طريقتي المصوره في تنظيف فلتر مكيف المكسيما
12
6
إضغط هنا للإخفاء
السلام عليكم ورحمة الله وبركاته
طبعا من زمااان مانزلت موضوع هنا بالمنتدى بسبب اعمالي واشغالي << خف علينا
بصراحة ماحب اطول بالمقدمات ولا اعرف لها اصلا ههههههه
المهم ندخل بالموضوع
امس اقلب بالمنتديات وحصلت واحد يستفسر عن فلتر المكيف للمكسيما
ورد عليه واحد ونزل فديو توضيحي لطريقة التغيير للفلتر
طبعا الفلتر مكانه خلف الدرج الامامي لجهة الراكب
الزبده انا دخلت راسي فكرة التغيير
قلت خل انظفه اذا كان الفلتر بحاله جيده او اغيره اذا كان تعبان مرهه
المهم واجهز مفتاحي وزراديتي هههههههههههههه
واروح افك مسامير الدرج
مسمارين اسفل باقصى اليمين والشمال
ثم مسمارين فوق يمين ويسار بس قريبين لبعض
ثم مسمارين يمين ويسار قريبين لبعض
فكيتهم ولما جيت افصل افياش الارباق واللمبه ( اللي تولع اذا فتحت الدرج )
فكيت فيش الارباق ثم جيت بفصل فيش اللمبه وعيا ينفصل واجي واشده بقوه واكسره هههههههههههههه
المهم قلت ماعليه خل اكمل شغلي واشوف وضع اللمبه بعدين
ثم نزلت الدرج وجيت يفتح الغطى حق الفلتر وصار هواش عند هالغطى عجزت افتحه بسهولة
وبعد معاناة مع فتح الغطى ابشركم فتحته ولكن يافرحه ماتمت
طلع مكان الفلتر فاضي ومافيه فلتر
هههههههههههههه
هنا عطيتها وضعية حياة الفهد اذا صار حزينه هههههههههههههه
ياحسافة التعب والكسور اللي صارت ههههه
طبعا حصلت علك نوفا بمكان الفلتر وبصراحه مادري وش جابه هنا لكن اخذته وعطيته اخوي الصغير يعلكه ههههه
واجي وارجع الغطى بمكانه واركب الفيش حق الارباق مع فيش اللمبه المكسوره و
استعدادا لتركيب الدرج بس اني عجزت اركبه
هنا اصابني يأس وقررت اتركه واشوف عنه بعدين اذا روقت شوي هههه
بس والله شئ جميل لما الواحد يعتمد على نفسه حتى لو كان فك وربط وشئ بسيط
افضل من اننا نروح للورشات ويستغلوننا وحنا نضحك
واترككم مع الصور + الفديو اللي نكبني ودخل الفكره لراسي هههههه
http://m.youtube.com/watch?v=SbMvTYy8tkg
إبلاغ
سيارات للبيع
الردود
1
0
بس معاي اكسنت
فكها مره سهل بدون مفكات ولا شي بيدك
المهم وفكيته عشين اشوف فلتر المكيف
بس حسافة مالقيته
انشاء الله اليوم بشتوي واحد جديد
1
0
شايف المستطيل اللي فارغ
هذا هو مكان الفلتر بس وين الغطا حقه؟؟؟
انت شاري السيارة من الوكالة ولا مستعملة؟؟؟
2
0
اهم شي شيك ع اخوك الضغير الله يحفظة بعد اكل العللك هههههههه
4
0
والله يجزاك الف خير
0
0
طبعا انا فكيت الغطى حق الفلتر وماحصلت الفلتر وصورته لكم عشان تشوفون مكانه
والغطى حطيته على جنب
أما الموتر فانا ثاني مستخدم له
ماشاء الله
واكيد جاي من الوكالة كذا
طبعا الغطى يجي بالطول ولونه ابيض
وفعلا السيارة وكاله ميجي معها فلتر واعتقد هذي ميزه مهمه جدا
لاني اتوقع لو فيها فلتر كان دفع الهواء بيكون اقل والتبريد ممكن يكون اقل
0
0
ههههههههههههههههه هالوجه الطيب موب غريب علي
0
0
بس احيان تجيب العيد لقل الخبره
خذلك هالسالفه عزيزي
مره اختربت صوفة العكس جهة يسار
وكانت تهرب زيت لانها ضعيفه
تحتاج تغيير
رحت محل قطع غيار وشريت الصوفه حق العكس
ورحت اغيرها بنفسي لاني اعرف لها بصراحه وسهله
الموهيم فكيت الكفر وفكيت صامولة العكس وباقي الاغراض وطلعت العكس
بعد السحب نزل الزيت وقابلتني الصوفه بوجهي .. حلو الكلام ؟
المهم ياطويل العمر فكيت الصوفه وسحبتها برا ونظفت مكانها من الوصخ والزيت
وركب الجديده ورجعت ركبت العكس وطبقت باقي القطع ورجعت الزيت فل الفل
هنا الطامه .......!
بعد اسبوع طلع صوت بالقير ... طقطقطق شكشكشكش .. الصوت متعوب عليه بس انه كذا ههههههه
القير ضرب من داخل طلع هذا صوت احتكاك التروس والرمانات !!
مع انه كان سليم من قبل والسبب :
لمن ركبة الصوفه حقة العكس ركبتها بس مايله ولازم تدقها بمطرقه عشان تلصق بمكانها تماما
طلعت مايله خفيف ولا انتبهت بحكم اني ضامن شغلي واعرف يعني ولكنها زله غير مقصوده وعدم انتباه
وهرب الزيت وانا مدري والمصيبه ماكان يبين لان الهوا يصفق فيه ويلفه جهة الشكمان والقطع الباقيه ولاتشوفه
وانا بنفسي ماشيكت اصلا من تحت وهي واقفه ...
وراح القير مع المسلمين ههههههه ليتني رحت لمكانيكي بـ 100 ريال اصرف
2
0
بالنسبه للدرج اذا بترجعه فك الديكور الي تحت على اليمين عند الباب الي يجي بالطول
0
1
باين انك تشتغل وانت متحمس موفق يارب
قبل 10 سنه و 8 شهر