ما هو رايكم فى نيسان صنى وقطع غيرها؟

حلوة وماعليها كلام بس لا تاخذها من الحمراني ابعد عنه

اذا ناوي تاخذها وكالة خذها من العيسى افضل ضمان

وقطع الغيار بشكل عام معقولة مثل الأكسنت مو بعيده عنها

طيب لو شريتها مستعمل 2007 او 2008 مثلا فيها مشاكل او شئ

انا سمعت معلومه من رجال كبير 
يقول انها تشرب البنزين شرب مو صاحي 
واللي معه موديلها ممكن فوق 2006 او حولها 

٨٨٨٨٨٨٨٨
سمعت من رجال كبير خذ المعلومه مني 
ما تصرف بنزين ولا تعرف شي اسمه صرف 
انا استعملت الصني ٩ سنين ولا مره اشتكيت منها ما شاء الله موتر كرف 
ويستحمل والصني مثل كل السيارات لها متطلبات اذا تعتني في زيوتها ومويتها 
ثق بالله ما راح تتعطل معاك بسهوله ولله الحمد استعملتها ٩ سنين ما ركبت لها
لا ماكينه ولا قير واللي حطيت عليها 
مره ركبت لها دينمو 
ومره كمبريسر 
تقريبا ٤ طرمبات بنزين لاني اركب تجاري 
مره كنت اصفيها بيدي عند البيت كسرت احد البخاخات وبدلته من التشليح 
ومره ركبة طبة الراديتر (( القطعه اللي فوق )) 
بدلت اربع كويلات 
بدلت البلف اللي بثلاجة المكيف 
كبست لي الدركسون حق الزيت 
ركبت أقمشة كذا مره والله ما اذكر كم مره 
ركبت لها طقم فلسات الماكينه
وصلحت عكوسها مرتين
صلحت ضفيرة البخاخ كان فيها الالتماس 
وركبت لها فرش ارضيه من التشليح لان الارضيه كان فيها شق
وركبت عليها ديكور خشب اخذته من التشليح من صني فل مواصفات
بدلت فيها رفرف يمين جته صدمه 
ومره صدمني واحد وجه بوجه بدلت الصدام وركبت شبك وشمعات تجاري مع الأركان 
بس هذا اللي اذكره باللي صلحتها بالسياره خلال ٩ سنين والسياره مو استعمال عادي
لا كارفها ومطلع عيون أمها واشتغل عليها كداد وكنت امشيها بعض المرات باليوم ٥٠٠ 
كيلو وفوق هذا الموتر للحين عندي وما شاء الله عليها من احسن ما يكون .
اذا محصل وحده نظيفه خذها وتوكل علي الله 
الله يوفقك 
وتحياتي

استعملنا  نيسان صني 2005 مكيف ثلاجه حراره على ربع  

 رحنا عليها مدينه وكفرات رايحه برحله  وولا قالت شي 

ايه يا رجال قطع النيسان غالية الانوار الامامية صني 2004 لقيتها ب830 وش هاالاسعار بالله

رح شف كم سعر شمعات الاكسنت  ^__________^

ماكس ٢٠١٤ تقول لاقي شمعاتها علي ٨٣٠ والله انا شاريهم ٧٠ ريال حق سيارتي 
وثاني شي وشو اللي قطع غاليه ما فيها اي شي غالي قماشاتها علي ٢٠ ريال وانت
صاعد علي حسب الشركه والصناعة وقطع غيارها حلوه لا غاليه ولا رخيصه .

من وين شريتها انت

من وين شريتها انت وبعدين اصليه ولا تقليدية

والله قطع غياراها غويلية شوي انا غيرت الحمد لله اﻻ الان اشاء استهلاكية ومنها فلتر الهواء وصراحة انصدمت من سعره ب120 اصلي !!

الصني خدومه جدا مكيفها ما شاء الله ممتاز يعيبها انها تلعب حتى وانت ماشي 100 بس كاستخدام وقطع وكل شي رخيص ومتوفر احرص على النظيف . . بلتوفيق

يا اخوي ماكس اكيد تقليد وما شاء الله عليه للحينه نظيف وتقليد درجه أولي وما تفرقه عن الأصلي 
ويا اخوي ماكس اكيد راح تقول فرق بين الأصلي والتقليد وانا اقولك ان الصني والماكسيما والكامري
والكورلا شمعاتها الاصليه تصوفر وتقلب لونها الي اصفر وهذا هو اصلي انا اركب تجاري ما شاء الله 
عليه يجيك شفاف واذا صوفر وقلب لونه لاصفر ارد أبدله وما شاء الله مركب تجاري قبل سنتين وللحين 
شفاف كرستالي ما قلب لونه .
وعلي كلام اخوي ابو ابراهيم ان فلتر الهواء ب١٢٠ ريال والله انا ولا مره ركبت فلتر خلال ٩ سنين لاني 
مبدل الشوته بالكامل ومركب لها شوته سستم رياضيه ومرتاح عليها وأنها ابرك من فلتر الوكاله .
تحياتي

شكرا لكم على الافادة يا اخوان .. بس انا ملاحظ ان سيارات النيسان تشتغل ب 10 او 15 سنة ما تقول شئ ..لكن الاكسنت مثلا تشغل 10 سنوات وتكون مكسرة او متغيرلها ماكينة او جير او تكون تعبانة جدا .

صحيح الكلام ده ولا لا

وشكرا لكم على الافادة

كلامك صحيح