تنظيف البخاخات في بترومين

انصحك جدا


انا كان عندي العداد الامبير الضغط ينزا تحت الواحد وكانها بتطفى وبعد التنضيف البخاخات راحت المشكلة وصارت افضل جدا

فيه بترومين اللي على الدائري مخرج 14 كلهم فلبينيين ماشاء الله عليهم

انا ما اغير زيت وسيفون الا عندهم واشوف سيارات فخمة تغير فلاتر وتنظيف عندهم وشغلهم بطل صراحة بس سعرهم لك عليه شوي

تنظيف البخاخات بـ250 ريال عند بترومين
وشغلهم ممتاز 100%

قبل اسبوعين نظفت البخاخات عندهم ب250 ريال ولا تغير شي عندي بالسيارة خسارة فلوس عالفاضي تخيل 10 دقايق ب250 ريال غبنه بغض النظر عن نوع المنتج حق التنظيف وهالاسبوع شفت لي ميكانيكي وفك البخاخات قدامي وحصلت 2 متسكرة والباقي متسخه وغيرت صفاي البنزين ونظفت التنانكي حق البنزين وفرقت 180 درجه حتى في الفزه خلاصه الكلام فك البخاخات وتنظيفها احسن وبخاخ المتسوبيشي ب40 ريال افضل من جوده المنظف حق المتسوبيشي ابو250 ريال

خساره على فاضي   روح محل ساكو وطلب منظف بخاخات وحطه بتانكي بنزين وسعره 15 ريال  وشف السياره بعدها بتصير بطله 

 اما بترومين  250 ولا كانك سويت شي  خراط وخساره على فاضي بترومين  اخذ سيفون من وكاله وغير عندهم زيت فقط 

اللي يشتكي من البخاخات روح ورشة عند ميكانيكي جيد ونصيحة نظف البخاخات الكتروني على الجهاز التنظيف العادي يزيد من صرفية البنزين والتنظيف على الجهاز يكلف من 300 الى 350 ويرجع زي الوكالة من دون صرفية

والله ماعرفنالكم واحد يقول بترومين ماينفع والثاني يقول التنظيف العادي يسبب صرفيه بنزين 
ع العموم ابي اجرب المنظف حق ساكو ويعين الله

خذ الكلام مني .. والله جربته في سيارتين لي فورد فكتوريا و جمس دينالي ... وتراه على فكره ينظف الثروتل ( الخانق ) والبلوف والبخاخات والترسبات انصح فيه وبشده ... 

عن تجربتي الشخصية .. لم يفيدني بشيء . سيارتي بليزر 97 ..

ولو انت راعي خط .. منظف البخاخات ابو 10 ريال افضل.. ضعه في التانكي و عبي فل 95 و امسك الخط . و إن شاء الله النتيجة افضل

جميل جدا

ابترومين بدعت صراحة