اشتريت صني 2004 وابي رايكم

لا تشتري ياااخي 14 الف كثيرة عليها 14 الف تاخذ ياري 2006 او 2007

ماعندي علم لكن ان كانك شريتها الله يبارك لك فيها وان ماشريتها جربها امسك خط على 120 وشغل المكيفات حتى لو فيه مشاكل في الحرارة تظهر وبرضه لاحظ الحرارة اثناء التوقف ثابته والا وشيك على الزيت وشوف اذا فيه تهريبات سواء من اديتر او ليات طبعا مايحتاج اوصيك ع المكينه والقير آخر شي تفكر فيه الديكورات الداخليه ومظهر السيارة لأن قد تجيك سيارة تلمع وهي كل المشاكل فيها
وكمان خذها لميكانيكي ممتاز خله يشوف الفلاتر والبواجي ثم لكهربائي يشيك ع الاسلاك والحساسات والبخاخات ..انتبه للقطع الاستهلاكيه لانها ماشيه ولاتدري متى اخر مرة تغيرت..
والسلام.

ولاتستحي من صاحب السيارة لو حلف لك او قام يمدح فيك والا في سيارته تراك انت اللي بتاكلها غثه بالاسئله كل صغيرة وكبيره اسأله عنها

نصيه دامك باقي ماشريته
افحصه ب100 ولا 200 علشان مايطلع مشاكل به والله يعطيك خيره ويكفيك شرهه

الرجال اشترى السيارة خلاص 

الف مبرروك خوي ،، سعرها ممتاز انا بايع 2001 قبل شهر 14الف مكينة كبيره والموتر فيه رشات ،
خدم معي 7سنوات موتر كرف وقطعه متوفره وسعرها متوسط ،، حط قطعه اصلي وانساها 

الله يجزاكم خير ياشباب ماقصرتو كفيتو ووفيتو

بس الاسطبات الامامية كم سعرها طبعا أصلية

الاصلي سعرالحبه فوق 750ريال 
خذ تايوان BYC سعر الحبه بمحلات الجمله 90ريال وتخدم معاك كم سنه 

لاهنت يابوريتاج على ردك

طيب والمساعدات الخلفية كم سعرها ياباني او اصلي