استفسار عن سعر مكينه باترول 98 بخاخ

وعليكم السلام .

أخوي سلامات وان شاء الله بسيطه ... بالنسبه لسعر الماكينة كامل ماعندي خلفيه عنه .

وبالنسبه للخلط هذا غالبا يكون سببه راس الماكينة نفسه يبيله خرط ( مسحيه ) أو تغير .

الارخص لك انك تصلح الراس أحسن من شراء محرك كامل لأن الخربان عند نص المحرك الي فوق ( راس الماكينة )

أما النص الثاني الي أسفل سليم ( السلندر) اللهم الميكانيكي يفك كارتير الزيت وينظف الماكينة من أسفل بالبنزين من الزيت

والمويه القديمه .

المطلوب منك :

1- رح لمكانيكي وخله يفك راس الماكينة ( أحتمال الراس يبيله مسحيه من تحت أو تغير ) وسعره من 500 الى 1000 ريال بالكثير

2- تروح لمحلات قطع الغيار وتطلب وجيه راس الماكينة فقط تجي طقم ( جلد بلوف - وجه غطا راس الماكينة ) وسعرها

مابين 200 الى 500 ريال .

3- أجرة الميكانيكي ماتتعدا 300 ريال واذا كان فيه مخرطه تزيد 100 ريال للمخرطه .

4- لازم يغسل الكارتير الخاص بزيت الماكينه وينظف الماكينة من اسفل بالغسيل .

وبعدها باذن الله العلي القدير بيظبط موترك مثل أول وأحسن .

ملاحظة / وهذا احتمال يسير واحتمال لا .. على حسب كلام الميكانيكي بعد مايفك الراس ويشوف الماكينة من الداخل ....

اذا السلندر فيه شفه يعني ( الحديد متأكل) أو الشنابر انعدمت مع الحراره أو السبايك مع عامود ( الكرنك ) مخدوشه .

حزتها تعرف ان يبيلك توظيب أو تغير الماكينة ........ اتمنا أفذتك بردي .. تحياتي .

الله يجزاك خير.. الغريب بالموضوع ان الحراره وقت المشكلة طبيعية ماﻻحظت تغيير

شيك على ساعة الحرارة الي راكبه بطرمبه المويه احتمال خربانه عشان كذا الموتر احتر والامبير طبيعي ... بالتوفيق .

توضيبها أو تغييرها سعره متقارب بحدود ال 8 ألاف أو أقل 

وما أزيد عن كلام أخي الكاسر كفى ووفى

اخوي انا اتفق مع الكاسر قد صارت معاي بتسعاوي وطلع الراس خرطته وجبت الوجيه حقتا لراس ورجعت المكينه زي اول ماتشيل هم
كلها مسح الراس مايتجاوز سعره بالمخرطه 100وبجده يخرطونه ب50 واجره فك وتركيب ووجيه الراس وعشق وعيش ياعم الحاج

السلام عليكم
راجع موضوعي للفائدة
http://mazda.montada.haraj.com.sa/35117/استفسار-عن-مشكلة-بمازدا-3-موديل-2007/