون من رتبه رقيب وفوق فقط هذا الي سمعته 

وليش ما يأجرونك ؟! أنت أولى وأحق من غيرك ,,, شباب فاضية عاطلة مشغولة بالتفحيط ليل ونهار يأجرونهم أنت ما يأجرونك ؟! عجبي والله من هذه المكاتب وأصحابها

أخوي فيه مكتبين أو ثلاثة في مجمع مكاتب تأجير السيارات عند كبري خريص يأجرون بإذن الله، الحقيقة أني نسيت أسم المكتب لكني إذا حصلت رقمه الليلة بلغتك ,,, موفق للخير

تسمع كثير وتشوف كثير بس صدقني تلقا مين ياجرك والله يعينك دور الين تلقا .اعرف جنود يستاجرون فيه مكاتب ماتدقق بلتوفيق

اخواااااااااااااااااااااااااااااااااني انا من الخرج مو من الرياض 


وانا اولي من غيري ناس عاطله ويستاجرون ويفحطون 

واجانب يستأجرون عادي بس اذا جا سعودي بيستأجرشروط كثيره 

انا عندي رخصه وعندي بطاقه عمل بس يقولون اني جندي 

ماكتب التاجير يتهربون من العسكر دائما


اما نظامهم لازم تكون البطاقه مكتوب فيها المرتبه كم


ومايقبلون الا المرتبه الخامسه


رغم انه بطاقتي حكوميه لكن رفضوها لان المرتبه ماهي مكتوبه


استاجرة الياريس باسم اخوي واليوم رجعتها لهم


وكلمت الموظف على بطاقتي وليه ترفضونها


قال هذه النظام عندنا


بعد ماشيك على السياره قال انت مامشيت الا 190 كيول في 4 أيام !! ايه ده


قلتله انا ماخذها حقت دوام وجاني ظرف بس


اخذت فالكلام معاه وشوية سوالف


فالاخير قلي اي وقت تحتاج سياره كلمني !!!


قلت طيب انتم ماتقبلون بطاقتي ؟


قال ياعمي ماتخفشي


احنا بس بنحاول ناجر للناس نضمن انهم يحافظون على السيارات واستخدامهم طيييب


لانه قبل اجرنا لكزسس جديد وتفاجئنا انه القير تم استبداله بقير معطوب يعني تم سرقة القير وماعرفنا الا بعد ماخشت الوكاله اكتشفو انه القير تم فكه والمسامير واضحه واثار الفك واضحه واثار الزيت موجوده !!!


قلت افى لهذي الدرجه


قال ايوه غير اللي بيفحطون فيها واللي بياخذون قطعها الاصليه ويركبون قطع قديمه


قال ب احنا بنوثق فالعميل بناجر له حتى لو بدون بطاقة عمل بس احنا بنشدد حرصا على سياراتنا


علما اني لفيت كل مكاتب التاجير اللي عند كبري الخليج وكلهم رفضوني !!



وصدقني السعوديين يعقدون شروط تاجيرهم لانه فيه ناس خربو على غيرهم يعني حقين ( التفحيط واستخدامهم في تهريب الممنوعات وسرقة القطع منها )


اما الاجنبي تلقاهم اصحاب وضامنين بعض او يعرفون انه الاجنبي غالبا استخدامه نظيف

وانا اخوك خذ العلم الوكاد

اغلبهم ماياجرون لاكن بتلقى ناس التاجرك
اهم شي روحلهم وانت مرسم وليكون معاك شباب اذا دخلت المحل عشان يحس انك صدق جاي محتاج

يعطيكم العافيه ماقصرتم 


وصح كلامك ياشاقح ناس تخرب على ناس 

احيانا نقول معاهم حق مايأجرو واحيانا مالهم حق ليه مايأجروووو :(

شوف حبيبي اذا رفض ياجرك اطلب له دوريه امن يعني الشرطه المفروضص انه ياجرك دام معك بطاقه احوال حتى لو مامعك بطاقه عمل دام معك بطاقه  احول وبطاقه عمل ورفقض ياجرك اشتكهم هذا مخالف لنظام 

sauditop 
هل جربت تطلب الدورية لمحل رفض يأجرك سيارة؟ وهل تجاوبت معك الدورية؟ كلامك عن تجربه أو مجرد إقتراح. 

اانا اعرف واحد ولد عمي توه طالع من دوره توه جندي ومستاجر اكسنت بسمه