ما الأفضل ددسن 2014 او ددسن 2009

اخوي تبي تعرف سواقت ولدك عطه السياره وقله رح فرفر لمده ساعه ونت الحقه بموتر اي احد وبعدين ترا الددسن ما أنصحك اقولك ليش طلب الددسن لان الددسن حقت درباوية هو يبيها قدام أخوياه  

ماتصلح له توه صغير 

دور له اكسنت او اي  صغيره  غير الددسن 

انا أنصحك رينو قوتها ٧٠ حصان عشان ما يسرع سرعتها ١٥٠ 
اذا كبر اشترله اللي يبي

2014 ؟ وف ثاني متوسط

اذا  كان   الولد   الله  يصلحه  ويخليه  لك    هادي   ولايروح بر   اشوف  اكسنت   افضل   خفيفه  وبالبنزين   اقتصاديه  
وسعرها   ممتاز  لان  الددسن  غاليه  والبانزين   تصرف  
اما   اذا   كان  حار  على  الموتر  الددسن  تحمل

لان  اخوي  شرينا  له  اكسنت   2010  توماتك   مافي  شي  ما  اعطبه    فيها  واخذناها  منه  طبعا  بنشريله  ددسن لان سواقته   شرسه ويروح  بر   والددسن افضل

الله  يوفقك   بالافضل   المهم   انتبه  من  اصحابه   لان  يقلدهم  

عطه الددسن اللي عندك عشان يقربعبها براحته ....

من وجهت نظري الددسن 2009 أفضل له ,,,
ولكن أنت أستخر ربي سبحانه 
وخل ولدك يستخير 
والله يوفقكم لكل خيرررر

الله يحفظه لك ويرزقه برك اذا الولد راكد اشتر او عطه الي معك وماننكر ان البيت يحتاج لحوض للمقاضي وللطلعات والي يقول درباوي ومادرباوي ماعليك منه

ملآحظه : 35 تجيب ددسن موديل كم ؟غمارتين

الله يحفظه لك اخوي خذ النصيحه والله الددسن مو مناسب له ودامه طلبه راقب الولد باين عليه يمشي مع ناس يسمون نفسهم درباويه حاول اوعي ولدك وتسولف معه عادي وقوله كيف فلتكم ووين تتمشون يعني خذه بكلام كذا لان لو ما لحقت عليه وهو بالمتوسط صدقني بثنوي ما بتلحق عليه اما بنسبه للسياره معني معارض لفكرة انه بثاني متوسط يأخذ بس اذا بتشتريله خذله اكسنت مستخددمه لين م يكبر واعطه الي يبغى لما تشوف انه رزين بسواقه

35 تجيب ددسن من 2006 الى 2003 للي بيطوني دس لايك شريطية لان اي سعر احطه لاي شخص عليه دس لايك



اما بالنسبه لولدك يالغالي ددسن اكسنت اهم شي التوعية لفئه الجرباوية لان التشبه بهم ومماشاهم شاذ واهم شي لازم تعرف ان الولد بعد مايملك سيارة تكثر طلعاته وتتغير سلوكياته لانه بيكون في مرحله الاستقلاليه والصحبه بيصير البيت له مثل السجن بيطلع على سبب وبدون سبب بس الافضل والله اعلم خل الددسن اللي عندك بينك وبينه كبداية بيروح مشوار ياخذه عندك مشوار خذه بيطلع مع اخوياه ياخذه وحاول تساله وين تروحون ومن اخوياك خل يجون يسمرون في البيت عندك في مجلس الشباب مثلا اخر الاسبوع يعني خله تحت عينك في البداية وبتعرف ممشاه من اخوياه ثم اشتر له اللي يبي اذا خلص الثانوي

ثاني متوسط ؟؟؟؟ انا انصحك تجيبله سيكل
بس لاتنسا القفل عشان يربطه بالباب حق المدرسه

ليه تشتري له ددسن انت تعرف ولدك لكن اخوياه بيجون يعززون له والددسن م شاء الله تستجيب للجلنط
خذ له سياره عاديه مثل الاكسنت 2009 ولا اي سياره ثانيه 4 سلندر وتكون بفصله ورح خفف الجلنط لا تخليه من اول سحبه تفر به فرتين  

لا تقرب الجديد كلها كم شهر ويقربع

اخوي اطنخ ولدك بلكزز 2014 

اخوي اهم شي انتبه من اصدقه

ﻻتعطيه توه صغير

خله 2009 يباني احسن من الخياس الجديد