لكل من جرب الالتيما يفيدني رجاء

   بعطيك نبذه  عن الالتيما بجيمع فئاتها 

  طبعن  من فينا من لايتذكر الالتيما قديمه  دفع خلفي  صراحه موتر قوي ويستحمل وصنع يباني 

نجي للجيل الثاني التيما 2005 2006  حساسات وخرباتها  كثيره  سير تيمن يتلف بسرعه  حراره سياره صراحه فشلت شركه نيسان التيما يوم نزلو موديل هذا 2005 2006 

 وسعرها طايح  طبعن الي يشتري التيما 2005  اصحاب تعديل ومقاومات  لنه يبي يطقطق فيها مايبي يستخدمها  

 ماكسيما افضل منها  التيما 2008 الى 2012 الجيل الثالث وفوق برضوو  ممتازه بس يعيبها قيرها يسخن وحصلو له حل مبرد وتغير حساسات وزيت سفتي  الى اخره 

 الاللتيما جديده ابدعو فيها الجيل الرابع 2013 2014  صارت مكينه افضل ونظام توفير وقود وبيئه  

   القير صار افضل  من الجيل الثالث نسبه احتكاك 40 بميه مبردين قير اضافيه  

 مطبات حقتها صارت افضل ومساعدات صناعه متطوره وقويه تتحمل حمل زايد ومطبات قاسيه 

اللي خرب سمعة النيسان ( الالتيما 2005 الى 2007 ) تخبط مكينتها بشكل دائم , وهذا اثر على السوق , وانا اتوقع السبب المقاومات ولا النيسان مثل ما قالوا ( صديق الانسان ) و هذا العيب انتشر في الموديلات المذكوره والسبب انا متأكد من سوء الاستخدام

دايم تحصل هالشكل ( 2005 الى 2007 ) يستخدم للمقاومات

فما اتوقع بتحصل شيء نظيف بسهوله

بس اذا حصلت شيء نظيف خذه ولا تترد

انا معي 2008 الشكل الجديد وما شاء الله سويت لها صيانه قبل شهر كذا والحين كانها غزاله

وراسيه لابعد حد وتمشي فيها 170 وتحس نفسك ماشي 100 ما شاء الله من رساوتها و من عزلها ومافيها صوت كان السياره طافيه

اخوي بقولك تجربتي معها

شريت عام 2009 نيسان التيما 6 سلندر موديل 2008 اخر دفعه كان عليها عرض ب 109 الاف المهم
السيارة استخدمتها مدة 8 شهور ( احلى ايام حياتي ) احلى موتر سقته بحياتي جربت المرسدس والكزس بس مثل التيما متعة قيادة ما قد شفتها الا فيها

يكفيك تمشي 230 وتفك يدك من الطارة تكوووون راسية وماسكة نفسهااااا وفارشة على الارض بختصار موتر موتررررر

تندمت اني بعته ولدرجة الرجال الي شراها مني كل ما يشوفني بالجبيل يسلم علي ويقولي ما قد شفت منها شي غير زيت وبنيزن


انا خرب عندي الباكم بسبب سوء الاستعمال وكلفني مبلغ مو هين حول 2900 ريال بس معروفة انها لك ولزمن


تبي نصيحتي خذلك استاندر 2008 على 27 او 30 وراح تدعيلي 2006 ما انصحك نهائياااااا قير و مكينة وهربدة على غير سنعععع

الالتيما ميزتها قطع غيارها متوفر وباسعار رخيصه 
الي عنده استعداد  للموديل الحديث ولا ال 2005 و 6  مافيها اشكال 
 ووش المشكله لو تركبت مكينه الناس اول تتخوف بشكل عام من الي يغير مكينه وقير ودفرنس اشياء اساسيه الان سيارات 2012  تغرق وخبط ويغيرون مكاين ولا احلى ترجع عسل 
والمحافضه لها دور وميزه الالتيما اسعارها مقبوله جدا ورخيصه 

ما انصحك الصراحة في الالتيما موديل 2005 او 2006 فيها مشكلة  حرارة ومكينة

شف الردود كلها يقولون لا تاخذها دورلك سيارة ثانية تحياتي لك والجميع

اخوي انا معي التيما موديل 2010


واوافق اخوي سكودر 


وابو  ريان 


كفيتو ووفيتو 

مااقدر اقول شيء علي الي قلتوهـ

بس احب اعيد شيء قاله ابو ريان

متعه فيه سواقه الالتيما شيء خيال ماتمل من سواقتها 

تكفى يالوفاء طبعي

لا تهيضني ... انا ناوي ابيع الهمر واشتري موتر ...شكلي برجع يا التيما او مكسيما 2010 ... والله متعة متعة متعة متعة

