اصحاب الباثفندر 2006 وطالع

اخر اصدار للباثفايندر اعتبره جيب هو لحد مديل 2005 اما من 2006 صار كئنه جمس لا ارتفاع ولا تميم يوحي انه جيب خصوصا اخر مديل منخفض مره وكئنه سياره عائليه والمكينه بالعرض حتى الاكسبلورر الجديد خربوه

النيسان لاتشتري منها الا ددسن وسفاري
غير كذا خرابات وقطع غالية تفتح على المشتري ابواب نار جهنم

حنا عندنا 2008 هو زوين بس ترى قاسي شوي مادري لان انا متعود على الامريكي من وانا صغير فالراحة نسبية ,,حلاته 6 سلندر 4000 سي سي يعني حلو بالبر ...واي استفسار حاضرين...

شاكر لمروركم اخواني ولكم مني احلى لايك 

يعطيك العافيه اخوي طلال عبدالله كفيت ووفيت

اخوي شيخ المعارض وشي القطع اللي مو متوفره
مثل ايش 

مع ان طلال يمدح الموتر من جميع النواحي 

معنآ وآحد 2007 حتى آلآن مآشي 380000 تقريبآ كآرفينه كرف و لآآ زآل يعطي مآ شآء آلله 
.
.
.
بّ آلنسبهه للبوآجي لآآ مّ يطلعلك لمبه 
.
.
.
بّ آلنسبه لقطع آلغيآر موجودة ومتوفرة بكل مكآن سوآء في آلوكآلة آو عند آلموزعين بكل صنآعية و آسعآرهآ معقوله و تقدر تآخذ 
لفه عليهآ وتتآكد بنفسك و ميزتهآ ركب آصلي و آنسآه 
.
.
.
بّ آلنسبهه لعيوبه آعتقد آلمرآتب آلخلفيهه مآهي مريحة للطوآل 
.
.
.
آلبودي حقه قوي مآ شآء آلله طبعآ آلسيآره يآبآني تجميع آمريكي و مكينتهآ نفس مكينة آلآكستيرآ 6 سلندر 300 حصآن 4.0 لتر
ومكينته ب الطول مو بّ آلعرض نفس آلشكل آلجديد 2013 و ممتآز للبر و للخطوط و دآخل آلمدينة بحكم حجمه آللي آصغر من آلجمس ..

يعطيك الف عافيه اخوي saeed7 
شاكر لمرورك ولك احلى لايك 

بسم الله الرحمن الرحيم

اضيف على كلام اخوي saeed7

معي موديل 2010 ممتازه وعمليه وكل شي متوفر ورخيص وقارنتها بنفس فئتها وتاكد من نفسك.
الموتر بر مكينه 4000 291 حصان وخفيف يعني مايحتاج وخط مريحه ايضا لاكن المساحه ضيقه داخل وتمتاز بحجم السياره لداخل المدينه مثل السياره السيدان قبل لااشتري كنت اسمع العكس البعض يفتي من راسه او من تحارب سلبيه لاكن التجربه خير برهان كل سياره معرضه للاعطال والانتقاد لاكن يوجد ايجابيات وسلبيات !!! نصيحتي توكل ع الله وخذ نظيف جدا ونص فل مواصفات افضل 2009 وفوق
اي استفسار حياك الله تحياتي لك

يعطيك الف عافيه وشاكر لمرورك اخويsaudi0745
ولك احلى لايك

انحش عنه واحد من الأصدقاء استعماله حشمة الحشمة
وضرب معه القير كذا جلس يخلط الماء بزيت القير وصار ينتع بين التعشيق كأن يصدمه أحد من وراء
ومافيه حل إلا تغييره كامل وبسبعة الآف ريال
عندك خيارات مناسبة وأفضل
الباجيرو متسيوبيشي أفضل وأجمل وعندك الإمريكي إكسبلور
نصيحة الباثفندر لاشكل ولالون ولاطعم

الباثفندر صراحه سيارة عمليه انا نستخدمها اكثر من سنتين ماشاء الله قمه بالروعه عزم طريق وطعوس وقيمته مناسبه بالنسبه للدفع الرباعي ونصيحه لا تاخذ الا فل الفل LE

كل واحد يتكلم بوجهة نظره

والله بحكم اني مستخدم لأكثر من ٦ سنوات للباثفندر ٢٠٠٦
ماشاء الله تبارك الله 
تبي خط ولا مدينه ولا بر  
يطربك 
وخاصة ان سعره رخيص
بحكم انه ياباني أمريكي
ودبل وثلاث مراتب
 وقطع متوفرة وسعرها مناسب 

وانا ناوي استخدمه ولا دريت حصلت واحد لكن يقولون تضرب عليك المكينه وتخبط عيب من مصنعها

هو من 3 سنوات الى 4 ممتاز بعدها يبدا يطلب