أضف سؤال أو موضوع جديد          

تجربتي في إصلاح كمبروسر نيسان مورانو

up 19 down 3
ا هـ م 1 1022
قبل 7 سنه و 2 شهر




تجربتي في إصلاح كمبروسر نيسان مورانو

السلام عليكم ورحمة الله وبركاته
القصه يااخوان ومافيها
اني شغلت المكيف ومافيه بروده
فذهبت لكهربائي شاف المكيف قال فيه فريون
لاكن من الكمبروسر متعطل ( مصلب )
جيب لي كمبروسر
ومريت محلات قطع الغيار قالو ماهو موجود تحصله بالوكالة
مريت وكالة نيسان ( الحمراني ) قالو ماهو موجود الا طلبية وسعره اربع الاف وخمس مئة ريال

( 4500 ) ريال


................................................................................

وديته عند كهربائي اعرفه شاف الكمبروسر قال متعطل فيه كلتش المكيف الي ( بالصورة الاولى تحت الموضوع )


ومريت محلات قطع الغيار والوكالة قلت ابي كلتش مكيف المحلات ماعندهم
الوكالة يقولون ماتجي القطعة لحالها
الا كمبروسر كامل

دورت بمحلات تصليح مكيفات السيارات ماحصلت الكلتش (( عندهم كل القطع الا هذا ))
لانه شكله نادر

ومريت تشاليح المدينة ماحصلت عندهم
اخذت كلتش حق فورد يشبه له لاكن السنه مختلفه ومايركب على الكمبروسر
الحين وصلنا لخلاصة الموضوع
تذكرت اني اعرف واحد شغال بمخرطة اعطيته (( كلتش النيسان المتعطل .. وكلتش الفورد
الي اخذته
بسعر ( 70 ) ريال مستعمل نظيف
قلت له بدل السنه
لان الشكل واحد لاكن السنه مختلفه ماتركب بالكمبروسر
قلت حط السنه حقت النيسان بكلتش الفورد قال اوك
لان السنه تجي كبس بالكلتش
مريته بعد ساعه لقيته مضبط الوضع تشوفه كانه كلتش نيسان حق وكالته
رجعت للكهربائي وركبه ويضبط الكمبروسر واشغل المكيف والحمد لله ثلج ومااحتجنا للوكالة


الناتج

كلتش كمبروسر فورد مستعمل نظيف ( 70 ) ريال
شغل المخرطة ( 50 ) ريال
والكهربائي ( 100 ) ريال

هذي تجربتي للفائدة وليس منقول













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير 

فكره ممتازه جدا وفرت عليك قيمه عاليه 


up 1 down 0
fahada733 193
قبل 7 سنه و 2 شهر



ماشاء الله عليك بغيت تدفع 4500 بقيمة كمبرسر جديد
يعجبني اللي يبحث ويدور حل للمشكلة
ولك احلى لايك


up 4 down 1
Yaser1 669
قبل 7 سنه و 2 شهر



ياريت تقولنا مكان الكهربائي


up 1 down 1
اااااحمد 412
قبل 7 سنه و 2 شهر



الكهربائي اسمه شفيق بعد محطة الفلاح بالمطار بالضبط خلف مطعم الواحة
اسال عنه هناك
بالتوفيق


up 2 down 0
ا هـ م 1 1022
قبل 7 سنه و 2 شهر



فميزان حسناتك يالطيب اول مره اعرف ان الكلتش دايم يخرب


up 1 down 0
hjrtt -47
قبل 7 سنه و 2 شهر



شكرا لصاحب الموضوع

أنا سيارة العائلة فان بمكيفين أمامي وخلفي

خرب المكيف قال الفني كمبرسيور رحت التشليح واحضرت واحد ب 600 ريال وقال الفني ممتاز

سوى تنظيف كامل واستلمت السيارة وشهر وخرب!!!

رحت الصناعية القديمة ونفس الشيء كمبرسيور من عنده وتنظيف وشغل لكن بعد شهر خرب مرة ثانية!!!

رحت لواحد آخر قال سبب الخراب من اديتر المكيف المامي المجاور لاديتر السيارة لازم تغيره كون الاوساخ متراكمة فيه ولاينفع معه التنظيف لازم جديد مع الكمبرسيور وراح علي مايربو على 3500 ريال بين الورشة الاولى والثانية

والآن الصيف مقبل ولازم يتصلح

اللي يعرف فني تكييف ممتاز يذكره لي في الرياض وجزاه الله خيرا


up 2 down 0
أبوياسر74 277
قبل 7 سنه و 2 شهر



الله يجزاك خير ويبارك فيك.

شكراً لمشاركتك إيانا تجربتك.


الله يجزاك خير الجزاء


up 0 down 0
almustashar99
قبل 4 سنه و 10 شهر



ايه نعم اذا غيرت كمبروسر لزم تغير لديتر المكيف لو تاخذ تجاري لنه مايضر ابد واذا ماشريته كنك ماسويت شي ابد ولا يتنظف ابد 


up 0 down 0
mooode90
قبل 2 سنه و 11 شهر



شباب شاري جيب باترول ٢٠١١ المكيف مو شغال فحصنها قال الكمبورسر مو شغال غير الكلاتشات
ويش العمل


up 0 down 0
عبدالعزيز ال مرعي
قبل 10 شهر و أسبوع



السلام عليكم عندي نفس المشكله

 وش نوعه الفرد مثلا
فرد فيوجن 
فرد مركيز 

الله يعطيك العافيه 


up 0 down 0
waleed5533
قبل 9 شهر و 2 أسبوع