محتار بين صني و ريو 2014 اقساط

انا عندي الريو صارلها شهرين والله مرتاح معها مع ان عزمها مقبول مو قوي وسافرت مرتين للدمام من الرياض

انا اسناجرت الصني الجديدة مساحتها الداخلية واسعة وغير متوقعة وبالاخص للمرتبة الخلفية لكن يعيبها داخليتها  شكلها غير متناسق وشكمانها حك معي في كم مطب  وﻻ عزمها اشوفه احسن من الشكل القديم 

ما في فرق كبير بقوة المكاين
الريو مكينة اكسنت 1.4   94 حصان
الصني 1.5  99 حصان
اتوقع الريو راسيه اكثر
و الصني اريح لطوال القامة
مع ان الفئة هذي استخدام مدن
مهو مريحة بالسفر لمحدودية القوة و العزم

السلام عليكم وين لقيت الصني وكم سعرها على حسب كلام وكالة العيسى توقفت اخر موديل 2013 يقول احتمال يتغير الشكل 

انا اشوف الريو أفضل من ناحيه الشكل

شف الصني اطلق من ناحية المساحة وفيها ABS وايرباقين 
الريو السياحي والنص فل مافيها ABS وتجي بايرباق واحد

بس العزم والشكل والكماليات الريو افضل
الزبدة عند معرض الفلاح سياحي اوتو 2014 كهرب بـ41
وانصحك تفكر بالكيا سيراتو الشكل الجديد
عند الفلاح بـ46 , 1600 سي سي
وبـ51 , 2000 سي سي

وسيعة ومريحة وحجمها كبير مثل الالنترا , راح تعجبك

الصني صناعة هندية ، وسبق أن أخذتها آجار لمدة أسبوع ولاحظت أن إستهلاكها للبنزين عالي جداً

قياساً بحجمها ...

يا شباب انا رحت قبل فترة وكالة بيجو الموظف ما قصر معي بيجو 301 سعره 44 الف مكينة 1600 عليها ضمان5 سنوات مفتوحة الكيلو يشمل المكينة والجربكس والكهرباء وقطعه حلوة سعرها زي اقمشة ب160 ومتوفرة

والله حيرتوني زيادة مع اضافة بيجو 301 للمقارنة :/

خذ ريو او بيجو 

لو انا بمكانك خذيت الريو بدون تفكير ، انا سقت وحده سيدان مب هتشباك والله اعجبتني خصوصآ المساحه
الاماميه وانت راكب تحس الرؤيه الاماميه للشارع جدآ ممتازه ..اللي جربتها جديده توها ماشيه 2000 على
مااظن وعزمها جيد

من ناحية المساحة الداخلية الصني اوسع سيارة في فئتها .. 

التصميم الخارجي والداخلي الريو اجمل وتصميم عصري مقارنة بالصني

التحمل الريو عملية جدا 

الصني القديم ايضا عملي جدا اما الجديد ماعندي خلفية ... 

معانا ريو ٢٠١٤ اصفار والحين ماشيه ٢٢الف موتر جدا جدا ممتاااز اريح موتر من الفئه الصغيره 
مكيف شكل ديكور مساحه 
اقسم بالله وهذي مو مدحه او شي للكيا انا سيارتي كابرس 
بس كنت ماسك بها خط الدمام ماشي ١٦٠ وسمعت صوت طقطقه خفيف حسبتها الاريل انفك وطاح عالشنطه 
هديت سرعتي شوي لل١٢٠ حسيت السياره ثقلت وقفت لقيت الكفر الخلفي بنشر عالجنط بس م انسلخ 

قعدت ادعي واشكر ربي انه لطف فيني لان معروف سيارات صغيره قواطي وكذا يعني اللي نسمعه والله واحد تقلب عشان كفر ضرب وسيارته 
صغيره وهو مسرع 

طبعا اللي معانا استاندر بس مواصفات فل في تايوتا 
قزاز وقير ومرايات وسنتر لك اتوماتك 


انصحك فيها طبعا في البدايه كان اخوي يشتكي من صرفيتها للبنزين
وصوت من جهه الطرمبه غير ل٩٥ وزاانت الصرفيه والصوت اختفى

موتر جدا عاجبني وتصميم اوربي ووسع بالجهه الامامه من المقاعد والطبلون والتصميم الداخلي 

زياده للمواصفات فيها ارباقين 

الصني الجديده استاجرتها مكيف جدا ممتااز كانه مكيف حق بيت مو سيااره من قووته 
بس من ناحيه سواقه ضاايقني فيها وفجعني يوم اكون داعس بنزين وابي افرمل تعلق وجلي وانتم بكرامه بسبب 
قرب دعسه البنزين من ديكور المسجل وداايم تتكرر لي اكثر من خمس مراات طبعا مدري للكل ولا عشان عرض النعال وانتم بكرامه