أضف سؤال أو موضوع جديد          

أتمنى افادتي من أهل الخبره وأصحاب جيوب النيسان

up 1 down 2
mazen - 80
قبل 7 سنه و 10 شهر



السلام عليكم ورحمة الله وبركاته. 
 أسعد الله مسائكم بكل خير. 
 يا اخوان عندي جيب باترول 2008 سوبر والمشكله اللي فيه أن عداد البنزين اذا صار فوق الربع الأخير تطفى السيارة واذا عبيت شوي بنزين يشتغل اليوم رحت لمجموعة كبيرة من الكهربائيين وفني الميكانيك وجننوني واحد يقول عداد البنزين خربان والثاني يقول عوامة البنزين وتركتهم وماصلحته خفت يلعبون في السيارة والطبلون ليزر غالي وابغى اتاكد من اصحاب الجيوب انا اعبي 2 توانكي بنزين ب68 ريال 110 لتر احمر .اذا كان بقيه الجيوب زي كذا اجل المشكلة في العداد واذا كان ياخذ اكثر يمكن الخراب من العوامة .
السؤال الثاني الله يجزاكم خير.
عامود الدبل فيه رجة بسيطة وفكيته وانا مسافر هل يأثر على السيارة ولالا.
والف شكر للجميع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياخوي ما عندي علم بجيوب لاكن قيد مرت علي مشكلة مثل هاذي بظبط اذا نزل البنزين للربع طفت السيارة
لاكن المشكلة كانت من طرمبة البنزين ...تقدر تتأكد اذا من الطرمبة ولالا اذا طفت السيارة
انزل شوف اذا في بنزين في التانكي ولالا اذا فيه فمشكلتك مثلي اذا مافيه جرب تغير العوامة قبل العداد
لان العوامة ارخص يمكن تكلفك حدود 250 او 300


up 0 down 0
shadowz33 1098
قبل 7 سنه و 10 شهر



الله يجزاك الجنه .ماقصرت


up 0 down 0
mazen - 80
قبل 7 سنه و 10 شهر



عندنا عمالة فاشلة بالبلد كلا يفتي من راسه لاجل يكسب من السعودي اكبر مبلغ الله يعين عليهم
عموما اخوي مشكلتك واضحة 
السيارة ماتطفي الا من ان البنزين مايوصل 
يعني المشكلة في طرنمبة البنزين
بالتوفيق


up 0 down 0
متميز جدا 227
قبل 7 سنه و 10 شهر



وعليكم السلام شوف أخوي تأكد من الكتاوت الموجوده تحت الدركسون 

تلقى كتاوت زرقاء تأكد من صلاحيتها دايم تحصل فيها مشكله إذا كانت بارده أو حاره

بالحيل تقطع الكهرب عن طرمبة البنزين عندنا باترول 2007 بالصباح عند التشغيل الطرمبه

ماتشتغل وكلنا أجمعنا على خراب الطرمبه وبالأخير حصلنا المشكله في الكتاوت المذكوره وغيرناها

وإلى يومك الموتر شغال مايشتكي من شي ولله الحمد


up 0 down 0
ابــو ســنــد 10639
قبل 7 سنه و 10 شهر



أخوي قبل ماتشغل تأكد أن تسمع صوت الطرمبه اللي بالتانكي فر المفتاح

للأخير حتى تولع جميع اللمات بالطبلون وإسمع صوت الطرمبه إذا شغاله أو لا

بالنسبه للتانكي الكبير يشيل 90 لتر والصغير الثانوي يشيل 40 لتر


up 0 down 0
ابــو ســنــد 10639
قبل 7 سنه و 10 شهر



بيض الله وجيهكم جميعاً. ابو سند شكر خاص 


up 1 down 0
mazen - 80
قبل 7 سنه و 10 شهر