ذكرتني بذكريااااات قديمة .. وحلاتها لا ركبت لها كتباك ماجنا فلو اويليةةةة كلام كبيرررر ... مشروع مكسيما هههههه

النيسان خذه عزم لكن عملي لا
اغلبهم ماتمشيه السيارة 300 الف الا وهي في حدها

اخوي انامعي 2005 4 سلندر فل "تخشيبه وجنط" بس والله ثم والله اني مغير مكينتها 3 مرات والان ادور لي سيارة ثانيه.. نصيحه من اخوك انحححححححححححححححححححححححححححححححش منها وفك عمرك.. انواع الهربده والاصوات وخصوصا المساعد اليمين كل من قابلت يشتكي منها وانا اولهم..
نصيحه مني تبي حق مقاومات خذلك 6 سلندر قير عادي ورهمها وتشق العالم شق.. بس كاستخدام يومي ماتنفع ابدا

قبل اسبوعين بالضبط خوي اخذ التيما 2008 ما في الفحص كويسه  و الموتر نضيف 
ما كملت معه سته ايام الا هي مخبطه مكينه 

انا معي التيما 2007 
لها الان معي سنة وشهر 
قير توماتيك اربعه سلندر 
ابداع 
زيتها اغيره 4000 او 5000 الاف ولا اروع 
اخذتها ماشية 65 الف 
والان ماشية 100 الف 
ولا قد غيرت فيها شي غير اشياء استهلاكية 
واسافر فيها جدة الباحة صد رد اكثر من مره 
جدة ينبع صد رد كل اسبوعين 

بس انا لا اقاوم ولا امشي عليها اكثر من 140 او 150 بالكثير 

السيارة مجنونة قومة وعزم وتغرك بالدعس 
واغلب الشباب يدعس لها ويقاوم لها كثير فطبيعي المكينة بعد فترة تخبط 

السيارة حسب استخدامك تحنها تعطيك افضل ماعندها 
تلعن جدها تعطيك ماتقول لا لكن عمرها الافتراضي يقل 

والله يوفقك 

والله اني محتار فيها نفسي امتلكها و أخاف تبذل بالورش

انا ما عندي اي خلفيه عن اللتيما
لكن عندي اسفسار عن الرنج روفر 
واستخدامه
وبماانني جديد في الموقع
ابغاكم تدلوني كيف اطلع علئ التعليقات الخاصه بالرنج
والاستفسارات
وجزاكم الله خير

يالغالي انحش من النيسان التيما سيارة رياضية وعزم ما شاء الله بس هربدة شي فظيع عند اخوي 2014 ماشية 50 الف تقول انك راكب هيلكس موديل 92
اصوات في كل محل وهو محافظ عليها لكنها هشة ضعيفه بوديها تنك ما يتحمل بعكس التويوتا كانت معي كورولا 2015 ياولد تقول انها كلها من حديد ثاااابتة تاكل المطبات وما تقول شي 
بس غير لها زيت وامش ومعروفة تويوتا بوديها افضل من النيسان

المعذرة بس ما قريت التعليقات

انا صاحب التيما 2005 3.5 6 سلندر

اذا كنت راعي قومات وتفحيط وجلنطات و اذا كنت من اهل القرى البعيدة عالمدن ما انصحك فيها ابد

اذا كنت من سكان الرياض جدة مكة و مستخدم نظيف تصبر معك و من ناحية خرابات المكينة ما تخرب الا اذا كانت مو مهيئة
ب هدرز و فلاتر واغراض معدلة وتقاوم عليها بس اذا بتستخدمها استخدام عادي مشاوير ولا لك بالقومات والتعديل انصحك فيها وبقوة

بالنسبة للاسعار انا من سكان الخرج احصل كل القطع الي ابيها وقطع مقاربة لقطع الكامري وبعض القطع ارخص < كان معي كامري
والكلام الي اقوله على تجربة بالنسبة للخرابات العامة والبنزين البنزين اعبي فل ب 55 بنزين احمر 95 ويمشيني 600 كيلو وكسور
وانا اقول لا تاخذها اذا كنت من اهل القرى السبب مو اي احد يشتغل للالتيما