السيارة تدعس بنزين من حالها نبي مشورتكم وارائكم واقتراحاتكم

1 1

لايمكنك التصويت حتى الحصول على 20 نقطة على الأقل
إضغط هنا للإخفاء

ms any 542
قبل 10 سنه

السلام عليكم

يا جماعة الخير اليوم الصباح وانا طالع اجيب اغراض للبيت لاحظت شي غريب في سيارة الوالد وقفت عند اشارة وطبعاً القير بالفاضي

وفجأة قام الموتر يدعس بنزين من حالة لغاية ما وصل عداد الضغط 3 ونص

ولا تروح الحركة هذي الا اذا عطيت الموتر دعسة يتوقف على طول ويرجع الضغط طبيعي

المهم انلحس مخي اول مرة تصادفني المشكلة هذي

سئلت ابوي قال لا ما عمرها صارت معي وحتى وديتها لورشة قريبة من البيت اسمها الحصان الجامح قال الفني ورني كيف تدعس من حالها حطيت القير بالفاضي وجلست انتظر ولا دعست ولا شي قال الفني الموتر سليم ولا فية اي مشكلة

المهم طلعت من عنده ومشيت وفي الطريق عند الاشارة رجعت تدعس بنزين عصبت لأن الموتر طلعني كذاب قدام الميكانيكي فيس حزين

والشي المضحك بعض المهبل من الشباب اذا شافوني ادعس عند الاشارة يحسبوني بقاومهم اول ما تفتح الاشارة ما تشوف الا غبارهم مدرعمين وانا واقف مكاني ما تحركت خخخخخخخخخ

مع العلم ان الوالد يسوي لها صيانة دورية في الوكالة كل فترة ويتم تغيير اغلب القطع الأستهلاكية

السيارة باترول فتك 2002 مكينة 4800

القير عادي وقطعت مسافة تقريباً 240 الف

طبعاً الوالد كان شاريها وكالة على موديلها وطول الفترة الي فاتت كانت ماشية بدون اي مشاكل

الي صادفته نفس المشكلة او عنده خبر يفيدني لأني مابي استخدم الموتر الفترة هذي لين اعرف وش المشكلة بضبط بارك الله فيكم

إبلاغ

الردود