تجربة نيسان التيما

أنا أحد ملاك السيارة لها شهر معي .. يعني مستخدم جديد للنيسان بشكل عام و الاتيما بشكل خاص

يعني ما راح أسطتيع أن أفيدك إلا في شغلة وحدة وهي أنه الوكيل تغير أصبح العيسى

طبعاً العيسى كاصيانة ما عنده غير في الرياض و اذا كنت في الغربية او الشرقية فيتم تحويلها الى أوتو ستار

بالنسبة للعيسى حاليا على وشك أن يفتتح فروع الصيانة في جدة و الشرقية ( أتوقع شهر ) و ينتشر في باقي المدن

طولت عليك في موضوع الوكيل ... يعلم الله أنه أهم شئ في شراء السيارة

أخيراً انطباعي للسيارة مقارنة مع كامري 2012 ( الشكل الجديد )

الاتيماء أفضل من الكامري في العزل و داخلية السيارة مريحة و جهة نظري من جميع النواحي و تستاهل سعرها مع العلم أني متخوف من قصة القير لكن متوكل على الله . أما الكامري ميزتها خدمة ما بعد البيع و تمسك سعرها فقط

^^
انشهد انك صادق لكن انا اشوف الكامري اوسع شوي في المقاعد الخلفية

ومن نحاية القير الكامري صارت مثل الالتيما قيرها الان cvt وكلنا بالهواء سواء 

انا معي كامري 13 وبعد مقارنات كثيرة شفت الالتيما افضل من ناحية المواصفات 

الكامري الجديدة عيبها مو راسية بالخط والعزل فاشل لكن انا ما ابي اغيرها لاني ابي موتر يكد 

وبالتوفيق للجميع

اخوي له تجربه اليمه مع المكسيما 2010

لو تقدر تشرح لنا الي تعرفة عن تجربة اخوك مع المكسيما يا سياف
و شاكر لك مرورك

اخوي عبدالله الله يطرح لك البركة بموترك أفهم من تجربتك العزل فيها جيد
سالم يا ابن عمي الله يهنيك بموترك انا أشهد أن عزم الكامري جبار لكن سعرها غالي و مافيها 
مواصفات خوياتها من نفس الفئه و اشكرك على معلوماتك ننتظر تجارب الإخوان و عسى الله 
يختار لي الخير الطيبة

الألتيما من ناحية عزم جبار أحسن من المنافسين ( كامري - أكورد - سوناتا - مازدا )
من ناحية عزل أحسن من المنافسين ( كامري - أكورد - سوناتا - مازدا )
من ناحية رساوة لابأس بها أحسن من الكامري وأقل من الأكورد

لكنها بشكل عام سيارة غير عملية هي وأختها الماكسيما
إذا حظك حلو ممكن ماتصل 300 الف الا والسيارة في حدها من ناحية مكينة او قير او بدي
هذا إذا ماضرب معك القير بعد 100 الف يعني انت ومحافضتك

تبي شور مستخدم ولا شور شخص يردد كلام الناس ولا يدري عن شئ .!!
الالتيما اروع سياره سقتها الى الان معي 13 ماشيه 80,000 فلاتر + زيت + بنزين فقط
وعندي تحفظ على بعض الردود اغلبهم ملاك تويوتا
بالنسبه لي ما اقارنها بالكامري نهائياً 

اسعار قطع الغيار نفس اسعار قطع الكامري هذا الشئ الوحيد الي مقارنها بالكامري
الصيانه بالنسبه لي اسويها عند on stop مركز معتمد من نيسان وفاهمين بسيارات نيسان
وهذي التيما ماشيه 310000 وفيها حقها الى الآن رقم الاعلان ( 3795731 )

واذا بتأخذ 6 سلندر أنصحك بالالتيما اولاً شكل جديد
ثانياً الماكسيما راح يتغير شكلها قريب
ثالثاً القير طوروه اكثر عن السابق الجيل الحالي احلى واسلس ومريح 
رابعاً المزايا الي موجوده بالالتيما مثل النقاط العمياء وتنبيه الخروج عن المسار وتشغيل عن بعد
رساوة اعطيها 9من 10

الماكسيما يعيبها شئ واحد جنط 19 وتعليق رياضي بحت متعب في الحفر والشوارع الكويسه
عاد مايحتاج احكي لك عن شوارعنا 

عموما تقدر تسوي تست درايف موجوده الخدمه بالعيسى 
واستفسر اكثر عن السياره بمنتدى نيسان اريبيا 

والله يكتب الي لك فيه خير 
بالتوفيق

اخوي سلطان تسلم على تقيمك لها و مقارتنها مع نفس الفئه والله جربت كذا
سياره أغلب السيارات الآن تسمع أصوات ديكورات و هي جديده 
وانا اقول مادام الجوده راحت عند الكل الواحد منا يركب موتر مواصفاته حلوه 
ويتمتع بها
اخوي trio
اشكرك لك مرورك
تقدر تفيدنا عن أسعار القطع وين اقدر اسوي تجربة قياده و الله يهنيك بموترك
الي انا فهمته أن السياره ناعمه في سواقتها و مريحة و شكلها حلو من براا

فحمات اماميه 230
فلتر مكيف 119
فلتر هواء المكينة 69
فلتر الزيت ( السيفون ) 25
انا ماغيرت الا فلاتر الى الآن بصدد تغير الفحمات الأماميه على اني مالاحظت عليها شئ 
بس من باب الارتياح فقط
هذي القطع الاستهلاكية الي ممكن تحتاجها في الـ 50 الف الاولى وممكن لا على حسب 
بالنسبه لتجربة القياده العيسى مخرج 5 الدائري الشمالي 
او 
العيسى الدائري الجنوبي مخرج 25 قبل كارفور 

المكسيما 2010
تجربة اخوي لها من 3 سنوات تقريبا 
تم تغيير المكينه مرتين بسبب تخبيطها
كمبروسر المكيف مره وحد اعتقد
طرمبة البنزين مره وحده
العضلات اﻷماميه تسمع جميع انواع اﻷصوات من قربعه وخلافه

السياره ماشيه اكثر من 200 الف

والمشكله السياره مشتريها بنظام التأجير .. خازوق الييييم لن ينساه طول عمره 
تعطل عن الزواج - اموره الماديه متدهوره بسبب هذه السياره 
بالرغم انه معلم وراتبه فوق ال 11 الف 

وقبل مايشتريها اصلا نصحته ولكن ياويل قلبي من اللي مايسمع الشور 
..

خاطره ..**
ادري ان اتباع الحمراني وشركة نيسان يغمروني بالديسلايك

لكني للأسف ماشلت همكم ولا اشغلتو بالي 

محمد سياف

والله يا سياف على قولك خازوق الييم با اكله انا لو ضحيت بالفكتوريا

اشكر كل الإخوان الي تجاوبوا معنا و افادونا بتجاربهم

يا خوان الي عنده التيما موديل 09 v6 نظيفه للبيع يراسلني