أضف سؤال أو موضوع جديد          

نفضة وتعتعة الموتر ووراي بعد يومين خط 1500كم ؟؟؟؟

up 1 down 0
عبدالله 711 791
قبل 8 سنه و 7 شهر



السلام عليكم ورحمة الله وبركاته

اخواني موتري ددسن 2010 غماره ماشية 96000كيلو

قبل مدة انا بنفسي غيرت بواجي مطابقة للوكاله لكن بلاتينيوم وتم وزن خلوصها 

ومر حوالي شهر من تغييرها ولا حصل اي اختلاف معي والحمدلله 

لكن امس عبيت بنزين وبعدها بربع ساعه الموتر قااام يتنافض بقوة 
وطفى علي وانا ماشي 


المهم ان الانوار والمسجل  وكهرب الموتر شغال 100%
وطرمبة البنزين صوتها قبل دقة السلف ماشاء الله
والسلف شغال معي لكن الموتر مايشتغل ابدا فقلت خل الموتر يبرد واجرب 

واجي بعد 5ساعات واشيك على زيت المكينة والرديتر وماشاء الله
قلت خلني ادق سلف ونفس اول ماتشتغل 
قلت خلني ادف الموتر وانتعها الا والموتر شغال لكن يتنافض بقوة 
وافتح الكبوت واطالع الا والمكينه غير ثابته مررررره 


قلت اقرب كهربائي قبل لايطفى الموتر ,,,, وفي الخط الموتر يناتع ويدفدف
بقوة في بداية المشوار ومن بعدها قام يخف الين رااااح مرره!!
واوقف عند الكهربائي شرحت له قال  ما اشوف فيها شيء !! بغيت اعطيه ركبه.....
اللي سواه دعس للمكينه الين بغى يفجرها و فحص الفيوز اللي عند المكينه
واللي داخل الغماره عند السواق فحص بدائي يعني يطلع الفيوز ويرجعها


قال يمكن من البطارية ؟؟ قلت البطارية جديدة وبعدين الموتر طفى وهو كان ماشي !
اخر شيء قال سيارتك مافيها شيء

يا اخوان تكفون بعد يومين وراي خط من نجران الى الخبر ضروري 
وابي فزعتكم اللي قد صارت معه او عنده خبره يجاوب ويبشر بدعوة في ظهر الغيب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعيد ونكرر للمره الملياره 

شيك على اسلاك البواجي .. الكويلات 

وشيك على حساس الهواء اللي عند الفلتر 

الاقرب ان الحساس عندك خربان والله اعلم 

طبعا الحساس طريقة فحصه سهله 

اذا شفت رجه بموترك افصل الفيش حق الحساس 

واذا صفى الموتر اعرف ان الحساس خربان


up 3 down 0
max_9ms 2356
قبل 8 سنه و 7 شهر



الموتر الحين مافيه شيء 
والمحطة الكل يعبي منها ولا حصل اي اشكال 

لكن قلت يمكن يغدر بي الموتر وانا ماسك الخط ويطفى وقروشة وقلق وانتم خابرين .......



up 0 down 0
عبدالله 711 791
قبل 8 سنه و 7 شهر



اها ..

دام انه مافيه شئ الان فاكيد 100% عندك كويل يبي تغيير


up 0 down 0
max_9ms 2356
قبل 8 سنه و 7 شهر



اخوي ماكس وين مكان الحساس ولاعليك امر

ابراهيم يارب يكون مثل ماتقول لكن اعرف كم موتر عبى معي ويفر قدامي
ولاحصل لهم شيء ما غير انا بس *_^

الله لايهينكم ويجمل حالكم على سرعة الرد


up 0 down 0
عبدالله 711 791
قبل 8 سنه و 7 شهر



الحساس اذا خرب تصير نفس الاعراض اللي صارت لك بالاضافه للطبلون بتشوف كل اللمبات مولعات 

عموما لو الحساس تالف كان ماضبط الموتر معك لانه اذا خرب خلاص مايصفى وتروح الرجه ل الموتر الا بتغييره

لذلك غالب الشك ان احد الكويلات ( اسلاك البواجي ) عندك محترق 






up 0 down 0
max_9ms 2356
قبل 8 سنه و 7 شهر



يوم عبيت بنزين سياره كانت طافيه ولا شغاله صارت معي بكابرس عبيتها بنزين وهي مصفره  وعلى طول شغلت سياره وهو يعبي وصارت تنفض موتر وتطفي  خليتها تقريبن ربع ساعه وشغلتها وبعدها صارت ممتازه 


up 0 down 0
سكودر 14931
قبل 8 سنه و 7 شهر



ان شاء الموتر سلك 
لا تسوي شيء
اللهم روح وتعال فيه كثير ان رجعت المشكلة الله يعينك
ما رجعت خلاص احمد ربك و تعوذ من  بليس


up 0 down 0
مخاوي القايلة 258
قبل 8 سنه و 7 شهر



 فك  غطاء   البنزين  


up 1 down 0
صوت العزاوي 523
قبل 8 سنه و 7 شهر



سيارتك 2010 لسى بدري على خراب الحساس فالافضل غير الصفايه حقت البنزين اللي تحت السيارة تحت الراكب بالضبط وغير اسلاك البواجي قبل تمسك الطريق طفت السيارة يوم تسكرت الصفايه من الوصخ تكرم او شرارة البوجي معاد وصلت للديلكو اذا رجعت بعد تغيير الاسلاك والصفايه شيك عالحساسات


up 1 down 0
بريق الرياض 258
قبل 8 سنه و 7 شهر



الصفايه سعرها 50 ريال اصلي والاسلاك 160 ريال تقريبا يالبى الددسن بس


up 1 down 0
بريق الرياض 258
قبل 8 سنه و 7 شهر



لاهنت بريق الرياض


up 0 down 0
عبدالله 711 791
قبل 8 سنه و 7 شهر



ولا انت يالغالي


up 1 down 0
بريق الرياض 258
قبل 8 سنه و 7 شهر